قذافی اسٹیڈیم میں کون سے کرکٹ میچز مفت دیکھے جاسکتے ہیں؟
اشاعت کی تاریخ: 8th, April 2025 GMT
پاکستان کرکٹ بورڈ (پی سی بی) نے لاہور کے قذافی اسٹیڈیم میں کھیلے جانیوالے ویمنز کرکٹ ورلڈ کپ کوالیفائر گیمز کے لیے مفت انٹری کا اعلان کیا ہے، یہ میچز 9 اپریل سے شروع ہوں گے جبکہ پاکستان اپنا پہلا میچ آئرلینڈ کیخلاف کھیلے گا۔
پی سی بی کے ایک بیان کے مطابق ایونٹ کے آغاز سے قبل بورڈ نے قذافی اسٹیڈیم کو شائقینِ کرکٹ کے لیے مفت کھول دیا ہے۔
شیڈول کے مطابق، قذافی اسٹیڈیم ویمنز کرکٹ ورلڈ کپ کوالیفائنگ راؤنڈ کے دوران کل 8 میچوں کی میزبانی کرے گا۔
یہ بھی پڑھیں: آئی سی سی ویمنز کرکٹ ورلڈ کپ 2025 کوالیفائرز، کون سی ٹیمیں قسمت آزمائی کریں گی؟
افتتاحی میچ کے بعد قذافی اسٹیڈیم میں دوسرا میچ 11 اپریل کو آئرلینڈ اور ویسٹ انڈیز کے درمیان ہوگا جب کہ تیسرا میچ بنگلہ دیش اور آئرلینڈ کے درمیان 13 اپریل کو ہوگا۔
پاکستان ویمن کرکٹ ٹیم 14 اپریل کو قذافی اسٹیڈیم میں ڈے اینڈ نائٹ میچ میں ویسٹ انڈیز سے ٹکرائے گی۔
پانچواں میچ 15 اپریل کو بنگلہ دیش اور اسکاٹ لینڈ کے درمیان ہوگا جس کے بعد پاکستان کا میچ 17 اپریل کو تھائی لینڈ کے خلاف ہوگا۔
مزید پڑھیں: پاکستان کی مینز اور ویمنز کرکٹ ٹیمیں آئندہ سال انگلینڈ کا دورہ کریں گی
ویمنز کرکٹ ورلڈ کپ کوالیفائر کا ساتواں میچ آئرلینڈ اور اسکاٹ لینڈ کے درمیان 18 اپریل کو شیڈول ہے اور فائنل میچ تھائی لینڈ اور ویسٹ انڈیز کے درمیان 19 اپریل کو قذافی اسٹیڈیم میں کھیلا جائے گا۔
یہاں یہ بات قابل ذکر ہے کہ راؤنڈ روبن ٹورنامنٹ میں کل 15 میچز قذافی اسٹیڈیم اور لاہور سٹی کرکٹ ایسوسی ایشن (ایل سی سی اے) اسٹیڈیم میں کھیلے جائیں گے۔
ان کوالیفائر میں سر فہرست رہنے والی 2 ٹاپ ٹیمیں بھارت میں ہونے والے آئندہ ویمنز کرکٹ ورلڈ کپ 2025 میں اپنی جگہ بناسکیں گی، جو رواں برس سال اکتوبر اور نومبر میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئرلینڈ پاکستان پاکستان کرکٹ بورڈ شائقین کرکٹ قذافی اسٹیڈیم لاہور ورلڈ کپ کوالیفائر ویمنز کرکٹ ویمنز کرکٹ ورلڈ کپ.
ذریعہ
ذریعہ: WE News
کلیدی لفظ: ا ئرلینڈ پاکستان پاکستان کرکٹ بورڈ شائقین کرکٹ قذافی اسٹیڈیم لاہور ورلڈ کپ کوالیفائر ویمنز کرکٹ ویمنز کرکٹ ورلڈ کپ ویمنز کرکٹ ورلڈ کپ قذافی اسٹیڈیم میں کے درمیان اپریل کو لینڈ کے
پڑھیں:
ورلڈ کپ فاتح ہسپانوی فٹبالرز کو وزن کے برابر ٹماٹر انعام میں مل گئے
فٹبال ورلڈ کپ(Footballworldcup) جیتنے کے بعد اسپین کے دو کھلاڑیوں کو ان کے آبائی علاقے میں منفرد انداز میں خراجِ تحسین پیش کیا گیا جہاں انہیں ان کے وزن کے برابر ٹماٹر بطور انعام دیے گئے۔
ورلڈ کپ میں کامیابی کے بعد اسپین کے صوبہ اشبیلیہ کے شہر میں مقامی فٹبالرز فیبان ریوز اور گاوی کے اعزاز میں خصوصی تقریب منعقد کی گئی۔
تقریب کے دوران دونوں کھلاڑیوں کا وزن کیا گیا اور پھر ان کے وزن کے مطابق تازہ ٹماٹر تحفے میں پیش کیے گئے۔
فیبان ریوز کا وزن 85 کلوگرام ریکارڈ کیا گیا جس کے برابر انہیں 85 کلو ٹماٹر دیے گئے جبکہ گاوی کو ان کے 68.5 کلوگرام وزن کے مطابق ٹماٹر بطور انعام ملے۔
مزیدپڑھیں:چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
شہر کی انتظامیہ کا کہنا ہے کہ یہ علاقہ ٹماٹر کی پیداوار کے لیے مشہور ہے اسی لیے روایتی انعامات کے بجائے مقامی شناخت سے جڑا یہ منفرد تحفہ منتخب کیا گیا۔
اس موقع پر انتظامیہ نے مزید اعلان کیا کہ دونوں کھلاڑیوں کی خدمات کے اعتراف میں شہر کے دو فٹبال میدانوں کو فیبان ریوز اور گاوی کے نام سے منسوب کیا جائے گا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم