جنوبی کوریا کو شکست، پاکستان نے ٹیککن 8 ٹیم ٹورنامنٹ جیت لیا
اشاعت کی تاریخ: 17th, March 2025 GMT
جنوبی کوریا کے دیرینہ تسلط کو ختم کرتے ہوئے، پاکستان نے سیول میں منعقدہ ٹیککن 8 کا ٹائٹل اپنے نام کرلیا، ایک پرجوش مقابلے کے بعد پاکستان نے اپنے کورین ہم منصبوں کو 2 شدید ٹیم لڑائیوں میں شکست دیتے ہوئے ٹائٹل جیت لیا۔
پہلی جھڑپ میں، جسے ‘وسیدا’ کے نام سے جانا جاتا ہے، پاکستان کو ابتدائی سبقت لیتے ہوئے دیکھا گیا، حافظ تنویر نے برائن کو 1-3 سے جبکہ نعمان نے السان کو 0-3 سے شکست سے دوچار کیا، اگرچہ کوریا نے جوابی کارروائی کی، تاہم پاکستان کے اسٹار پلیئر ارسلان ایش نے رنگچو کو پیچھے چھوڑ دیا۔
The final moments of Pakistan vs Korea… ???? #TEKKEN8 pic.
— Brownman (@BrownmanFgc) March 16, 2025
اس کے بعد فرزین نے ملگولڈ کو اور اسامہ عباسی نے جیون ڈیڈنگ کو پچھاڑ دیا، پاکستان کی جیت کی رفتار برقرار رہی کیونکہ حافظ تنویر نے سی بی ایم کو 3-0 سے جبکہ نعمان چوہدری نے چینل کیخلاف 0-3 کی فیصلہ کن برتری کے ساتھ راؤنڈ کا خاتمہ کیا اور پاکستان کے لیے جنوبی کوریا کے خلاف 3-7 سے فتح حاصل کی۔
‘ان لیشڈ’ کے نام سے معروف دوسرے میچ میں حافظ تنویر نے انڈیڈ ملگولڈ اور جیون ڈی ڈنگ کو شکست دی جبکہ دی جون کوئی سیٹ ہارے بغیر سی بی ایم اور رنگچو کو شکست دینے میں کامیاب ہوئے۔
لو ہائی کی سربراہی میں جنوبی کوریا ارسلان ایش اور عاطف پر غالب رہے، جبکہ ملگولڈ نے فرزین اور اسامہ عباسی کے خلاف برتری برقرار رکھی، لیکن پاکستان ثابت قدم رہا، کیونکہ دی جون نے نی المعروف برائن پر 1-2 سے اہم فتح حاصل کی۔
ٹورنامنٹ کے فارمیٹ کے مطابق کوریا کے باہر کیے گئے کھلاڑیوں کو ایک اور شاٹ کے لیے زندہ کیا گیا، لیکن پاکستان نے حوصلہ نہیں ہارا، دی جون نے السان کو 0-2 سے شکست دی، جبکہ فرزین نے لو ہائی کو ناک آؤٹ کیا۔
عاطف نے ملگولڈ اور رنگچو کو ہراتے ہوئے پاکستان کے لیے 9-13 سے فتح ممکن بنائی۔
ماہرین کے مطابق یہ حالیہ فتح مسابقتی ٹیککن میں پاکستان کے بڑھتے ہوئے قد کی نشاندہی کرتی ہے، پاکستان میں ای سپورٹس کو ایک سرکاری کھیل بنانے اور اس کے فروغ میں مدد کے لیے ایک نظام بنانے کے دباؤ کی روشنی میں بھی اس کامیابی کو اہمیت حاصل ہے۔
یہ بھی پڑھیں:
پرائم منسٹر یوتھ پروگرام کے چیئرمین رانا مشہود احمد خان کا کہنا ہے کہ ای اسپورٹس کلبز، اسکالرشپس اور یونیورسٹی کے زیر اہتمام گیمنگ کے دیگر ایونٹس نئے ٹیلنٹ کی شناخت کے لیے اہم ہوں گے۔
ایک پریس بیان میں کہا گیا ہے کہ پاکستان سعودی عرب کے گیمنگ انفرا اسٹرکچر سے متاثر ہوتے ہوئے مقامی ٹیلنٹ کی ضروریات کے مطابق ایک ایسا ہی ماڈل تیار کرنے میں دلچسپی رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پرائم منسٹر یوتھ پروگرام ٹائٹل ٹیککن 8 جنوبی کو رانا مشہود احمد خان سیول گیمنگ گیمنگ انفرا اسٹرکچرذریعہ: WE News
کلیدی لفظ: پاکستان پرائم منسٹر یوتھ پروگرام ٹائٹل جنوبی کو رانا مشہود احمد خان سیول گیمنگ گیمنگ انفرا اسٹرکچر
پڑھیں:
ساف انڈر 17 فٹبال چیمپئن شپ: پاکستان نے بھوٹان 0-4 سے شکست دیدی
ساف انڈر17چیمپئن شپ میں پاکستان نے فاتحانہ آغاز کر دیا۔محمد عبداللہ نے شاندار ہیٹرک کر کے اپنی ٹیم کی فتح میں اہم کردار ادا کیا۔
موصولہ اطلاعات کے مطابق سری لنکا کے شہر کولمبو میں شروع ہونے والی ساف انڈر 17 فٹبال چیمپئن شپ کے افتتاحی میچ میں پاکستان نے بھوٹان کو 4 گول سے شکست دے دی۔
گروپ بی کے میچ میں پاکستان کو پہلے ہاف کے اختتام تک 0-2 کی سبقت حاصل تھی۔ یہ دونوں گول محمد عبداللہ کے نام رہے۔ محمد عبداللہ نےکھیل کے 15ویں منٹ میں گول کرکے پاکستان کو ایک گول کی برتری دلوائی، 25ویں منٹ میں محمد عبداللہ نے گول داغتے ہوئے اسے 0-2 کی سبقت میں تبدیل کردیا۔
کھیل کے دوسرے ہاف میں بھی پاکستان حریف ٹیم پر حاوی رہا۔
حمزہ یاسر نے 67ویں منٹ میں گول کر کے پاکستان کو مزید سبقت دلوا کر مقابلہ 0-3 کردیا۔محمد عبداللہ نے3 منٹ بعد 70ویں منٹ میں گیند کو جال میں ڈال کر ہیٹ ٹرک مکمل کرتے ہوئے پاکستان کو 0-4 کی واضح برتری دلائی جو فیصلہ کن ثابت ہوئی۔
پاکستان اپنے دوسرے گروپ میچ میں جمعہ کو مالدیپ سے مقابلہ کرے گا۔گروپ مرحلے کے تیسرے اور آخری میچ میں پاکستان کا ٹکراؤ روایتی حریف بھارت سے ہوگا۔
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی