ترکی: استنبول میں عوامی احتجاج جاری‘ حالات میں کشیدگی برقرار
اشاعت کی تاریخ: 24th, March 2025 GMT
استنبول(اردوپوائنٹ اخبارتازہ ترین-انٹرنیشنل پریس ایجنسی۔24 مارچ ۔2025 )ترکی کے سب سے بڑے شہر استنبول میں عوامی احتجاج کے بعد حالات کشیدہ ہیں یہ احتجاج شہر کے میئر اکرم امام اولو کی گرفتاری کے بعد سے جاری ہیں جنہیں بدھ کی صبح بدعنوانی اور دہشت گردی کے الزامات کے تحت حراست میں لیا گیا تھاچار روزسے جاری مظاہروں کے دوران سیکورٹی فورسز اور احتجاجی مظاہرین کے درمیان جھڑپیں بھی ہوئی ہیںامام اولو کی جماعت نے کردوں کی حامی ایک جماعت کے ساتھ انتخابی معاہدہ کیا تھا اس جماعت پر ترک حکام کردستان ورکرز پارٹی کے ساتھ وابستگی کا الزام عائد کرتے ہیں جس کو انقرہ ایک دہشت گرد تنظیم شمار کرتا ہے.
(جاری ہے)
عرب نشریاتی ادارے کے مطابق عدالتی فیصلے میں اولو کوگرفتاری کے بعد جیل بھیجنے کی وجوہات بیان کی گئیں فیصلے میں کہا گیا کہ مشتبہ اکرم امام اولو کو ایک مجرمانہ تنظیم کی تاسیس اور قیادت ، رشوت قبول کرنے، بد عنوانی، ذاتی معلومات کا غیر قانونی اندراج اور ٹینڈروں میں ہیرا پھیری کے الزامات میں قید میں لیا گیا ہے استنبول یونیورسٹی نے پچھلے ہفتے امام اولو کے حراست میں لیے جانے سے چند گھنٹے قبل ان کی ڈگری منسوخ کر دی تھی جس سے صدارتی انتخابات میں ان کی نامزدگی کے سامنے رکاوٹ کھڑی ہو گئی ہے کیونکہ ترکی کا آئین اس بات کو لازم قرار دیتا ہے کہ صدارتی انتخابات میں نامزدگی کے لیے امیدوار کو اعلی تعلیم یافتہ ہونا چاہیے تاہم اولو نے ڈگری کی منسوخی کو سیاسی حربہ قراردیا اور کہا تھاکہ وہ پیچھے نہیں ہٹیں گے اور نہ ہی دباﺅکے سامنے جھکیں گے ان کا کہنا تھاکہ میں ثابت قدم اور مضبوط رہوں گا اور جھکوں گا نہیں انہوں نے کہا کہ جن لوگوں نے اس عمل کو منظم کیا ہے ان کا محاسبہ کیا جائے گا انہوں نے عدالتی کارروائی کوغیر منصفانہ قراردیا. حزب اختلاف کی مرکزی جماعت اور یورپی راہنماﺅں نے صدر اردوگان کے اہم ترین سیاسی حریف کے خلاف ان اقدامات کو سیاسی بنیادوں پر قرار دے کر تنقید کا نشانہ بنایا ہے واضح رہے کہ مارچ 2019 میں پہلی بار میئر منتخب ہونے کے بعد سے استنبول کے 53 سالہ میئر کے خلاف یہ چھٹی اور دو ماہ سے بھی کم عرصے میں تیسری تحقیقات ہیں اکرم اولو نے اس وقت شہرت حاصل کی تھی جب انہوں نے جون 2019 میں الیکشن جیت کر استنبول کے میئر کے لیے صدر اردگان کی جسٹس اینڈ ڈویلپمنٹ پارٹی کے امیدوار کو بری طرح شکست دی ترکی میں جاری مظاہروں کوایک دہائی سے زیادہ عرصے میں ملک کے سب سے بڑے احتجاجی مظاہروں میں شمار کیا جا رہا ہے ترک صدر رجب طیب اردوگان کے سب سے بڑے مخالف اکرم امام وغلو کچھ روز میں 2028 کے الیکشن کے لیے صدارتی امیدوار نامزد ہونے والے تھے ہفتے کے روز امام وغلو کو استنبول کی عدالت میں پیش کیا گیاتھا جہاں پراسیکیوشن نے دہشت گردی اور بدعنوانی کے الزامات میں ان کی باقاعدہ گرفتاری کی درخواست کی جبکہ امام وغلو خود پر عائد کردہ الزامات کی تردید کرتے ہیں دوسری جانب صدر اردوگان نے مظاہروں کی مذمت کرتے ہوئے امام وغلو کی اپوزیشن جماعت سی ایچ پی پر بدامنی پھیلانے اور لوگوں میں تقسیم پیدا کرنے کا الزام لگایا ہے.
ذریعہ: UrduPoint
کلیدی لفظ: تلاش کیجئے امام وغلو کے بعد
پڑھیں:
اینڈی پائیکرافٹ تنازع پر ڈیڈ لاک برقرار، پاکستان اور یو اے ای کے درمیان میچ ایک گھنٹہ ملتوی، مشاورت جاری
پاکستان اور بھارت کے میچ کے دوران جانبدارانہ رویہ اختیار کرنے والے میچ ریفری اینڈی پائیکرافٹ کو ایونٹ سے نکالنے کا معاملہ شدت اختیار کر گیا، پاکستان اور یو اے ای کے درمیان میچ کو ایک گھنٹے کے لیے ملتوی کر دیا گیا ہے۔
ترجمان پاکستان کرکٹ بورڈ عامر میر نے لاہور میں میڈیا سے گفتگو کرتے ہوئے بتایا کہ چیئرمین پی سی بی محسن نقوی دبئی میں حکام کے ساتھ رابطے میں ہیں جب کہ قذافی اسٹیڈیم لاہور میں چیئرمین پی سی بی کی نجم سیٹھی اور رمیز راجہ سے بھی اس حوالے سے مشاورت جاری ہے۔
انہوں نے بتایا کہ پاکستان اور یو اے ای کے درمیان میچ کو ایک گھنٹے کے لیے ملتوی کر دیا گیا ۔
قبل ازیں، پاکستان کرکٹ بورڈ (پی سی بی) کی جانب سے ایشیا کپ کے میچ ریفری اینڈی پائیکرافٹ کو ایونٹ سے نکالنے کے مطالبے پر انٹرنیشنل کرکٹ کونسل (آئی سی سی) نے دبئی میں ہنگامی اجلاس منعقد کیا۔
دبئی میں ہونے والے اجلاس میں انٹرنیشنل کرکٹ کونسل، ایشین کرکٹ کونسل (اے سی سی) کے نمائندے شریک ہیں، جب کہ پاکستان کرکٹ بورڈ کے اعلیٰ حکام ویڈیو لنک کے زریعے اجلاس میں شریک ہوئے۔
ہنگامی اجلاس میں ’نو ہینڈ شیک‘ تنازع اور ریفری کے تبادلے کے معاملے پر غور کیا گیا۔
ذرائع کے مطابق پاکستان ٹیم کی ہوٹل سے اسٹیڈیم روانگی روک دی گئی ہے، قومی کھلاڑیوں کو واپس اپنے کمروں میں جانے کی ہدایات دے دی گئی ہیں، تاہم پاکستان ٹیم کا سامان اسٹیڈیم جانے والی بس میں رکھ دیا گیا ہے۔
قبل ازیں، ذرائع نے ڈان نیوز کو بتایا کہ آئی سی سی میچ ریفری اینڈی پائیکرافٹ نو ہینڈ شیک معاملے پر پاکستان ٹیم سے معافی مانگ سکتے ہیں، معافی مانگنے کی صورت میں معاملہ ختم ہونے کا امکان ہے۔
واضح رہے کہ پاکستان اور متحدہ عرب امارات (یو اے ای) کے درمیان مقابلہ آج شام 7 بجے شیڈول ہے۔
دوسری جانب پاکستان کرکٹ بورڈ نے حالیہ تنازع پر لاہور میں اہم پریس کانفرنس طلب کر لی ہے، چیئرمین پی سی بی محسن نقوی کی پریس کانفرنس کچھ دیر بعد شروع ہوگی۔
دریں اثنا، پاکستان کرکٹ بورڈ کے سربراہ محسن نقوی نے سابق چیئرمین پی سی بی نجم سیٹھی اور رمیز راجہ کو مشاورت کے لیے قذافی اسٹیڈیم لاہور طلب کیا ہے، سابق چئیرمین پی سی بی نجم سیٹھی مشاورت کے لیے پی سی بی ہیڈ کوارٹر پہنچ گئے ہیں۔
ایشیا کپ کے 14 ستمبر کو ہونے والے چھٹے میچ میں یہ تنازع اُس وقت سامنے آیا جب میچ ریفری اینڈی پائیکرافٹ نے بھارتی کرکٹ بورڈ کی ہدایت پر حریف کپتان سوریا کمار یادیو کو ہاتھ ملانے سے منع کیا تھا۔
میچ کے اختتام پر بھارتی کرکٹ ٹیم نے بھی اسپورٹس مین اسپرٹ کو نظر انداز کرتے ہوئے پاکستان ٹیم سے ’نو ہینڈ شیک‘ کیا تھا، جس کے جواب میں پاکستان کرکٹ ٹیم کی مینجمنٹ نے کپتان سلمان علی آغا کو پوسٹ میچ پریذنٹیشن میں جانے سے منع کر دیا تھا۔
بعدازاں پاکستان کرکٹ بورڈ نے میچ ریفری اینڈی پائیکرافٹ کو ایشیا کپ سے نکالنے کا مطالبہ کرتے ہوئے آئی سی سی حکام کو خط لکھا، جس کے جواب میں آئی سی سی نے پاکستان کرکٹ بورڈ کو بتایا کہ ’نو ہینڈ شیک‘ میں اینڈی پائیکرافٹ کا کردار نہ ہونے کے برابر تھا۔
پاکستان کرکٹ بورڈ نے آئی سی سی کے مؤقف پر عدم اطمینان کرتے ہوئے آج دوسرا خط بھی آئی سی سی حکام کو لکھ دیا، جس میں باور کروایا گیا کہ اگر میچ ریفری کو ایونٹ سے نہ نکالا گیا تو پاکستان ایشیا کپ کا بائیکاٹ کر دے گا۔
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید