’ایسے جہاز میں بٹھاتے ہی کیوں ہو جس میں پائلٹ نہ ہو‘: ڈیوڈ وارنر بھارتی ائیرلائن پر برہم
اشاعت کی تاریخ: 23rd, March 2025 GMT
ممبئی (نیوز ڈیسک)آسٹریلیا کے سابق کھلاڑی ڈیوڈ وارنر ایئر انڈیا کی پرواز پر سیخ پا ہوگئے۔ وہ ایک فلائٹ پر موجود تھے اور پائلٹ کی عدم موجودگی کے باعث طویل انتظار کروانے پر وارنر نے سوشل میڈیا پر اپنی مایوسی کا اظہار کیا۔
بھارتی میڈیا کے مطابق پائلٹ نہ ہونے کے باعث ڈیوڈ وارنر کے ہمراہ متعدد مسافر کئی گھنٹے جہاز میں بیٹھے رہے۔
ڈیوڈ وارنر نے واقعے کے حوالے سے اپنے ایکس پر ٹوئٹ میں لکھا کہ ہم ایک ایسے ہوائی جہاز میں سوار ہوگئے ہیں جس میں کوئی پائلٹ موجود نہیں اور ہم گھنٹوں سے اس طیارے میں انتظار کررہے ہیں، آپ نے یہ جانتے ہوئے بھی مسافروں کو کیوں سوار کرایا جب آپ کے پاس فلائٹ کے لیے پائلٹ دستیاب نہیں ہے؟
رپورٹ کے مطابق ایئر انڈیا نے واقعے پر وضاحت پیش کرتے ہوئے کہا کہ تاخیر بنگلورو میں خراب موسم کی وجہ سے ہوئی، جس سے کئی پروازیں متاثر ہوئیں۔ ان کا یہ بھی کہنا تھا کہ وارنر کی پرواز کا عملہ ایک اور کام میں مصروف تھا، جس کی وجہ سے تاخیر مزید طویل ہو گئی۔ ایئر انڈیا نے وارنر اور دیگر مسافروں کو ہونے والی تکلیف اور خلل کے لیے معذرت کی ہے۔
وارنر گزشتہ سال جدہ میں ہونے والی آپی پی ایل کی نیلامی میں فروخت نہ ہونے کے بعد جاری انڈین پریمیئر لیگ (آئی پی ایل) 2025 کا حصہ نہیں ہیں۔ وارنر آئی پی ایل کی تاریخ میں ویرات کوہلی، شیکھر دھون اور روہت شرما کے ساتھ 6000 یا اس سے زیادہ رنز بنانے والے چار بلے بازوں میں شامل ہیں۔
مزیدپڑھیں:کیسی گرل فرینڈ چاہئیے؟ ادھیڑ عمر پروفیسر کی سخت شرائط پر سوشل میڈیا پر ہنگامہ
ذریعہ: Daily Ausaf
کلیدی لفظ: ڈیوڈ وارنر
پڑھیں:
جعلی خبروں کی وجہ سے بھارتی میڈیا کی ساکھ بین الاقوامی سطح پر شدید متاثر
data-id="863a0a8" data-element_type="widget" data-widget_type="theme-post-content.default">
نئی دہلی (آن لائن) جعلی خبروں کی وجہ سے بھارتی میڈیا کی ساکھ بین الاقوامی سطح پر شدید متاثر ہو ئی ہے ۔ عرب ٹائمز آن لائن کی رپورٹ کے مطابق بھارتی میڈیا پر اعتماد کا بحران گہرا ہوتا جا رہا ہے اور صحافتی معیار میں زبردست گراوٹ دیکھنے میں آ رہی ہے۔ بھارت میں بڑھتے ہوئے قوم پرستی کے رجحان نے میڈیا کو جھوٹ اور سنسنی خیزی کی جانب دھکیل دیا ہے، جس کے باعث اس کی ساکھ عالمی سطح پر داؤ پر لگ گئی ہے۔ پاک بھارت کشیدگی کے دوران بھارتی ٹی وی چینلز نے جعلی فوٹیج اور ویڈیو گیمز کی ویڈیوز استعمال کرتے ہوئے فوجی فتوحات کی جھوٹی خبریں نشر کیں، جس سے عوام میں گمراہی پھیلی۔ اس حوالے سے عرب ٹائمز آن لائن نے خبردار کیا ہے کہ بھارتی میڈیا حکومتی بیانیے کی تائید کرنے والا ایک آلہ بن چکا ہے اور اس نے اپنی آزادی اور غیرجانبداری کھو دی ہے۔ رپورٹ میں یہ بھی کہا گیا ہے کہ بھارت میں پریس فریڈم شدید خطرے میں ہے اور مقامی صحافیوں اور عالمی مبصرین نے بھارتی میڈیا کو جمہوریت کے لیے ایک بڑا خطرہ قرار دیا ہے۔ آزاد اور شفاف میڈیا کا تصور اب دھندلا سا گیا ہے کیونکہ صحافت سیاسی ایجنڈوں کی تابع ہو چکی ہے۔جعلی خبروں اور سنسنی خیزی نے نہ صرف بھارتی میڈیا کی ناکامی کو بے نقاب کیا ہے بلکہ عوام کے اعتماد کو بھی بری طرح متاثر کیا ہے، جو جمہوری معاشرے کے لیے ایک سنجیدہ مسئلہ ہے۔
جو اعزاز بابر نے اپنے لیگ کیریئر کے ابتدائی سالوں میں حاصل کیا وہ پانے میں کوہلی کو 18 سال لگ گئے