اللہ پر پختہ یقین نے جاوید شیخ کی مدد کیسے کی؟
اشاعت کی تاریخ: 25th, March 2025 GMT
معروف اداکار جاوید شیخ کا کہنا ہے کہ 25 سال قبل ان پر بہت مشکل وقت آیا تھا، لوگ ان کے خلاف ہو گئے تھے اور کہتے تھے جاوید شیخ ختم ہو چکا ہے۔ انہوں نے کہا اللہ دے کر بھی آزماتا ہے اور چھین کر بھی آزماتا ہے۔
جاوید شیخ نے حال ہی میں رمضان ٹرانسمیشن میں شرکت کی، جس کی میزبانی جویریہ سعود کر رہی تھیں۔ شو میں، انہوں نے اللہ پر اپنے پختہ ایمان کے بارے میں بات کی۔
جاوید شیخ نے کہا، ’سال 2000 میں اللہ نے مجھ سے سب کچھ چھین لیا۔ میری تمام فلمیں فلاپ ہو گئیں، مجھے کوئی کام نہیں مل رہا تھا۔ لوگ میرے خلاف باتیں کرتے تھے، اور پورا اسٹوڈیو میرے خلاف ہو چکا تھا۔ وہ کہتے تھے، جاوید شیخ ختم ہو چکا ہے، اسے کراچی واپس جانا چاہیے‘۔
اداکار نے کہا کہ ’یہ وہ وقت تھا جب میں ٹوٹ کر سب کچھ چھوڑ سکتا تھا۔ یہ میرا برا دور تھا میں ڈپریشن کا شکار ہو سکتا تھا۔ جیسے وحید مراد پر بھی مشکل وقت آیا تھا اور وہ ڈپریشن کا شکار ہو گئے، جبکہ میں نے ہمت نہیں ہاری۔ میں کبھی بھی اسٹوڈیو جانا نہیں چھوڑا۔ میں وہاں جاتا، بیٹھتا، چائے پیتا اور اپنے دوستوں سے ملتا تھا اور وہ بتاتے تھے کہ باہر سب کہہ رہے ہیں کہ جاوید شیخ ختم ہو گیا ہے‘۔
جاوید شیخ نے کہا کہ ’اس وقت میرے منہ سے جملا نکلا کہ یہ کون ہوتے ہیں مجھے ختم کرنے والے، ختم کرنے والی وہ ذات ہے جس دن وہ چاہے گا میں یہاں نہیں آؤں گا۔ انہوں نے کہا کہ شاید اللہ کو میری یہ بات پسند آ گئی۔ میں تھیٹر کر رہا تھا کہ ایک بندہ میرے پاس آیا اور کہا فلم بنانی ہے کتنے کی بنے گی میں نے جواب میں کہا کہ 1 کروڑ لگیں گے‘۔
یہ بھی پڑھیں: جاوید شیخ کے الزامات پر عمران ہاشمی بول پڑے
اداکار کے مطابق اس شخص نے کہا کہ اسے بڑی فلم بنانی ہے جس پر میں نے کہا کہ 5 کروڑ روپے لگیں گے اور اس نے مجھے فلم کے لیے 5 کروڑ روپے دے دیے اور جب فلم ریلیز ہونے والی تھی تو لوگوں نے کہا 5 کروڑ کا جنازہ آ رہا ہے لیکن وہ فلم ’یہ دل آپ کا ہوا‘ سپر ہٹ ثابت ہوئی۔ اور میں نے ان لوگوں کو ٹکٹ نہیں دیے جو میرے بارے میں افواہیں پھیلاتے تھے۔
واضح رہے کہ جاوید شیخ پاکستان کے ایک لیجنڈ اداکار اور فلم ساز ہیں۔ انہوں نے کئی ہٹ فلموں میں کام کیا ہے جیسے چیف صاحب، یہ دل آپ کا ہوا، نا معلوم افراد، جوانی پھر نہیں آنی، اور رنگ نمبر۔ ان کے مشہور ڈرامے ہیں انکہی، زندگی گلزار ہے، سمجھوتہ، کبھی میں کبھی تم اور اقتدار شامل ہیں۔ حال ہی میں، ان کے مداحوں نے سپر ہٹ ڈرامہ سیریل ’کبھی میں کبھی تم‘ میں ان کی بہترین کارکردگی کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جاوید شیخ جویریہ سعود.ذریعہ: WE News
کلیدی لفظ: جاوید شیخ جویریہ سعود جاوید شیخ نے کہا کہ انہوں نے
پڑھیں:
امریکی کے سمندر میں آتش فشاں کبھی بھی پھٹ سکتا ہے، ماہرین کا انتباہ
امریکا کے مغرب میں زیر سمندر آتش فشاں کسی بھی وقت پھٹ سکتا ہے اور دنیا بھر میں اس مظہر کو براہ راست دیکھا جا سکتا ہیں۔
ایکسیئل سی ماؤنٹ امریکی ریاست اوریگن کے ساحل سے 482 کلو میٹر کے فاصلے پر ژاں ڈی فوکا رج میں واقع ہے اور شمال مغرب پیسیفک میں سب سے فعال آتش فشان ہے۔
سائنس دانوں نے اس زیر سمندر آتش فشاں کی نگرانی کے لیے حال ہی میں اس کی چوٹی کے قریب ایک کیمرا نصب کیا ہے جس سے دنیا بھر کے لوگ اس کے پھٹے وقت کا نظارہ کر سکیں گے۔
یہ لائیو اسٹریم روزنہ ایسٹرن ٹائم اور پیسیفک ٹائم کے مطابق صبح دو بجے، صبح پانچ بجے، صبح آٹھ بجے اور صبح 11 بجے 14 منٹ کے ٹکڑوں میں انٹر ایکٹیو اوشیئنز ویب سائٹ پر چلائی جاتی ہے۔
اوشیئن آبزرویشن کا ایک بیان میں کہنا تھا کہ ایچ ڈی ویڈیو کا فوکس 14 فٹ لمبے مشروم پر ہے جو فعال ہے اور گرم ذخیرہ خارج کر رہا ہے، جو کہ آتش فشاں کے مغربی حصے پر ایکسیئل سی ماؤنٹ پر موجود ہے۔
واضح رہے کچھ روز قبل یونیورسٹی آف واشنگٹن کے ایک پروفیسر ولیم ولکاک نے ایک بیان میں متنبہ کیا تھا کہ وقت کے ساتھ آتش فشاں سطح کے اندر میگما بھر جانے کی وجہ سے پھول گیا ہے۔
انہوں نے کہا تھا کہ کچھ محققین نے خیال پیش کیا ہے کہ پھولنے کا حجم اس کے پھٹنے کے متعلق پیشگوئی کر سکتا ہے اور اگر وہ لوگ ٹھیک ہیں تو یہ بات دلچسپ ہوگی کیوں کہ یہ آتش فشاں اتنا پھول چکا ہے جتنا گزشتہ تین بار پھٹنے سے قبل پھولا تھا۔ یعنی اگر یہ خیال درست ہے تو یہ آتش فشاں کبھی بھی پھٹ سکتا ہے۔
5000 فٹ کی گہرائی میں موجود یہ آتش فشاں 1998، 2011 اور 2015 میں پھٹ چکا ہے۔
بنوں میں ریسکیو 1122 کے زیر تعمیر دفتر میں دھماکا