بھارتی نوجوان وکٹ کیپر کا محمد رضوان پر طنز، سوشل میڈیا پر بحث چھڑ گئی
اشاعت کی تاریخ: 27th, March 2025 GMT
قومی ٹیم کے وائٹ بال کپتان اور وکٹ کیپر محمد رضوان کو ابھرتے ہوئے بھارتی نوجوان وکٹ کیپر بھی طنز کا نشانہ بنانے لگے انڈین پریمیئر لیگ (آئی پی ایل) کے دوران بھارتی کھلاڑی ایشان کشن نے امپائرنگ کے رویے پر بات کرتے ہوئے پاکستانی کپتان پر غیر مستقیم تنقید کی فرنچائز ٹیم کے پریکٹس سیشن کے دوران آئی پی ایل کے معروف امپائر انیل چوہدری نے ایشان کشن سے گفتگو کرتے ہوئے ان کے کھیل میں آنے والی تبدیلی پر تبصرہ کیا انہوں نے کہا کہ پہلے وہ بہت زیادہ اپیل کیا کرتے تھے لیکن اب ایسا نہیں کرتے امپائر نے سوال کیا کہ کیا وہ اب زیادہ سمجھدار ہو گئے ہیں یا امپائرز زیادہ ہوشیار ہو گئے ہیں؟ اس پر ایشان کشن نے جواب دیتے ہوئے کہا کہ امپائرز اب زیادہ محتاط ہو گئے ہیں اور بار بار اپیل کرنے پر وہ آؤٹ کو بھی ناٹ آؤٹ قرار دے دیتے ہیں اس لیے بہتر ہے کہ ایک ہی بار درست وقت پر اپیل کی جائے تاکہ صحیح فیصلہ کیا جا سکے۔ اس دوران انہوں نے محمد رضوان کا ذکر کرتے ہوئے طنزیہ انداز میں کہا کہ اگر وہ وکٹوں کے پیچھے پاکستانی کپتان کی طرح بار بار اپیل کریں گے تو امپائر انہیں آؤٹ نہیں دیں گے ایشان کشن نے مزید کہا کہ کچھ امپائرز کے میچوں میں موجود ہونے سے خوشی ہوتی ہے مگر بہتری کی ہمیشہ گنجائش رہتی ہے ان کے اس بیان کو محمد رضوان کی وکٹ کیپنگ اور بار بار اپیل کرنے کے انداز پر طنز کے طور پر لیا گیا یہ تبصرہ ایسے وقت میں سامنے آیا ہے جب محمد رضوان کو حالیہ میچوں میں زیادہ اپیلیں کرنے پر کرکٹ حلقوں میں تنقید کا سامنا کرنا پڑا کچھ سابق کھلاڑیوں اور تجزیہ کاروں نے ان کے رویے کو کھیل کی روح کے خلاف قرار دیا جبکہ ان کے حامیوں کا مؤقف ہے کہ ایک وکٹ کیپر کا کام یہی ہوتا ہے کہ وہ ہر ممکن موقع پر اپیل کرے دوسری جانب سوشل میڈیا پر پاکستانی کرکٹ فینز نے ایشان کشن کے بیان کو ناپسند کرتے ہوئے انہیں شدید تنقید کا نشانہ بنایا کئی صارفین کا کہنا تھا کہ ایشان کشن کو بین الاقوامی کرکٹ میں زیادہ وقت نہیں ہوا اور وہ اتنی جلدی سینئر کھلاڑیوں پر طنز کرنے لگے ہیں کچھ کرکٹ شائقین نے انہیں مشورہ دیا کہ وہ اپنے کھیل پر توجہ دیں اور غیر ضروری بیانات دینے سے گریز کریں محمد رضوان کی کرکٹ میں مستقل مزاجی اور محنت کو دیکھتے ہوئے یہ تبصرہ بھارتی وکٹ کیپر کے لیے الٹا نقصان دہ ثابت ہوسکتا ہے کیونکہ پاکستانی شائقین اور کرکٹ ماہرین نے ان کے بیان کو غیر ضروری اور ناپختہ قرار دیا ہے
.ذریعہ: Nawaiwaqt
کلیدی لفظ: محمد رضوان ایشان کشن کرتے ہوئے وکٹ کیپر کہا کہ
پڑھیں:
بجلی کے 2 میٹر لگانے پر پابندی کی خبروں کی حقیقت سامنے آگئی
ایک گھر میں بجلی کے دو میٹر لگانے پر پابندی کی سوشل میڈیا پلیٹ فارمز پر گردش کرتی خبروں کی حقیقت سامنے آگئی۔
پچھلے چند دنوں سے سوشل میڈیا پلیٹ فارمز پر خبریں گردش کر رہی ہیں کہ حکومت نے ایک گھر میں بجلی کے دو میٹر لگوانے پر پابندی عائد کر دی ہے، ان خبروں کی وجہ سے لوگ پریشان نظر آئے۔
تاہم اب پاور ڈویژن کے ترجمان کا مؤقف سامنے آگیا جس میں ان کا کہنا ہے کہ بجلی کے دو میٹر لگانے پر پابندی کے حوالے سے سوشل میڈیا پلیٹ فارمز پر گردش کرنے والی خبریں سراسر جھوٹ، گمراہ کن اور عوام میں بے چینی پھیلانے کی کوشش ہیں، ایسی جھوٹی خبریں پھیلانا اور شیئر کرنا پیکا ایکٹ کے تحت قابلِ سزا جرم ہے۔
سوشل میڈیا پلیٹ فارم ایکس پر جاری اپنے بیان میں ترجمان پاور ڈویژن نے کہا کہ کسی بھی رہائشی جگہ پر دوسرا بجلی کا میٹر آج بھی مروجہ قوانین کے تحت حاصل کیا جا سکتا ہے، نیپرا کنزیومر سروسز مینول 2021 کے مطابق ایسی رہائشی جگہ جو علیحدہ پورشن، علیحدہ سرکٹ، علیحدہ داخلی راستہ اور علیحدہ کچن پر مشتمل ہو وہاں علیحدہ میٹر کی تنصیب کی اجازت موجود ہے۔
ترجمان نے واضح کیا کہ بجلی کے ناجائز استعمال اور سبسڈی کے غلط فائدے کو روکنے کیلیے قانون پہلے بھی موجود تھا اور اب بھی مکمل طور پر نافذ العمل ہے، عوام سے گزارش ہے اس قسم کی جھوٹی خبروں پر توجہ نہ دیں اور بجلی کے میٹر کے درست اور شفاف استعمال میں بجلی کی تقسیم کار کمپنیوں سے تعاون کریں۔
نواز شریف میڈیکل چیک اپ کے لیے لندن روانہ