ورلڈ پولیس سمٹ 2025: پنجاب پولیس کے 37 افسران بین الاقوامی اعزازات کے لیے نامزد
اشاعت کی تاریخ: 7th, April 2025 GMT
راولپنڈی:
ورلڈ پولیس سمٹ کا چوتھا ایڈیشن 13 سے 15 مئی 2025 تک ورلڈ ٹریڈ سینٹر دبئی میں منعقد ہوگا جس میں دنیا بھر سے پولیس افسران شرکت کریں گے جو اپنی پیشہ ورانہ خدمات اور کارکردگی کے حوالے سے نمایاں مقام رکھتے ہیں۔
ورلڈ پولیس سمٹ ایوارڈز اور گالا ڈنر کا مقصد عالمی سطح پر پولیس فورسز کی انتھک محنت، جدید اختراعات اور غیر متزلزل عزم کو سراہنا اور تسلیم کرنا ہے۔
آئی جی پنجاب، ڈاکٹر عثمان انور نے اس عالمی تقریب میں شرکت کے لیے پنجاب پولیس کے 37 افسران کو 12 مختلف کیٹیگریز میں نامزد کیا ہے۔ ان کیٹیگریز میں مختلف شعبہ جات میں نمایاں کارکردگی کا مظاہرہ کرنے والے افسران شامل ہیں۔
اہم نامزدگیاں درج ذیل ہیں:
سیکورٹی اور قانون کے نفاذ میں اختراعی آئیڈیاز: ڈی آئی جی احسن یونس (پنجاب سیف سٹی اتھارٹی) اور ان کی ٹیم، ڈی پی او منڈی بہاؤالدین وسیم ریاض، اے ایس پی کینٹ ملتان ہلار خان، چیف سیکیورٹی آفیسر وہاڑی سب انسپکٹر علی طاہر۔ کسٹمر سروسز میں ایکسی لینس: ایس ایس پی غضنفر علی شاہ، سینئر ٹریفک وارڈن حبیب احمد، ٹریفک وارڈن غلام علی، پنجاب سیف سٹی اتھارٹی۔ فرانزک سائنس میں مہارت: سب انسپکٹر جاوید اقبال (سی آر او برانچ ملتان)۔ روڈ سیفٹی: ٹریفک وارڈن علی حسن (سٹی ٹریفک پولیس ملتان)۔ گڈ سیمریٹنز ایوارڈ: ایس ایس پی کامران عامر، سینئر ٹریفک وارڈن محمد موسیٰ۔ آرٹیفیشل انٹیلیجنس ایمپلمنٹیشن: ڈی پی او قصور عیسیٰ خان، سی ٹی او ملتان سردار ماوران خان، پنجاب سیف سٹی اتھارٹی۔ اسٹارٹ اپ انوویشن: ایس ڈی پی او گلگشت ملتان ظہیرالدین بابر۔ بیسٹ پولیس ایپلیکیشن: ایس پی محمود الحسن (پولیس ٹریننگ کالج لاہور)، پنجاب سیف سٹی اتھارٹی۔ کرمنل انویسٹی گیشن میں ایکسی لینس: اے ایس پی انعم سحر، اے ایس پی آغا فصیح الرحمان، انسپکٹر محمد اکبر۔ خواتین آفیسرز میں اثر انگیز خدمات: ایس پی بشریٰ جمیل، اے ایس آئی فرحت النساء، سب انسپکٹر امتل منظور، لیڈی کانسٹیبل رابیہ حبیب، ایس پی بنش فاطمہ، لیڈی کانسٹیبل فرحانہ بی بی۔ اینٹی نارکوٹکس کارکردگی: ڈی پی او عیسی خان، سب انسپکٹر عمران خان، ایڈیشنل ایس پی کائنات اظہر۔ پیپلز ڈیٹرمنیشن ایوارڈ: ایس پی محمود الحسن، کانسٹیبل نوید اکرم، کانسٹیبل شاہد منظور، غازی احمد غفار، غازی فرہاد منیر۔تمام نامزد افسران کو ہدایت کی گئی ہے کہ وہ اپنی متعلقہ کیٹیگریز کے تحت ورلڈ پولیس سمٹ کے لیے آن لائن اپلائی کریں اور اس کی اطلاع آئی جی آفس پنجاب کو بھی فراہم کریں۔
یہ نامزدگیاں نہ صرف ان افسران کی محنت کا اعتراف ہیں بلکہ پوری پنجاب پولیس کے لیے ایک اعزاز کی حیثیت رکھتی ہیں جو عالمی سطح پر ان کے کردار کو اجاگر کرتی ہیں۔
.
ذریعہ: Express News
کلیدی لفظ: پنجاب سیف سٹی اتھارٹی ورلڈ پولیس سمٹ ٹریفک وارڈن سب انسپکٹر ڈی پی او اے ایس ایس پی کے لیے
پڑھیں:
بین الاقوامی یونیورسٹیاں پنجاب میں کیمپس بنانے کیلئے تیار، ایجوکیشن ویجی لینس سکواڈ کی منظوری
لاہور (نوائے وقت رپورٹ) وزیراعلیٰ مریم نواز کی زیر صدارت اجلاس میں ہائر ایجوکیشن ڈیپارٹمنٹ سے متعلق بریفنگ دی گئی۔ اجلاس میں جی سی یونیورسٹی، گورنمنٹ کالج برائے خواتین یونیورسٹی اور یونیورسٹی آف انجینئرنگ اینڈ ٹیکنالوجی کو ماڈل تعلیمی ادارے بنانے کا فیصلہ کیا گیا۔ اجلاس میں بتایا گیا کہ برطانیہ، کوریا اور قازقستان سمیت متعدد غیر ملکی یونیورسٹیوں نے پنجاب میں کیمپس بنانے میں دلچسپی کا اظہار کیا ہے۔ یونیورسٹی آف لندن، یونیورسٹی آفBRUNEL،یونیورسٹی آف GLOUCESTERSHIRE، یونیورسٹی آف LEICESTER اور دیگر یونیورسٹیوں نے پنجاب میں برانچ کیمپس کھولنے کی پیش کش کی ہے۔ پنجاب کے سرکاری کالجز میں بھی کالج مینجمنٹ کونسل قائم کرنے پر اتفاق کیا گیا۔ پنجاب کی یونیورسٹیوں میں معیار تعلیم بلند کرنے کے لئے ’’کے پی آئی‘‘ سسٹم نافذ کرنے کا فیصلہ کیا گیا۔ وائس چانسلر کی کارکردگی کو ’’کے پی آئی‘‘ کے معیار پر جانچا جائے گا۔ وزیراعلیٰ نے انڈر پرفارمنگ کالجز سے متعلق رپورٹ بھی طلب کر لی ہے۔ ایجوکیشن ویجی لینس سکواڈ قائم کرنے کی بھی منظوری دے دی ہے۔ ایجوکیشن ویجی لینس سکواڈ تعلیمی اداروں میں اچانک جاکر حاضری، صفائی، معیار تعلیم اور دیگر امور چیک کرے گا۔ منسٹر ایجوکیشن کی زیر نگرانی سکواڈ کی رپورٹ پر فوری کارروائی عمل میں لائی جائے گی۔ اس موقع پر معیار تعلیم کے لحاظ سے پنجاب کی یونیورسٹیوں کی گرین، بلیو، ییلو اور گرے رینکنگ مقرر کرنے کی تجویز کا جائزہ لیا گیا۔ سی ایم پنجاب ہونہار سکالر شپ اور لیپ ٹاپ سکیم کے بارے میں بریفنگ دی گئی۔ پنجاب کے علاوہ دوسرے صوبوں کے 19ہزار سے زائد طلبہ وزیراعلیٰ پنجاب سکیم میں اپلائی کر چکے ہیں۔ پنجاب کی یونیورسٹیوں میں معیار تعلیم اور ادارہ جاتی بہتری ترجیح قرار دی گئی۔ پبلک سیکٹریونیورسٹیوں میں گورننس ریفارمز اور ادارہ جاتی خودمختاری لانے کی تجویزکا بھی جائزہ لیا گیا۔ پنجاب کی یونیورسٹیوں میں تدریسی معیار، اختراعی تحقیق اور تخلیقی علم پر زور دیا جائے گا۔ انسانی وسائل کی ترقی پر توجہ دینا ترجیحات میں شامل کرنے پر اتفاق کیا گیا۔ یونیورسٹیوں میں ڈیجیٹل ٹرانسفارمیشن اور گلوبل روابط بھی ترجیحات میں شامل کرنے پر غور کیا گیا۔ پنجاب میں پہلی مرتبہ ہائر ایجوکیشن کانفرنس کے انعقاد کی اصولی منظوری دی گئی۔ و زیراعلیٰ نے پنجاب میں غیر فعال کامرس کالجز سے متعلق بھی رپورٹ طلب کر لی ہے۔ علاوہ ازیں وزیراعلیٰ مریم نواز شریف نے میٹر ک کے سالانہ امتحانات 2025ء میں پنجاب بھر کے پوزیشن ہولڈرز طلبہ اور حرم فاطمہ اور ہارون حامد کو پنجاب بھر میں میٹرک میں پہلی پوزیشن حاصل کرنے فیصل آباد کے معیز قمر اور ساہیوال کے فیضان فرید اسرار کو صوبہ بھر میں دوسری پوزیشن حاصل کرنے راولپنڈی کے محمد عثمان، ننکانہ کے حاجی ابوذر تنویر، نورالہدیٰ اور ملتان کی حسنینہ فاطمہ کو تیسری پوزیشن حاصل کرنے پر بھی مبارکباد دی۔ انہوں نے طالبات کی پوزیشن حاصل کرنے پر مسرت کا اظہار کیا ہے۔ وزیراعلیٰ نے کہا کہ طلبہ ہمارا فخر اور قوم کی شان ہیں۔ مجھے خوشی ہے کہ بیٹیوں نے میٹرک کے امتحانات میں نمایاں پوزیشنیں لی ہیں۔ ’’ایکس‘‘ پر پیغام میں مریم نواز نے کہا کہ دسویں جماعت کے امتحانات میں پنجاب بھر میں مشترکہ طور پر حرم فاطمہ (قصور) ایک سرکاری سکول ٹیچر کی قابل فخربیٹی نے پہلی پوزیشن حاصل کی۔ لودھراں کے ہارون حامد سرکاری کالج کے پروفیسر کے صاحبزادے ہیں۔ بچوں کی محنت اور لگن نے آج انہیں اس مقام تک پہنچایا ہے، میں سب کو یقین دلاتی ہوں کہ امتحانات میں میرٹ کو ہمیشہ فروغ دیا جائے گا اور اس پر کبھی سمجھوتہ نہیں ہوگا۔ پوزیشن ہولڈرز ہی ہمارے وطن کا مستقبل ہیں۔
ایٹمی پروگرام کو نشانہ بنانے کی کوئی جرأت نہیں کر سکتا( پاک فوج)