کراچی، ڈرگ روڈ ریلوے اسٹیشن کے قریب دو موٹر سائیکلوں میں تصادم، ایک شخص جاں بحق، ایک زخمی
اشاعت کی تاریخ: 26th, March 2025 GMT
کراچی:
شہر قائد کے علاقے شارع فیصل ڈرگ روڈ ریلوے اسٹیشن کے قریب دو موٹرسائیکلوں میں تصادم کے نیتجے میں ایک موٹرسائیکل پر سوار ایک شخص جاں بحق ، ایک زخمی ہوگیا۔
دوسرا موٹرسائیکل سوار بھی زخمی ہوا جو علاج و معالجے کے لیے جناح اسپتال تو آیا تاہم وہ وہاں سے غائب ہوگیا۔
متوفی کی لاش اور ایک کو چھیپا ایمبولینس کے ذریعے جناح اسپتال منتقل کیا گیا، پولیس کے مطابق جاں بحق ہونے والے موٹرسائیکل سوار کی شناخت 46 سالہ فاروق جاوید ولد بوٹا جاوید کے نام سے کی گئی جبکہ زخمی ہونے والے شخص کی شناخت 20 سالہ مدثر ولد عبدالستار کے نام سے کی گئی۔
مزید پڑھیں: کراچی: ٹریفک حادثے میں شدید زخمی شخص دوران علاج دم توڑ گیا
متوفی فاروق کے دوست عثمان نے بتایا کہ جاں بحق و زخمی ہونے والے شاہ فیصل ڈرگ روڈ بازار کے رہائشی ہیں، دونوں کے گھر آمنے سامنے ہیں اور دونوں راشد منہاز روڈ ملینیم مال کے قریب غیر ملکی فاسٹ فوڈ پر ملازمت کرتے ہیں۔
واقعے کے وقت سحری سے کچھ دیر قبل اپنی ڈیوٹی ختم کر کے گھر جا رہے تھے کہ مخالف سمت سے آنے والی موٹرسائیکل تیزی سے ٹکرا گئی ، حادثے کا ذمے دار دوسرا موٹرسائیکل سوار جناح اسپتال سے علاج و معالجے کے بعد غائب ہوگیا۔
یہ بھی پڑھیں: سندھ حکومت نے کراچی میں ٹینکرز کو قتل کا لائسنس دے دیا ہے، آفاق احمد
جبکہ جائے وقوعہ سے اس کی موٹرسائیکل بھی غائب تھی ، پولیس لاپتہ ہونے حادثے کے ذمے دار موٹرسائیکل سوار کو تلاش کر رہی ہے ۔
.ذریعہ: Express News
کلیدی لفظ: موٹرسائیکل سوار
پڑھیں:
لیہ؛ تیز رفتار مسافر بس اُلٹ گئی، 3 افراد جاں بحق، 38 زخمی
ویب ڈیسک : نواں کوٹ کے قریب تیز رفتار مسافر بس الٹنے کے باعث 3 افراد جاں بحق اور ایک ہی خاندان کے 38 افراد زخمی ہو گئے۔
ریسکیو ذرائع کے مطابق افسوسناک حادثہ اُس وقت پیش آیا جب لاہور سے کروڑ لعل عیسن جانے والی بس بے قابو ہو کر اُلٹ گئی۔ بس بی بی پاک دامن لاہور سے روانہ ہوئی تھی اور اس میں مجموعی طور پر 82 افراد سوار تھے، جن میں سے 62 افراد بس کے اندر اور 20 افراد بس کی چھت پر سوار تھے۔
ڈیرہ اسماعیل خان؛ کار گہری کھائی میں جا گری، 4 افراد جاں بحق
ریسکیو ذرائع کا کہنا ہے کہ حادثے کے بعد میتوں اور زخمیوں کو فوری طور پر تحصیل اسپتال فتح پور منتقل کیا گیا، جن میں سے 8 زخمیوں کی حالت تشویشناک بتائی جا رہی ہے، اُنہیں بہتر طبی سہولیات کے لیے نشتر اسپتال ملتان ریفر کر دیا گیا۔
ریسکیو ٹیموں نے بروقت کارروائی کرتے ہوئے امدادی سرگرمیاں انجام دیں جبکہ حادثے کی وجوہات جاننے کے لیے تحقیقات کا آغاز کر دیا گیا۔
نواز شریف طبی معائنے کے لئے لندن روانہ، شام 6 بجے پہنچیں گے