جنگلات کا عالمی دن،پی ایچ اے کی جانب سے راولپنڈی شہر میں شجرکاری تقریبات
اشاعت کی تاریخ: 21st, March 2025 GMT
جنگلات کا عالمی دن،پی ایچ اے کی جانب سے راولپنڈی شہر میں شجرکاری تقریبات WhatsAppFacebookTwitter 0 21 March, 2025 سب نیوز
راولپنڈی(سب نیوز) دنیا بھر میں 21مارچ کو جنگلات کا عالمی دن منایا گیا،اس حوالے سے پارکس اینڈ ہارٹیکلچر اتھارٹی راولپنڈی نے ڈی جی پی ایچ اے احمد حسن رانجھا کی ہدایات پر شہر بھر میں شجرکاری کی اہمیت کو اجاگر کرنے کے لیے مختلف شجرکاری تقریبات کا انعقاد کیا۔علامہ اقبال پارک میں پی ایچ اے راولپنڈی کی جانب سے شجرکاری تقریب کا اہتمام کیا گیا
تقریب میں ڈی سی راولپنڈی حسن وقار چیمہ،ایم پی اے ایڈووکیٹ محمد حنیف،محترمہ طاہرہ اورنگزیب،ایم پی اے ضیا اللہ شاہ،حاجی پرویز خان،لیگی رہنما بلال کیانی سمیت دیگر نے شرکت کی،تمام معزز مہمان پودا لگا کر شجرکاری مہم کا حصہ بنے اور عوام کے درمیان شجرکاری کی اہمیت کو اجاگر کیا،پی ایچ اے کے فری پودوں کی ڈسٹریبیوشن کے سٹال پر جا کر عوام میں پودے بھی تقسیم کئے،ڈھوک منشی پوٹھوار پارک میں بھی پی ایچ اے کی جانب سے شجرکاری تقریب کا انعقاد کیا گیا ،جس میں پارلیمانی سیکرٹری برائے اطلاعات و نشریات دانیال چوہدری نے خصوصی شرکت کی اور پودا لگا کر مہم کا حصہ بنے،اس کے علاوہ مقامی سکول کی بچیوں نے بھی پودے لگائے،اس سے قبل شجرکاری تقریب آر ڈی اے بلڈنگ میں منعقد کی گئی جس میں ڈی جی آر ڈی اے کنزہ مرتضی،ایم ڈی واسا ایم سلیم اشرف اور ڈائریکٹر ہارٹیکلچر پی ایچ اے شیخ طارق محمود نے پودا لگا کر شجرکاری مہم میں حصہ لیا،اس کے علاوہ راولپنڈی پریس کلب میں بھی پی ایچ اے کی جانب سے شجرکاری تقریب کا انعقاد کیا گیا جس میں ڈائریکٹر ایڈمن اینڈ فنانس پی ایچ اے حسنین صاحب،نیشنل پریس کلب کے صدر اظہر جتوئی اور ایگزیکٹو گورننگ باڈی ممبران اظہار الحق نیازی اور شکیل اعوان اور دیگر نے شرکت کی،تمام معزز ممبران نے پودے لگا کر شجرکاری مہم میں حصہ لیا
صدر نیشنل پریس کلب اظہر جتوئی کا کہنا تھا کہ صحافی برادری شجرکاری مہم میں پی ایچ اے کے شانہ بشانہ کھڑی رہے گی،جنگلات کے عالمی دن کے موقع پر پی ایچ اے نے ڈی جی پی ایچ اے احمد حسن رانجھا کی خصوصی ہدایات پر راولپنڈی شہر میں مختلف مقامات پر پلانٹ ڈسٹریبیوشن پوائنٹس لگائے، جن میں عام عوام میں ہزاروں کی تعداد میں مفت پودے تقسیم کئے گئے، علامہ اقبال پارک میں 2600 سے زائد پودے لگائے گئے،تمام تقریبات میں معززین نے شجرکاری کی اہمیت کو اجاگر کیا اور پودے لگانے کے عزم کا اظہار کیا،پی ایچ اے سرسبز راولپنڈی کے مشن کو آگے بڑھانے میں تمام تر وسائل بروئے کار لا رہا ہے۔
.ذریعہ: Daily Sub News
کلیدی لفظ: عالمی دن
پڑھیں:
لاہور تا راولپنڈی ریل کار کے نئے ریک کا افتتاح کر دیا گیا
لاہور:پاکستان ریلوے نے لاہور سے راولپنڈی کے درمیان چلنے والی ریل کار کے نئے ریک کا باضابطہ افتتاح کردیا۔
افتتاحی تقریب میں چیف ایگزیکٹو آفیسر ریلوے عامر علی بلوچ نے شرکت کی اور نئی بوگیوں کا معائنہ کیا۔
ریلوے حکام کے مطابق ریل کار کے نئے ریک کو دشوار گزار راستوں پر موجود ٹریک سے گزارنے کے لیے بوگیوں کو ری فربش کیا گیا ہے۔
بوگیوں میں مسافروں کی سہولت کے لیے کھانے پینے کی اشیاء، ابتدائی طبی امداد کے لیے ادویات، اور صفائی ستھرائی کا خاص انتظام کیا گیا ہے۔
افتتاح کے موقع پر سی ای او ریلوے عامر علی بلوچ نے کہا کہ مزید ٹرینوں میں بھی سہولیات فراہم کی جارہی ہیں۔ کھانے پینے کی اشیاء سے لے کر صفائی اور طبی امداد تک بہترین انتظامات کیے گئے ہیں۔
انہوں نے کہا کہ ریل کا سفر آج بھی دیگر ٹرانسپورٹ ذرائع کے مقابلے میں سستا اور محفوظ ہے۔ ہمارا اصل مقصد مسافروں کو جلد اور بحفاظت اُن کی منزل تک پہنچانا ہے۔
عامر بلوچ کا کہنا تھا کہ لوکو موٹو اور ٹریکس کی مرمت کا کام جاری ہے جبکہ انٹرنیشنل فنانسنگ کے ذریعے ٹریک کی اپ گریڈیشن بھی کی جا رہی ہے تاکہ مستقبل میں ٹرینوں کی رفتار اور سروس کے معیار میں مزید بہتری لائی جا سکے۔
صرف ایک کام— بدل دو نظام