جی بی کے عوام جانبدارانہ رویوں، وسائل کی غیر منصفانہ تقسیم سے مایوسی کا شکار ہو رہے ہیں، ثوبیہ مقدم
اشاعت کی تاریخ: 20th, March 2025 GMT
سابق صوبائی وزیر گلگت بلتستان کا کہنا تھا کہ دیامر کی زمینیں دریا کے کنارے سے پہاڑ کی چوٹی تک عوام کی ملکیت ہیں، جس کا تحریری معاہدہ موجود ہے۔ جو اس کو نہیں مانتے وہ خطے میں ناقابل تلافی نقصان پہنچا رہے ہیں جس سے پورا خطہ بحران میں چلا جائے گا۔ اسلام ٹائمز۔ سابق صوبائی وزیر و رہنما پیپلز پارٹی گلگت بلتستان ثوبیہ مقدم نے کہا ہے کہ دیامر کی زمینیں دریا کے کنارے سے پہاڑ کی چوٹی تک عوام کی ملکیت ہیں، جس کا تحریری معاہدہ موجود ہے۔ جو اس کو نہیں مانتے وہ خطے میں ناقابل تلافی نقصان پہنچا رہے ہیں جس سے پورا خطہ بحران میں چلا جائے گا۔ ایک بیان میں سابق صوبائی وزیر کا کہنا تھا کہ گلگت بلتستان پر مزید ظلم نہ کیا جائے۔ یہاں کے عوام میں مسلسل مایوسی پھیل رہی ہے۔ جی بی کے عوام جانبدارانہ رویوں، وسائل کی غیر منصفانہ تقسیم اور ظالمانہ فیصلوں کے وجہ سے مایوسی کا شکار ہو رہے ہیں۔ انہوں نے کہا کہ گلگت-بلتستان میں منتخب عوامی نمائندے اور جماعتیں نظام اور عوام سے لاتعلق نظر آ رہے ہیں۔ یہ عوامی مینڈیٹ کے ساتھ مذاق اور جمہوری اقدار کے منافی ہے۔ پیپلز پارٹی کو گلگت بلتستان میں عوامی حقوق کیلئے منظم انداز میں جدوجہد شروع کرنا ہو گی۔ باشعور عوام بلخصوص نوجوان نسل کو عملی میدان میں کودنا ہو گا۔ انہوں نے مزید کہا کہ گلگت بلتستان میں جو تاریخی زیادتی تحصیل گوہر آباد کے ساتھ کی جا رہی ہے اس کی نظیر نہیں ملتی۔ گوہر آباد کو دیوار سے لگانے کے ذمہ داروں کو عوام آمدہ الیکشن میں سبق سکھائیں گے۔ پچھلے پانچ سالوں میں کسی بھی سیکٹر کی ایک سکیم بھی سالانہ ترقیاتی پروگرام میں شامل نہیں کی گئی ہے۔ حاجی گلبر خان دیامر کے سپوت ہوتے ہوئے بھی گوہر آباد کے عوام کو نظر انداز کر کے بہت مایوس کیا ہے۔
.ذریعہ: Islam Times
کلیدی لفظ: گلگت بلتستان رہے ہیں کے عوام
پڑھیں:
مریم نواز شریف نے وزیر آباد کے لئے الیکٹرک بس پراجیکٹ کا افتتاح کر دیا
وزیراعلیٰ پنجاب نے وزیر آباد پہنچنے پر گکھڑ منڈی بس سٹاپ سے ای بس پر سفر کیا، ان کا خیر مقدم کرنے کے لئے الیکٹرک بس کے روٹ پر عوام کا بہت بڑا ہجوم تھا، الیکٹرک بس کے تمام راستے میں عوام پھولوں کی پتیاں نچھاور کرتے رہے۔ عوام وزیراعلیٰ کی تصاویر لے کر راستے میں کھڑے تھے۔ اسلام ٹائمز۔ وزیراعلیٰ پنجاب مریم نواز شریف نے وزیر آباد کے لئے الیکٹرک بس پراجیکٹ کا آغاز کر دیا۔ وزیراعلیٰ مریم نواز شریف گکھڑ منڈی بس سٹاپ سے ای بس پر سوار ہوئیں، مریم نواز شریف نے بس سٹاپ سے ای بس پر سفر کیا۔ مریم نواز شریف کا خیر مقدم کرنے کے لئے الیکٹرک بس کے روٹ پر عوام کا بہت بڑا ہجوم تھا، الیکٹرک بس کے تمام راستے میں عوام پھولوں کی پتیاں نچھاور کرتے رہے۔ عوام وزیراعلیٰ مریم نواز شریف کی تصاویر لے کر راستے میں کھڑے تھے، مریم نواز شریف نے الیکٹرک بس کا باقاعدہ افتتاح کیا، وزیراعلیٰ پنجاب کو وزیر آباد الیکٹرک بس پراجیکٹ پر تفصیلی بریفنگ دی گئی۔
وزیر آباد میں 15 ماحول دوست الیکٹرک بسیں شہر کے مختلف مضافاتی روٹس پر چلائی جائیں گی، الیکٹرک بس میں مسافروں کے کے لئے وائی فائی اور ہر سیٹ پر موبائل چارجنگ پورٹ بھی میسر ہے۔ ماحول دوست الیکٹرک بسیں مکمل طور پر ایئر کنڈیشنز اور آرام دہ ہیں، الیکٹرک بس میں خواتین کے تحفظ اور سہولت کو مد نظر رکھتے ہوئے الگ کمپارٹمنٹ مختص کئے گئے ہیں۔
خواتین کو ہراساں کرنے والے واقعات کے سدباب کے لئے سی سی ٹی وی کیمرے بھی الیکٹرک بس میں نصب ہیں۔ الیکٹرک بسیں وزیر آباد تا علی پور چٹھہ اور وزیرآباد تا شیخو پور موڑ کے روٹس پر چلائی جائیں گی، وزیر آباد میں الیکٹرک بسوں کے لئے 3 خصوصی چارجنگ سٹیشن بھی قائم کئے گئے ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام