ہمارا آئی پی ایل سے کوئی تعلق نہیں، مکمل فوکس پی ایس ایل پر ہے، کامران غلام
اشاعت کی تاریخ: 9th, April 2025 GMT
کراچی:
ملتان سلطانز کے بیٹر کامران غلام نے کہا ہے کہ آئی پی ایل سے کوئی تعلق نہیں، ہمارا مکمل فوکس پی ایس ایل پر ہے۔
میڈیا سے گفتگو میں کامران غلام نے کہا کہ پاکستان سپر لیگ کے لیے مکمل طور پر تیار اور پرجوش ہیں، ٹیم کا مورال بلند ہے اور کھلاڑیوں کی نظریں فائنل تک رسائی پر ہیں۔ انہوں نے کہا کہ یہی سوچ ہے کہ ٹاپ اسکورر بن کر ٹیم کی جیت میں اہم کردار ادا کریں۔
کامران غلام نے کہا کہ جو کھلاڑی ڈومیسٹک کرکٹ میں اچھی پرفارمنس دیتا ہے، اسے انٹرنیشنل لیول پر کھیلنے میں زیادہ مشکلات پیش نہیں آتیں۔
ان کا کہنا تھا کہ پی ایس ایل ایک بڑا ایونٹ ہے، جس کا کراؤڈ بھی خاص ہوتا ہے اور شائقین بے تابی سے اس کے منتظر ہوتے ہیں۔
انہوں نے کہا کہ بحیثیت بیٹر ہمیشہ کوشش رہتی ہے کہ پی ایس ایل میں بہتر کھیل پیش کیا جائے اور ٹیم کو فائنل تک پہنچایا جائے، ہر ٹیم کا الگ ماحول ہوتا ہے اور ہر فرنچائز کا اپنا انداز ہے۔
انہوں نے کہا کہ میں کسی کو کاپی نہیں کرتا، شروع سے اسی انداز میں کھیل رہا ہوں۔ اگر فرنچائز اونر کھلاڑی پر اعتماد کرے تو اعتماد میں اضافہ ہوتا ہے۔
ایک سوال کے جواب میں کامران غلام نے کہا کہ ہمارا آئی پی ایل سے کوئی تعلق نہیں، ہمارا مکمل فوکس پی ایس ایل پر ہے جو ہر سال بڑے پیمانے پر منعقد ہوتا ہے۔
.ذریعہ: Express News
کلیدی لفظ: کامران غلام نے کہا پی ایس ایل نے کہا کہ ہوتا ہے
پڑھیں:
حریت کانفرنس کا مشن واضح اور غیر متزلزل ہے، ہم اپنے شہداء کے خون کے امین ہیں، غلام محمد صفی
ذرائع کے مطابق غلام محمد صفی نے اسلام آباد میں نوجوانوں کے ایک وفد سے ملاقات کرتے ہوئے کہا کہ حریت کانفرنس کا مشن واضح اور غیر متزلزل ہے، ہم اپنے شہداء کے خون کے امین ہیں۔ اسلام ٹائمز۔ کل جماعتی حریت کانفرنس کی آزاد جموں و کشمیر شاخ کے کنوینر غلام محمد صفی نے کہا ہے کہ تحریک آزادی کشمیر ایک زندہ اور متحرک جدوجہد ہے جس کی بنیاد عوام کے عزم، قربانیوں اور نوجوانوں کی عملی شمولیت پر ہے۔ ذرائع کے مطابق غلام محمد صفی نے اسلام آباد میں نوجوانوں کے ایک وفد سے ملاقات کرتے ہوئے کہا کہ حریت کانفرنس کا مشن واضح اور غیر متزلزل ہے، ہم اپنے شہداء کے خون کے امین ہیں اور آزادی کی اس جدوجہد کو اس کے منطقی انجام تک پہنچانے کے لیے ہر مکتبہ فکر، خاص طور پر نوجوانوں کو ساتھ لے کر آگے بڑھیں گے۔ غلام محمد صفی نے کہا کہ نوجوان ہی تحریک کا اصل سرمایہ ہیں اور ان کے بغیر کسی بھی قوم کی آزادی کی جدوجہد مکمل نہیں ہو سکتی۔ انہوں نے اس عزم کا اعادہ کیا کہ کل جماعتی حریت کانفرنس آئندہ بھی آزاد کشمیر اور پاکستان میں مسئلہ کشمیر کو اجاگر کرتی رہے گی تاکہ کشمیری عوام کے بنیادی حق، حقِ خودارادیت کے حصول تک جدوجہد جاری رہے۔
وفد میں سابق وزیراعظم آزادکشمیر تنویر الیاس خان کے کوآرڈینیٹر برائے مہاجرین عامر عباسی، سابق امیدوار ضلع کونسل مظفرآباد سردار اشتیاق لیاقت اعوان، صدر اسٹوڈنٹس ونگ تحریک شباب المسلمین سردار ریاض اعوان اور معروف تاجر سجاد احمد بٹ شامل تھے۔ ملاقات میں مقبوضہ جموں و کشمیر کی موجودہ صورتحال، بھارتی ریاستی دہشت گردی، انسانی حقوق کی سنگین خلاف ورزیاں اور کشمیری عوام کی جدوجہد آزادی پر تفصیلی تبادلہ خیال کیا گیا۔وفد نے غلام محمد صفی کی زیرقیادت پاکستان اور آزاد کشمیر میں حریت کانفرنس کے پلیٹ فارم سے منعقد ہونے والی مختلف تقریبات اور پروگراموں کو سراہا جن کے ذریعے مسئلہ کشمیر کو اجاگر کرنے اور دنیا تک کشمیری عوام کا حقیقی موقف پہنچانے کی موثر کوششیں کی گئیں۔
حریت کانفرنس کی سرگرمیوں میں نوجوان نسل کی بڑھتی ہوئی دلچسپی کو انتہائی خوش آئند اور تحریک آزادی کشمیر کے مستقبل کے لیے ایک مثبت اور انقلابی پیش رفت قرار دیا گیا۔ نوجوانوں کی بیداری کو تحریک میں ایک فعال اور موثر قوت میں ڈھالنے کی ضرورت پر زور دیا گیا تاکہ مقبوضہ جموں و کشمیر کے مظلوم عوام کی آواز عالمی سطح پر مزید موثر انداز میں بلند کی جا سکے۔ کل جماعتی حریت کانفرنس کی آزاد جموں و کشمیر شاخ کے سیکریٹری اطلاعات مشتاق احمد بٹ بھی اس موقع پر موجود تھے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست