ایکس پر لوگوں کی نقالی کرنے والے اکاؤنٹس مشکل میں
اشاعت کی تاریخ: 7th, April 2025 GMT
سوشل میڈیا پلیٹ فارم ایکس نے پیروڈی اکاؤنٹس کے لیے سخت قوانین لانے کا اعلان کردیا۔
یہ بھی پڑھیں: ایلون مسک نے ٹرمپ انتظامیہ سے اپنے ممکنہ استعفے کی رپورٹس کو ’جعلی خبر‘ قرار دے دیا
بی بی سی کے مطابق ایسے اکاؤنٹس جو کسی دوسرے صارف یا شخص کی نقالی کرتے ہیں اب اس بات کے پابند ہوں گے کہ وہ اپنے اکاؤنٹ کے نام کے آغاز میں ’جعلی‘ یا ’پیروڈی‘ جیسے کلیدی الفاظ استعمال کریں۔
پیروڈی اکاؤنٹ ہولڈرز سے یہ بھی تقاضا کیا جائے گا کہ وہ ان ایکس اکاؤنٹس کے لیے مختلف تصاویر استعمال کریں جن کی وہ نمائندگی کرنا چاہتے ہیں۔
کچھ صارفین نے پلیٹ فارم پر پیروڈی اکاؤنٹس کی وجہ سے پیدا ہونے والی الجھن کے بارے میں شکایت کی ہے۔ ایسی ویڈیوز میں ایکس کے مالک ایلون مسک کی نقالی بھی شامل ہے۔
کمپنی نے ہفتے کے روز ایک پوسٹ میں کہا کہ یہ تبدیلیاں صارفین کے لیے الجھن یا نقالی کے باعث مشکل میں مبتلا ہونے سے بچانے کے لیے کی جارہی ہیں۔
مزید پڑھیے: امریکا میں ایلون مسک کی کمپنی ٹیسلا کے باہر شہریوں کا احتجاجی مظاہرہ
ایکس نے ایسے اکاؤنٹس کو انفورسمنٹ کی تاریخ تک اپنے پروفائلز کو اپ ڈیٹ کرنے کی ترغیب دی ہے۔ یہ تبدیلیاں مداحوں اور کمنٹری اکاؤنٹس پر بھی لاگو ہوں گی۔
دریں اثنا ایک صارف نے کمپنی کے اعلان کے جواب میں لکھا کہ انہیں ہفتے میں ایلون مسک کے کم از کم ایک جعلی اکاؤنٹ کے ذریعے رابطہ کیا جاتا ہے۔
ایلون مسک کے پیروڈی اکاؤنٹس سے پبلش کی گئی پوسٹس میمز اور لطیفوں سے لے کر کریپٹو کرنسی اور گاڑیوں کے تحفے دینے کے اعلان تک شامل ہیں۔
مزید پڑھیں: سابقہ ٹوئٹر موجودہ ’ایکس‘ پر اب کسی کو بلاک نہیں کیا جا سکے گا، ایلون مسک
ایلون مسک کے پیروڈی اکاؤنٹ کی ایک حالیہ پوسٹ جس کے 10 لاکھ سے زیادہ فالوورز ہیں نے صارفین کو ٹیسلا جیتنے کے موقعے کے لیے ’لائک اور کمنٹ‘ کرنے کو کہا تھا۔
پوسٹ کو 428،000 لائکس اور 200،000 سے زیادہ جوابات موصول ہوئے۔
اگر کسی پیروڈی اکاؤنٹ کا نام خاص طور پر طویل ہو اور فیڈز یا جوابات میں اس کا صرف ایک مختصر ورژن ظاہر ہوتا ہے تو صارفین انجانے میں دھوکہ کھا جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس ایکس پر پیروڈی اکاؤنٹس ایلون مسک.ذریعہ: WE News
کلیدی لفظ: ایکس ایلون مسک ایلون مسک کے لیے
پڑھیں:
میٹا کے بچوں اور نوجوانوں کے تحفظ کے لیے کارآمد فیچرز، متعدد اکاؤنٹس بلاک
میٹا نے فیس بک اور انسٹاگرام پر بچوں اور کم عمر صارفین کے تحفظ کو یقینی بنانے کے لیے نئے فیچرز کا اعلان کیا ہے۔ اس میں براہ راست پیغامات (ڈی ایمز) کے فیچرز میں بہتری، برہنگی سے متعلق خودکار تحفظ، اور ان اکاؤنٹس کے لیے اضافی حفاظتی اقدامات شامل ہیں جو بالغ افراد بچوں کے لیے چلاتے ہیں۔
یہ بھی پڑھیں:فیس بک کے ہڈ حرام صارفین کے لیے بُری خبر، میٹا نے مونیٹائزیشن پالیسی میں تبدیلی کردی
کم عمر صارفین کے اکاؤنٹس پر اب یہ واضح کیا جائے گا کہ وہ کس سے بات کررہے ہیں۔ نئے فیچرز میں اکاؤنٹ بننے کی تاریخ، تحفظ سے متعلق مشورے اور ایک ہی وقت میں کسی کو بلاک اور رپورٹ کرنے کی سہولت شامل ہے۔ صرف جون کے مہینے میں نوجوانوں نے میٹا کے حفاظتی نوٹسز استعمال کرتے ہوئے ایک ملین مشتبہ اکاؤنٹس کو بلاک اور ایک ملین ہی کو رپورٹ کیا۔
’لوکیشن نوٹس‘ کے ذریعے سرحد پار استحصال کا سدباب
انسٹاگرام پر ’لوکیشن نوٹس‘ کے ذریعے صارفین کو یہ بتایا جائے گا کہ وہ کسی غیرملکی شخص سے بات کر رہے ہیں یا نہیں۔ اس فیچر کا مقصد نوجوانوں کو سرحد پار جنسی استحصال سے بچانا ہے۔ جون میں 10 فیصد سے زائد صارفین نے اس نوٹس پر کلک کرکے مزید اقدامات کے بارے میں معلومات حاصل کیں۔
ڈی ایم میں برہنگی سے تحفظ جاری
مشکوک برہنہ تصاویر کو خودکار طریقے سے دھندلا کرنے والا فیچر بھی وسیع پیمانے پر فعال ہے۔ جون کے اعداد و شمار کے مطابق 99 فیصد صارفین، بشمول نوجوان، نے اس سیٹنگ کو فعال رکھا۔ اس فیچر کی وجہ سے 45 فیصد صارفین نے وارننگ ملنے پر ایسی تصاویر کو آگے شیئر کرنے سے گریز کیا۔
بچوں پر مبنی اکاؤنٹس کے لیے سخت حفاظتی اقدامات
میٹا نے اب ان اکاؤنٹس کے لیے بھی سخت تحفظات متعارف کرائے ہیں جو والدین یا نمائندے بچوں کے لیے چلاتے ہیں۔ ان میں سخت میسج کنٹرولز اور ناپسندیدہ الفاظ خودکار طور پر چھانٹنے والے ’ہِڈن ورڈز‘ شامل ہیں، تاکہ کسی بھی قسم کی ناپسندیدہ یا غیرمناسب بات چیت کو روکا جاسکے۔
یہ بھی پڑھیں: میٹا کا روایتی فیکٹ چیکنگ ختم کرنے کا فیصلہ، نیا نظام کیا ہوگا؟
میٹا ایسے اکاؤنٹس کی مشتبہ افراد کو تلاش میں دکھائی دینے کی صلاحیت بھی محدود کر رہا ہے۔ ساتھ ہی یہ اکاؤنٹس نہ تو تحائف وصول کرسکیں گے اور نہ ہی سبسکرپشن آفر کرسکیں گے، جو پہلے ہی کی گئی اصلاحات کا تسلسل ہے۔
جنسی طور پر نامناسب سرگرمیوں کے خلاف سخت کارروائی
کم عمر بچوں والے اکاؤنٹس پر جنسی نوعیت کے تبصرے کرنے یا تصاویر مانگنے والے 1 لاکھ 35 ہزار انسٹاگرام اکاؤنٹس کو حذف کردیا گیا۔ اس کے علاوہ 5 لاکھ مزید فیس بک اور انسٹاگرام اکاؤنٹس بھی بند کیے گئے جو انہی افراد سے جڑے ہوئے تھے۔
ٹیک کوالیشن کے ساتھ تعاون جاری
میٹا دوسرے ٹیک اداروں کے ساتھ مل کر ’لانٹرن پروگرام‘ کے تحت کام کر رہا ہے تاکہ خطرناک عناصر کو دوسرے پلیٹ فارمز پر دوبارہ سرگرم ہونے سے روکا جاسکے۔ کمپنی کا کہنا ہے کہ وہ نوجوانوں اور بچوں کے تحفظ کو اولین ترجیح دیتی ہے اور اس سلسلے میں مسلسل بہتری کے لیے کام جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسٹاگرام بچے تحفظ سیکیورٹی فیسبک میٹا نوجوان
بھارتی کرکٹ بوورڈ کو250کروڑ نقصان کاخدشہ