ڈاکٹر مسعود پزشکیان جلد ہی جمہوریہ آذربائیجان کا دورہ کرینگے، باکو
اشاعت کی تاریخ: 1st, April 2025 GMT
آذربائیجان کی سرکاری نیوز ایجنسی نے اعلان کیا ہے کہ ملکی صدر اسی ماہ میں اپنے ایرانی ہم منصب کی میزبانی کرنیوالے ہیں اسلام ٹائمز۔ آذربائیجان کی سرکاری خبر رساں ایجنسی ٹرینڈ نے دارالحکومت باکو میں ایرانی سفارتخانے سے متعلق ذرائع سے نقل کرتے ہوئے اعلان کیا ہے کہ صدر اسلامی جمہوریہ ایران ڈاکٹر مسعود پزشکیان عنقریب ہی جمہوریہ آذربائیجان کے سرکاری دورے پر باکو پہنچیں گے۔ رپورٹ کے مطابق یہ دورہ ماہ اپریل میں طے ہے جس کے دوران ایک مشترکہ بزنس میٹنگ بھی منعقد ہو گی اور کئی ایک دوطرفہ معاہدوں پر دستخط بھی متوقع ہیں۔ واضح رہے کہ جمہوریہ آذربائیجان کے دورے پر باکو میں موجود ایرانی صدر کے مشیر سیاسی امور مہدی سنائی نے آج ہی آذربائیجان کے صدر کے ساتھ بھی ملاقات کی ہے۔
گزشتہ روز عید الفطر کے موقع پر ایران و جمہوریہ آذربائیجان کے صدور نے ٹیلیفون پر گفتگو کی تھی جس میں ڈاکٹر مسعود پزشکیان کے ساتھ بات چیت میں الہام علی اوف کا کہنا تھا کہ ہم دونوں ممالک کے درمیان ہمسایہ تعلقات و تعاملات کو مزید مضبوط بنانے کے لئے آپ کے دورے کا بے تابی سے انتظار کر رہے ہیں! ادھر ایرانی صدر نے بھی اس امید کا اظہار کیا کہ ان کے جمہوریہ آذربائیجان کے آئندہ دورے کے دوران دونوں ہمسایہ ممالک کے درمیان دوستی و بھائی چارے پر مبنی قریبی تعلقات کو فروغ دینے اور مزید مضبوط بنانے کے لئے موثر و کامیاب مشاورت عمل میں آئے گی۔
ذریعہ: Islam Times
کلیدی لفظ: جمہوریہ آذربائیجان کے
پڑھیں:
وزیراعظم کا سہ ملکی دورہ شروع،سعودی عرب پہنچ گئے
وزیراعظم شہباز شریف نے سہ ملکی دورے کا آغاز کر دیا ہے. پہلے مرحلے میں سعودی ولی عہد شہزادہ محمد بن سلمان کی دعوت پر سرکاری دورے پر سعودی عرب پہنچ گئے. دورے کے دوران وزیراعظم سعودی ولی عہد سے ملاقات کریں گے.جس میں پاکستان سعودی عرب تعلقات کے تمام پہلوؤں کا جائزہ لیا جائے گا۔بدھ کو وزیراعظم شہباز شریف وفد کے ہمراہ سعودی عرب کے دارالحکومت ریاض پہنچے. رائل ٹرمینل پر ڈپٹی گورنر ریاض شہزادہ محمد بن عبدالرحمان بن عبدالعزیز نے ان کا استقبال کیا۔استقبال کرنے والوں میں دیگر سعودی اعلیٰ شخصیات بھی موجود تھیں جب کہ پاکستانی سفیر احمد فاروق اور دیگر سفارتی افسران نے بھی وزیراعظم شہباز شریف کا خیر مقدم کیا۔
بعدازاں ریاض ایئر پورٹ لاؤنج میں وزیراعظم شہبازشریف اور ڈپٹی گورنر شہزادہ محمد بن عبدالرحمان بن عبدالعزیز کے درمیان اہم ملاقات ہوئی. جس میں پاک سعودی تعلقات اور دو طرفہ تعاون پر تبادلہ خیال کیا گیا۔
واضح رہے کہ وزیر اعظم شہباز شریف نے سہ ملکی دورے کا آغاز کر دیا ہے، پہلے مرحلے میں سعودی ولی عہد شہزادہ محمد بن سلمان کی دعوت پر سعودی عرب پہنچے ہیں۔وزیراعظم سعودی عرب کے سرکاری دورے پر اسلام آباد سے ریاض کے لیے روانہ ہوئے، ان کے ہمراہ وفد میں نائب وزیر اعظم و وزیر خارجہ اسحاق ڈار، وزیر دفاع خواجہ محمد آصف، وزیر خزانہ محمد اورنگزیب، وزیر ِ اطلاعات و نشریات عطاء اللہ تارڑ، وفاقی وزیر ماحولیات مصدق ملک اور معاون خصوصی طارق فاطمی بھی شامل ہیں۔وزیراعظم شہبازشریف آج سعودی ولی عہد شہزادہ محمد بن سلمان سے ملاقات کریں گے، ملاقات میں مشرق وسطیٰ کی صورتحال سمیت دیگر اہم امور پر تبادلہ خیال کیا جائے گا۔دونوں رہنماؤں کے درمیان دو طرفہ تعلقات کو مزید فروغ دینے کے حوالے سے بھی گفتگو کی جائے گی جب کہ معاشی تعاون میں وسعت، سرمایہ کاری کے نئے مواقعوں کی تلاش، توانائی کے منصوبوں اور خطے میں امن و استحکام پر تفصیلی بات چیت کریں گے۔سعودی عرب کا دورہ مکمل کرکے وزیراعظم برطانیہ جائیں گے جہاں ان کی برطانوی حکام سے ملاقاتیں متوقع ہیں.وزیراعظم شہباز شریف برطانیہ سے 21 ستمبر کو امریکا کے لیے روانہ ہوں گے۔وزیراعظم شہباز شریف کی 22 ستمبر کو فلسطین سے متعلق 2 ریاستی حل کی سربراہ کانفرنس میں امریکی شہر نیویارک میں شرکت متوقع ہے۔اس کے بعد وزیراعظم نیویارک میں اقوام متحدہ کی جنرل اسمبلی اجلاس میں شرکت کریں گے، جنرل اسمبلی سے ان کا خطاب 26 ستمبر کو ہوگا جب کہ 27 ستمبر کو امریکا سے وطن واپس روانہ ہوں گے اور 29 ستمبر کو براستہ برطانیہ وطن واپس پہنچیں گے۔
دریاؤں میں پانی کی صورتحال ابھی تک غیر معمولی ہے، شرجیل میمن