56 اسلامی ممالک کی فوج کو اب غزہ میں اپنے ہتھیاروں سمیت اترنا چاہیے، جے یو پی نورانی
اشاعت کی تاریخ: 8th, April 2025 GMT
ملتان میں پریس کانفرنس کرتے ہوئے جے یو پی کے مرکزی نائب صدر کا کہنا تھا کہ ہم حکومت پاکستان سے پرزور مطالبہ کرتے ہیں کہ غزہ کی عملی مدد کے لئے کردار ادا کریں یہ وقت اسرائیل کے خلاف علم جہاد بلند کرنے کا ہے، پاک فوج کو غزہ بھیجا جائے، او آئی سی اور عرب لیگ مسلم نمائندگی کا حق کھوچکی ہے۔ اسلام ٹائمز۔ جمعیت علمائے پاکستان نورانی کے مرکزی نائب صدر مولانا عاشق علی قادری نے سابق صدر جے یو پی ملتان علامہ عرفان قادری، وزیر احمد نورانی، محمد عابد حسین کے ہمراہ فلسطین میں اسرائیلی بربریت کے خلاف پریس کانفرنس کرتے ہوئے کہا ہے کہ مسلم حکمران زبانی جمع سے ہٹ کر فلسطین کی عملی مدد کے لئے میدان لگائیں، آج غزہ کے مسلمان امت کو مدد کے لئے بلارہے ہیں افسوس کہ مسلم حکمران بے حسی کا مظاہرہ کررہے ہیں اور تماشہ دیکھ رہے ہیں، 56 اسلامی ممالک کی فوج کو اب غزہ میں اپنے ہتھیاروں سمیت اترنا چاہیے، اسرائیل کی مذمت نہیں مرمت کی ضرورت ہے، جے یو پی اسرائیلی جارحیت کے خلاف ملک گیر احتجاجی تحریک چلانے سے گریز نہیں کرے گی۔ عاشق علی قادری نے مزید کہا اسرائیل نے عید کے دن بھی غزہ کے لوگوں پر حملہ کیا، ایسی درندگی اور ظلم کی مثال نہیں ملتی، غزہ میں نسل کشی پر انسانی حقوق کی عالمی تنظیمیں اقوام متحدہ کا کردار مجرمانہ ہے، حقوق انسانیت کی بات کرنے والی تنظیمات کو فلسطینی مسلمانوں کا خون کیو نظر نہیں آرہا، وقت آگیا ہے مسلم جنگی طیاروں کو حرکت میں لایا جائے۔
رہنمائوں نے کہا کہ ہم حکومت پاکستان سے پرزور مطالبہ کرتے ہیں کہ غزہ کی عملی مدد کے لئے کردار ادا کریں، یہ وقت اسرائیل کے خلاف علم جہاد بلند کرنے کا ہے، پاک فوج کو غزہ بھیجا جائے، او آئی سی پر شدید تنقید کرتے ہوئے کہا او آئی سی اور عرب لیگ مسلم نمائندگی کا حق کھوچکی ہے، اس وقت ان کا کردار صف اول میں فلسطین کے ساتھ کھڑے ہونے کا تھا ہم ایک بار پھر مسلم حکومتوں سے کہتے ہیں اسرائیل کے خلاف اپنے جنگی سامان کو حرکت میں لائیں ورنہ تاریخ تمہیں کبھی معاف نہیں کرے گی۔ عاشق علی قادری، علامہ عرفان قادری نے بھارت میں مسلم وقف جائیدادیں ہڑپ کرنے کے بل کی شدید مذمت کرتے ہوئے کہا کہ بھارت سیکولر ملک نہیں مذہبی جنونی ہے، جہاں اقلیتیں محفوظ نہیں ہیں، مسلمانوں کی متروکہ جائیدادیں ہڑپنے کا متنازعہ بل بھارتی حکومت کی مسلم دشمنی ہے، مودی سرکار مسلمانوں پر ظلم کے پہاڑ توڑ رہی ہے، اقوام متحدہ یہاں بھی خاموش ہے۔
ذریعہ: Islam Times
کلیدی لفظ: مدد کے لئے کرتے ہوئے جے یو پی کے خلاف فوج کو
پڑھیں:
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو ہوگا
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو ہوگا WhatsAppFacebookTwitter 0 1 November, 2025 سب نیوز
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو استنبول میں ہوگا۔
پاکستان قطر اردن سعودی عرب انڈونیشیا اورمتحدہ عرب امارات کے وزرائےخارجہ شریک ہونگے،ترک وزیر خارجہ حقان فیدان نےپریس کانفرنس میں بتایاکہ اجلاس میں غزہ ٹاسک فورس اور استحکام فورس کےقیام کے علاوہ اگلے مرحلے میں سیز فائر کو دیر پا بنانے اور غزہ کی تعمیر نو پر بھی بات چیت ہوگی۔
حقان فیدان نےکہا کہ جنگ بندی معاہدے کے باوجود اسرائیل امدادی سرگرمیوں کی راہ میں سب سے بڑی رکاوٹ ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپنجاب میں اب کسی غریب اور کمزور کی زمین پرقبضہ نہیں ہوگا، وزیر اطلاعات پنجاب مقبوضہ جموں و کشمیر بھارت کا حصہ نہیں ہے، کبھی تھا نہ کبھی ہوگا، پاکستان طورخم سرحد غیرقانونی افغان شہریوں کی بے دخلی کیلئے 20 روز بعد کھول دی گئی سوڈان: دارفور ریجن میں خونریز کارروائیاں، رواں ہفتے 1500 شہری ہلاک امریکا نے بھارت کے ساتھ 10 سالہ دفاعی معاہدے پر دستخط کردیے عمرہ زائرین کیلئے نئی شرط، سعودی حکومت نے پالیسی میں بڑی تبدیلی کر دی وفاق مقامی حکومتوں کو بااختیار بنانے کیلئے 27ویں آئینی ترمیم کرے: پنجاب حکومتCopyright © 2025, All Rights Reserved
رابطہ کریں ہماری ٹیم
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے