صحت مند معاشرے کے قیام کے لیے معیاری خوراک کی فراہمی ناگزیر ہے ،سردار ایاز صادق
اشاعت کی تاریخ: 7th, April 2025 GMT
اسپیکر قومی اسمبلی سردار ایاز صادق نے کہا ہے کہ صحت مند معاشرے کے قیام کے لیے معیاری خوراک کی فراہمی ناگزیر ہے،پارلیمان صحت کے شعبے میں قانون سازی کے لیے پر عزم ہیں۔
پیر کو قومی اسمبلی سیکرٹریٹ سے جاری بیان کے مطابق عالمی یوم صحت کے موقع پر اپنے پیغام میں انہوں نے کہا کہ صحت اللہ تعالیٰ کی جانب سے ایک عظیم نعمت ہے۔ صحت مند معاشرہ ہی ترقی یافتہ اور خوشحال قوم کی ضمانت ہے۔
یہ بھی پڑھیں: پاکستان میں تشنج کی صورتحال کیا ہے، ڈبلیو ایچ او نے آگاہ کردیا
اسپیکر قومی اسمبلی نے کہا کہ عالمی یوم صحت عوام میں شعور و آگاہی اجاگر کرنے کا موقع فراہم کرتا ہے۔ معیاری طبی سہولیات کی فراہمی ہر فرد کا بنیادی حق ہے۔ صحت مند طرز زندگی اپنانا بیماریوں سے بچاؤ کے لیے ضروری ہے۔ صحت مند رہنے کے لیے معیاری خوراک کا استعمال ضروری ہے۔
انہوں نے کہا کہا کہ صحت مند معاشرے کے قیام کے لیے معیاری خوراک کی فراہمی ناگزیر ہے۔انہوں نے کہا کہ معیاری خوراک کی فراہمی کے لیے مشترکہ کوششوں کی ضرورت ہے۔ عالمی وباؤں اور موسمیاتی تبدیلیوں کے تناظر میں صحت عامہ کے نظام کو مضبوط بنانا ضروری ہے۔ صحت کے شعبے کو مضبوط بنانا وقت کی اہم ضرورت ہے۔
ایاز صادق نے کہا کہ عالمی یوم صحت، صحت مند طرزِ زندگی کو فروغ دینے کا دن ہے۔ پسماندہ اور دور دراز علاقوں میں صحت کی سہولیات پہنچانا ضروری ہیں،پارلیمان صحت کے شعبے میں قانون سازی کے لیے پر عزم ہے۔ صحت مند قوم ہی مضبوط قوم بن سکتی ہے۔
یہ بھی پڑھیں: 2050 تک دنیا بھر میں چھاتی کے کینسر سے ہونے والی اموات 68 فیصد ہوجائیں گی ، ڈبلیو ایچ او انتباہ
ان کا کہنا تھا کہ عوام صحت سے متعلق احتیاطی تدابیر اختیار کریں۔ حکومت، ادارے اور سول سوسائٹی صحت کے شعبے کی بہتری کے لیے کردار ادا کریں،عوام کو صحت مند سرگرمیوں میں بڑھ چڑھ کا حصہ لینا چاہیے، حفظان صحت کے اصولوں پر عمل پیرا ہو کر بیماریوں سے بچا جا سکتا ہے۔ سردار ایاز صادق نے کہا کہ نوجوان نسل کو کھیل کود اور ورزش کے ذریعے اپنی صحت کو مضبوط بنانے کی ضرورت ہے۔
یاد رہے کہ دنیا بھر میں ہر سال 7 اپریل کو عالمی ادارہ صحت (ڈبلیو ایچ او) کی سربراہی میں عالمی یوم صحت منایا جاتا ہے، 1948 میں ڈبلیو ایچ او نے پہلی عالمی صحت اسمبلی کا انعقاد کیا تھا اور صحت اسمبلی نے 1950 سے ہر سال 7 اپریل کو عالمی یوم صحت کے طور پر منانے کا فیصلہ کیا تھا۔
یہ بھی پڑھیں: جانیے کہ عالمی ادارہ صحت کیا ہے اور یہ کیوں اہم ہے؟
اس دن کی مناسبت سے ڈبلیو ایچ او عالمی صحت سے متعلق بین الاقوامی، علاقائی اور مقامی تقریبات کا اہتمام کیا جاتا ہے ۔اس کے علاوہ ڈبلیو ایچ اوکی سربراہی میں تپ دق کا عالمی دن ، عالمی حفاظتی ٹیکوں کا ہفتہ ، ملیریا کا عالمی دن، تمباکو نوشی کا عالمی دن ، عالمی یوم ایڈز ، خون کے عطیے کا عالمی دن ،مریضوں کی حفاظت کا عالمی دن، انسداد مائکروبیل آگاہی کا عالمی دن اور ہیپاٹائٹس کے عالمی دن کے علاوہ دیگر ایام بھی منائے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیکر ایاز صادق پاکستان ڈبلیو ایچ او عالمی ادارہ صحت عالمی یوم صحت.ذریعہ: WE News
کلیدی لفظ: اسپیکر ایاز صادق پاکستان ڈبلیو ایچ او عالمی ادارہ صحت عالمی یوم صحت معیاری خوراک کی فراہمی کے لیے معیاری خوراک عالمی یوم صحت ڈبلیو ایچ او کا عالمی دن صحت کے شعبے ایاز صادق نے کہا کہ
پڑھیں:
پنجاب میں دہشتگردی کیخلاف اسالٹ ڈرونز کی فراہمی کا فیصلہ
پنجاب کی انسداد دہشتگردی اینڈ ہارڈنڈ دی اسٹیٹ کمیٹی کا اہم اجلاس صوبائی وزیر قانون ملک صہیب احمد بھرتھ کی زیر صدارت ہوا، جس میں نیشنل ایکشن پلان کے تحت سکیورٹی اقدامات کا جائزہ لیا گیا۔
یہ بھی پڑھیں:قدرتی آفات: پی ڈی ایم اے خیبرپختونخوا نے جدید ڈرونز ریسکیو 1122 کے حوالے کردیے
اجلاس میں چینی باشندوں کے لیے فوری مدد کی غرض سے واٹس ایپ ہیلپ لائن قائم کرنے اور صوبہ بھر کی ورک فورس کی ویری فکیشن کا فیصلہ کیا گیا۔
ڈی جی خان اور میانوالی سمیت سرحدی علاقوں میں سکیورٹی ادارے متحرک ہیں جبکہ دہشتگردی سے نمٹنے کے لیے 6 جدید اسالٹ ڈرونز فراہم کیے جا رہے ہیں۔
صوبائی وزیر نے بتایا کہ پنجاب سی ٹی ڈی نے اب تک 2000 انٹیلیجنس بیسڈ آپریشنز اور 25 ہزار سے زائد کومبنگ آپریشنز کیے ہیں۔
بلوچستان میں پنجاب کے شہریوں کے تحفظ کے لیے مسافر بسوں کو سیکیورٹی دی گئی ہے۔ 14 جوائنٹ چیک پوسٹس کی تعمیر جاری ہے جن میں 6 نان ڈیجیٹل اور 5 ڈیجیٹل چیک پوسٹس شامل ہیں۔
یہ بھی پڑھیں:ڈرون کے ذریعے نگرانی، ٹریفک قوانین کی خلاف ورزی کرنے والے 300 ڈرائیور پکڑے گئے
کمشنرز کو غیر ملکی اور دیگر صوبوں کے طلبہ و شہریوں کا ڈیٹا مرتب کرنے اور موٹروے و ہائی ویز پر ڈیجیٹل مانیٹرنگ کو موثر بنانے کی ہدایت کی گئی۔
صوبے میں منشیات کے خلاف کارروائی کے دوران 19 ہزار کلوگرام چرس، 1700 کلوگرام ہیروئن، اور 1010 کلوگرام آئس پکڑی گئی۔ پیشہ ور بھکاریوں کے خلاف 876 مقدمات درج کیے گئے، جبکہ بیرون ملک بھیک مانگنے والوں کے پاسپورٹ منسوخ کیے جا رہے ہیں۔
وزیر قانون نے کہا کہ وزیر اعلیٰ مریم نواز کی قیادت میں امن و امان کا قیام حکومت کی اولین ترجیح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دہشتگردی ڈرون صہیب احمد بھرتھ صوبائی وزیر قانون منشیات
صرف غریب نہیں، بڑی صنعتیں، فرنس آئل پلانٹس بھی بجلی چوری میں ملوث ہیں: وزیرِ توانائی