جب تک ہماری خواتین رہا نہیں ہوتیں، گھر نہیں جائینگے، اختر مینگل
اشاعت کی تاریخ: 31st, March 2025 GMT
مستونگ میں جاری دھرنے سے خطاب کرتے ہوئے اختر مینگل نے حکومت کو دو دن کی الیٹی میٹم دیتے ہوئے کہا کہ خواتین کی عدم رہائی کی صورت میں کوئٹہ کی طرف لانگ مارچ ہوگا۔ اسلام ٹائمز۔ بلوچستان نیشنل پارٹی کے سربراہ اختر مینگل نے ماہ رنگ بلوچ و دیگر خواتین کی رہائی کے لئے حکومت کو دو دن کا الٹی میٹم دے دیا ہے۔ مستونگ جاری دھرنے سے خطاب کرتے ہوئے سردار اختر مینگل نے کہا کہ جب تک ہم اپنی قیدی خواتین کو گھروں تک نہ پہنچائیں ہم پر گھروں کو جانا حرام ہوگا۔ کل سرکار نے اپنے تتلی نما ڈرون کے ذریعے آکر ہمارے دھرنے کی تصویر لے کر دکھائی کہ دیکھیں دھرنا کی تعداد کس قدر کم ہے۔ آج میں ان سے کہتا ہوں کہ آج اپنی بڑی تتلی لاکر دیکھیں کہ شرکاء کی تعداد کتنی ہے۔ انہوں نے کہا کہ آج چلتن کے پہاڑ کو دیکھ لیں کہ یہ اپنی دھرتی کی خواتین کی گرفتاری پر کس قدر رو رہا ہے۔ دوسری طرف یہ چلتن اپنے باسیوں کی بے بسی پر بھی رو رہا ہے۔ سردار اختر مینگل نے کہا کہ دھرنا اس وقت تک جاری رہے گا جب تک ہماری خواتین رہا ہوکر گھر نہیں پہنچتیں۔ انہوں نے حکومت کو دو دن کی الیٹی میٹم دیتے ہوئے کہا کہ خواتین کی عدم رہائی کی صورت میں کوئٹہ کی طرف لانگ مارچ ہوگا۔
.ذریعہ: Islam Times
کلیدی لفظ: اختر مینگل نے خواتین کی کہا کہ
پڑھیں:
غزہ معاہدہ: اسحاق ڈار اسلامی وزرائے خارجہ اجلاس میں شرکت کیلئے آج استنبول جائینگے
اسلام آباد (خبر نگار خصوصی) نائب وزیراعظم و وزیر خارجہ سینیٹر محمد اسحاق ڈار ترک وزیر خارجہ کی دعوت پر (آج) پیر کو ایک روزہ دورے پر استنبول جائیں گے۔ جہاں وہ عرب- اسلامی وزرائے خارجہ کے رابطہ اجلاس میں شرکت کریں گے۔ اتوار کو دفتر خارجہ سے جاری بیان کے مطابق استنبول اجلاس کے دوران پاکستان جنگ بندی معاہدے پر مکمل عمل درآمد، مقبوضہ فلسطینی علاقوں، بالخصوص غزہ سے اسرائیلی افواج کے مکمل انخلا، فلسطینی عوام کو بلا رکاوٹ انسانی امداد کی فراہمی اور غزہ کی تعمیرِ نو کی ضرورت پر زور دے گا۔ پاکستان اس بات کو بھی دہرائے گا کہ تمام فریقوں کو مل کر ایک آزاد، قابلِ عمل اور جغرافیائی طور پر متصل فلسطینی ریاست کے قیام کے لیے کوششیں تیز کرنی چاہئیں، جس کا دارالحکومت القدس الشریف ہو، جو 1967 سے قبل کی سرحدوں پر مبنی ہو اور جو اقوامِ متحدہ کی متعلقہ قراردادوں اور عرب امن منصوبے کے مطابق ہو۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا