لاہور چڑیا گھر میں انٹری ٹکٹ صرف 100 روپے لینے کی ہدایت
اشاعت کی تاریخ: 2nd, April 2025 GMT
عید کے موقع پر شہریوں کی بڑی تعداد نے لاہور چڑیا گھر اور سفاری پارک کا رخ کیا، جب کہ لاہور چڑیا گھر میں انٹری ٹکٹ کے معاملے پر ڈی جی پنجاب وائلڈلائف چڑیا گھر پہنچے اور داخلہ گیٹ پر صرف 100 روپے انٹری ٹکٹ لینے کی ہدایت کی۔
عید کے تیسرے اور آخری روز لاہور کے تفریحی مقامات پر شہریوں کا رش برقرار رہا۔ لاہور چڑیا گھر میں ہالو ورس شہریوں کی توجہ کا مرکز بنا رہا، جہاں فیملیز نے تھری ڈی ٹیکنالوجی کے ذریعے تصاویر بنوائیں اور جنگل کے ماحول سے محظوظ ہوئیں۔ سفاری زو میں بھی گہما گہمی عروج پر رہی، جہاں سیاحوں نے لائن سفاری، ٹائیگر سفاری اور ڈئیر سفاری کا لطف اٹھایا۔
ایک بچے احمد نے خوشی کا اظہار کرتے ہوئے کہا، "یہاں آکر بہت مزہ آیا، میں نے پہلی بار شیر کو اتنے قریب سے دیکھا۔" ایک اور شہری فاطمہ کا کہنا تھا، "بچوں کے لیے یہ ایک بہترین تفریحی مقام ہے، جہاں وہ جانوروں کے بارے میں سیکھ بھی سکتے ہیں اور لطف اندوز بھی ہو سکتے ہیں۔"
سفاری پارک میں ہونے والے وائلڈ آن بیٹ تھیٹر شو نے بھی شائقین کو خوب محظوظ کیا۔ اس ڈرامے میں مختلف جنگلی جانوروں اور جنگی انسانوں کے کسٹیوم پہنے فنکاروں نے جنگلی حیات سے محبت اور ان کی حفاظت کا پیغام دیا۔ بچوں نے اس ڈرامے کو نہایت دلچسپی سے دیکھا اور خوب تالیاں بجائیں۔
لاہور چڑیا گھر میں بعض شہریوں نے شکایت کی کہ پیکج کے نام پر انٹری ٹکٹ 500 روپے میں فروخت کیا جا رہا تھا۔ ڈی جی وائلڈ لائف مدثر ریاض نے فوری طور پر چڑیا گھر کا دورہ کیا اور ہدایت جاری کی کہ چڑیا گھر کا عمومی انٹری ٹکٹ 100 روپے ہی رہے گا اور کسی شہری کو زبردستی اضافی ٹکٹ خریدنے پر مجبور نہیں کیا جائے گا۔
پنجاب کی سینیئر وزیر مریم اورنگزیب نے بھی زائد قیمتوں کی شکایات کا سخت نوٹس لیتے ہوئے کہا کہ عوام صرف 100 روپے میں پورا چڑیا گھر دیکھ سکتے ہیں، جبکہ مخصوص اضافی سہولیات جیسے کہ رینگنے والے جانوروں کا گھر، ایکویریم اور ہولوگرام شو کے علیحدہ ٹکٹ رکھے گئے ہیں۔
انہوں نے مزید کہا کہ عید کے موقع پر 35 ہزار شہریوں کی آمد ایک نیا ریکارڈ ہے اور عوام کی بڑی تعداد کی وجہ سے بعض انتظامی مشکلات سامنے آئیں جنہیں آئندہ بہتر بنایا جائے گا۔یہ عید الفطر لاہور کے شہریوں کے لیے ایک یادگار موقع بنی، جہاں بچوں اور بڑوں نے خوب انجوائے کیا اور جنگلی حیات کے قریب ہونے کا بھرپور موقع پایا۔
انتظامیہ کی جانب سے ٹکٹ گھر کے باہر 100 روپے ٹکٹ کے بورڈ لگوا دیئے، کسی وزیٹر کو انٹری ٹکٹ کے ساتھ زبردستی دوسری سہولیات کا ٹکٹ نہیں دیا جائیگا۔ نجی کمپنی کے اہل کار شہریوں سے 100 روپے انٹری ٹکٹ کے ساتھ 200 اور 400 روپے دیگر سہولیات کے نام پر وصول کررہے تھے۔
شہریوں کی شکایت پر ڈی جی وائلڈلائف خود چڑیا گھر پہنچے، ہولو ورس، ریپٹائلز ہاؤس، برڈ ایوری، فش ایکوریم کے ٹکٹ الگ ہیں، جو شہری یہ سہولت دیکھنا چاہے اسے ٹکٹ دیا جائے زبردستی ٹکٹ دینے کی اجازت نہیں ہوگی۔
نجی کمپنی کا عملہ انٹری ٹکٹ کے ساتھ کسی ایک سہولت کا ٹکٹ لازمی فروخت کرتا ہے۔
.ذریعہ: Express News
کلیدی لفظ: لاہور چڑیا گھر میں انٹری ٹکٹ کے شہریوں کی
پڑھیں:
جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کر رہا ہے، ڈاکٹر عشرت العباد
اپنے بیان میں سربراہ ایم پی پی نے کہا کہ ہم ملک میں نئی سوچ کے ساتھ نا امیدی اور ملک کو عظیم مملکت بنانے کے لئے بھرپور کردار ادا کر رہے ہیں، جو ہماری جدوجہد کا حصہ ہے کل پاکستان کی سب سے بڑی طاقت ہوگا، ہم افواج پاکستان اور عوام کے درمیان پل ہیں، فوج ہے تو پاکستان ہے اور پاکستان ہے تو فوج ہے۔ اسلام ٹائمز۔ سابق گورنر سندھ روح رواں ایم پی پی ڈاکٹر عشرت العباد خان نے کہا ہے کہ جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کر رہا ہے، بھارت فتنہ بازی سے باز آجائے ہماری فورسز روزانہ فتنہ الخوارج ہندوستان کا قلع قمع کر رہی ہے۔ انہوں نے کہا کہ سیاست دان قومی سلامتی کو فوقیت دیں، ملک میں سیلاب نے تباہی مچادی، اولین ترجیح سیلاب زدگان کی مشکلات دور کرنا نصب العین ہونا چاہیئے، گڈ گورننس کے بغیر مشکلات کا سامنا نہیں کیا جا سکتا، روایت چل پڑی ہے کہ تنقید کرو اور جواب میں ایک دوسرے کی عزت اچھالو، بھارت کا مکروہ چہرہ سامنے آگیا، آئی سی سی نے پاکستان کا مطالبہ نہ مانا تو کھیل بھی سیاست اور ہندو توا نظریات کا حامل ہوجائے گا، دوحہ اجلاس اسلامی ممالک کی اچھی کاوش ہے۔
ان کا کہنا تھا کہ پاکستان میں منفی سیاست اور سوشل میڈیا مہم سازی ختم کرنے کے لئے قومی یکجہتی کی ضرورت ہے، کراچی کے میئر کو عوام کی خدمت پر توجہ دینی چاہیئے، اپنی کوتاہیوں کو منافقت اور گفتگو کے جال میں پھنسانے کے بجائے کراچی کے سچے بیٹے بنیں، وفاق، صوبہ اور لوکل گورنمنٹ ملکر کام کریں، گورنر کی حیثیت سے یہ کام اگر میں کرسکتا ہوں تو اب کیوں نہیں؟ ناکام بلدیاتی قیادت ابھی تک تھڈو ڈیم، گلشن اقبال، لٹھ ڈیم، جمال پل سے صفورا تک، سماما، شہر کے بیشتر علاقے گھٹنوں گھٹنوں پانی کی زد میں ہیں۔ ڈاکٹر عشرت العباد نے کہا کہ سیاست کو خدمت سمجھ کر کیا جائے، میرے ساتھی کھڈے بھر کر نا ہموار راستوں کو قابل استعمال بنا رہے ہیں، میئر روزانہ پریس کانفرنس کرتے ہیں۔
عشرت العباد خان نے کہا کہ اپر سندھ اور دادو گاج سمیت مورو، گڈو بیراج، کوٹری بیراج بھی سخت خطرات ہیں، تمام سیاسی جماعتوں کو ملکر مشکل حالات سے نکالنا ہے، میری پہچان پاکستان ایک تحریک ہے اور ہم ملک میں نئی سوچ کے ساتھ نا امیدی اور ملک کو عظیم مملکت بنانے کے لئے بھرپور کردار ادا کر رہے ہیں، جو ہماری جدوجہد کا حصہ ہے کل پاکستان کی سب سے بڑی طاقت ہوگا، ہم افواج پاکستان اور عوام کے درمیان پل ہیں، فوج ہے تو پاکستان ہے اور پاکستان ہے تو فوج ہے، بھارت کے ہر عزم کو ناکام بنائیں گے، پاکستان کی سیاسی تاریخ میں ہم ایک نیا ریکارڈ قائم کریں گے، امن اور محبت ہمارا نصب العین ہے، تمام ساتھی تیار رہیں، میری پہچان پاکستان ملک میں انقلاب کی آواز بنے گی۔
پاکستان اور قازقستان کا تعلقات مزید مضبوط بنانے کا عزم