سی ڈی اے افسران ایسوسی ایشن کا ہنگامی اجلاس، غیر قانونی ایف آئی آرز پر شدید تشویش
اشاعت کی تاریخ: 25th, March 2025 GMT
سی ڈی اے افسران ایسوسی ایشن کا ہنگامی اجلاس، غیر قانونی ایف آئی آرز پر شدید تشویش WhatsAppFacebookTwitter 0 25 March, 2025 سب نیوز
اسلام آباد(آئی پی ایس) سی ڈی اے افسران ایسوسی ایشن کی ایگزیکٹو باڈی کا ہنگامی اجلاس منعقد ہوا، جس کی صدارت جنرل سیکرٹری نعمت اللہ مسعود نے کی۔ اجلاس میں سی ڈی اے کے افسران اور ملازمین کے خلاف درج کی گئی غیر قانونی ایف آئی آرز پر شدید تشویش کا اظہار کیا گیا اور اس اقدام کو ادارے کی ساکھ، کارکردگی اور ملازمین کے حوصلے پر منفی اثر ڈالنے والا عمل قرار دیا گیا۔
اجلاس میں اس بات پر زور دیا گیا کہ سی ڈی اے ایک خودمختار ادارہ ہے، جس کے اپنے قواعد و ضوابط اور سزا و جزا کا منظم نظام موجود ہے۔ ایسے میں ادارے کے ملازمین کو بیرونی اداروں کے رحم و کرم پر چھوڑ دینا نہ صرف ناانصافی ہے بلکہ سی ڈی اے کے داخلی احتسابی عمل پر بھی سوالیہ نشان ہے۔ مزید برآں، اجلاس میں اس امر پر بھی گہری تشویش کا اظہار کیا گیا کہ جب سی ڈی اے کے پاس اپنا فعال سیکیورٹی ڈائریکٹوریٹ موجود ہے، تو دیگر اداروں کی مداخلت کا کوئی جواز نہیں بنتا۔ اس طرح کے اقدامات سے ادارے کے اندر عدم تحفظ اور بے چینی کی فضا پیدا ہو رہی ہے، جو ملازمین کی کارکردگی کو متاثر کر سکتی ہے۔
اجلاس میں متفقہ طور پر ایک قرارداد منظور کی گئی، جس میں چیئرمین سی ڈی اے سے مطالبہ کیا گیا کہ وہ ادارے کے افسران اور ملازمین کی مکمل سرپرستی کریں، کیونکہ یہ افراد اسلام آباد کی خوبصورتی اور ترقی کے لیے دن رات انتھک محنت کر رہے ہیں۔ قرارداد میں اس بات پر بھی زور دیا گیا کہ آئندہ تمام انکوائریاں سی ڈی اے کے داخلی نظام کے مطابق کرائی جائیں اور کسی بھی غیر ضروری بیرونی مداخلت کو روکا جائے۔
اجلاس کے اختتام پر متفقہ طور پر مطالبہ کیا گیا کہ جتنے بھی سی ڈی اے ملازمین ایف آئی اے کی تحویل میں ہیں یا غیر منصفانہ مقدمات میں نامزد کیے گئے ہیں، انہیں فوری طور پر باعزت بری کیا جائے اور اس غیر منصفانہ طرز عمل کا سدباب کیا جائے۔ مزید برآں، ایسوسی ایشن نے واضح کیا کہ اگر ہمارے مطالبات پر مناسب عملدرآمد نہ کیا گیا تو ہم قانون کے دائرے میں رہتے ہوئے آئندہ کے لائحہ عمل کا تعین کریں گے۔
.
ذریعہ
ذریعہ: Daily Sub News
کلیدی لفظ: ایسوسی ایشن ایف ا ئی ا سی ڈی اے
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ