امریکہ کیجانب سے یمن کیخلاف ہوائی حملوں کی ناکامی کا برملا اعتراف
اشاعت کی تاریخ: 9th, April 2025 GMT
یمن میں تقریباً روزانہ کی بنیاد پر ہونیوالی وحشیانہ امریکی بمباری کے باوجود، ایک اعلی سطحی امریکی عہدیدار نے علی الاعلان تسلیم کیا ہے کہ حوثی اب بھی امریکی بحریہ کو نشانہ بنانیکی اپنی صلاحیت برقرار رکھے ہوئے ہیں! اسلام ٹائمز۔ قطری نیوز چینل الجزیرہ نے ایک اعلی سطحی امریکی عسکری عہدیدار سے نقل کرتے ہوئے اعلان کیا ہے کہ امریکہ نے مارچ میں اپنے جارحانہ آپریشن کے آغاز کے بعد سے یمن میں 300 سے زائد اہداف پر بمباری کی ہے۔ یمن پر تقریباً روزانہ کی بنیاد ہونے والے وحشیانہ ہوائی حملوں کے تسلسل کا ذکر کرتے ہوئے اعلی سطحی امریکی عسکری عہدیدار نے کہا کہ ڈیاگو گارشیا جزیرے پر واقع فوجی اڈے سے B2 بمبار طیارے حوثیوں کے اہداف پر بمباری میں حصہ لے رہے ہیں جبکہ حوثیوں کے خلاف حملوں کے نتائج کا جائزہ تاحال جاری ہے اور ان کی تاثیر کے بارے کچھ بھی کہنا ابھی قبل از وقت ہو گا۔
امریکی عسکری عہدیدار نے مزید کہا کہ حوثیوں نے خطے میں امریکی بحریہ و دیگر بحری جہازوں کے خلاف حملے کرنے کی اپنی صلاحیت کو تاحال برقرار رکھا ہوا ہے۔ الجزیرہ نے اعلی سطحی امریکی فوجی اہلکار سے نقل کرتے ہوئے مزید بتایا کہ امریکی وزیر دفاع کا کہنا ہے کہ حوثیوں کے حملے بند ہونے تک آپریشن جاری رہے گا تاہم ابھی تک یہ کامیابی حاصل نہیں ہو سکی۔ امریکی اہلکار نے اس بات کی جانب بھی اشارہ کیا کہ طیارہ بردار امریکی بحری جہاز کارل ونسن اس ہفتے مشرق وسطی میں داخل ہو جائے گا، اور کہا کہ امریکی فوجی موجودگی کو مضبوط بنانے کے حوالے سے مزید امریکی فوج و سازوسامان خطے میں داخل ہو رہا ہے۔
واضح رہے کہ ڈیاگو گارشیا نامی جزیرے سے یمن کے خلاف حملوں اور طیارہ بردار امریکی بحری جہاز کارل ونسن کے مشرق وسطی میں داخلے کے بارے امریکی اعلی عہدیدار کا یہ تبصرہ ایک ایسے وقت میں سامنے آیا ہے کہ جب یمنی مزاحمتی تحریک انصار اللہ کے سربراہ اپنے قبلی خطاب میں اعلان کر چکے ہیں کہ یمن کی جانب سے تابڑ توڑ میزائل و ڈرون حملوں کے بعد امریکی طیارہ بردار بحری جہاز ٹرومین بحیرہ احمر کے انتہائی شمالی مقام کی جانب عقب نشینی کر چکا ہے۔ غاصب و سفاک صیہونی رژیم کی اندھی حمایت میں امریکہ کی جانب سے کئی ہفتوں سے یمن کے بنیادی انفراسٹرکچر و رہائشی مقامات کے خلاف وحشیانہ بمباری جاری ہے تاہم یمن نے اعلان کر رکھا ہے کہ جب تک غزہ پر جاری غاصب صیہونی رژیم کی جارحیت بند نہیں ہوتی، وہ بھی مظلوم فلسطینی عوام کی حمایت میں اپنی مزاحمتی کارروائیاں جاری رکھے گا!
ذریعہ: Islam Times
کلیدی لفظ: اعلی سطحی امریکی امریکی بحری کی جانب کے خلاف
پڑھیں:
بانی پی ٹی آئی کی جانب سے دوبارہ کابینہ کا حصہ بننا اصل انعام ہے: مزمل اسلم
پشاور(ڈیلی پاکستان آن لائن)پاکستان تحریکِ انصاف (پی ٹی آئی) کے رہنما مزمل اسلم کا کہنا ہے کہ بانیٔ پی ٹی آئی عمران خان کی جانب سے دوبارہ کابینہ کا حصہ بننا اصل انعام ہے۔
روزنامہ جنگ کے مطابق پشاور میں پی ٹی آئی کے رہنما مزمل اسلم نے بیان دیتے ہوئے کہا کہ دوبارہ اعتماد کرنے پر بانیٔ پی ٹی آئی کا شکریہ ادا کرتا ہوں۔
مزمل اسلم نے مزید کہا کہ سابق وزیرِ اعلیٰ علی امین گنڈاپور کا بھی نہایت شکر گزار ہوں، اُنہوں نے اعتماد کے ساتھ مکمل سپورٹ فراہم کی تھی۔اِن کا کہنا تھا کہ وزیرِاعلیٰ سہیل آفریدی کا بھی شکریہ جنہوں نے اپنی نئی ٹیم کا حصہ بنایا۔
وزیر خارجہ اسحاق ڈار سے کینیڈین ہم منصب انیتا آنند کی ٹیلیفونک گفتگو
مزید :
فیلڈ مارشل کا دورہ اردن: شاہ عبداللہ سے ملاقات‘دفاعی تعاون اور دوطرفہ تعلقات کو وسعت دینے پر غور