وزیراعظم سے ملاقات میں کیا باتیں ہوئیں؟ حافظ نعیم الرحمان نے تفصیلات بتا دیں
اشاعت کی تاریخ: 9th, April 2025 GMT
جماعت اسلامی پاکستان کے امیر حافظ نعیم الرحمان نے کہا ہے کہ وزیراعظم شہباز شریف سے ہونے والی ملاقات میں غزہ کی موجودہ صورت حال پر توجہ دلائی۔
میڈیا سے گفتگو میں انہوں نے کہاکہ ہم نے غزہ کی موجودہ صورتحال پر حکومت پاکستان کو متوجہ کیا ہے کہ ہمیں اس معاملے پر مرکزی کردار ادا کرنا چاہیے۔
انہوں نے کہاکہ کچھ عرصہ سے لوگ کہہ رہے ہیں کہ چونکہ پاکستان کی معاشی حالت بہتر نہیں تو پاکستان کو آگے بڑھ کر کوئی فیصلہ نہیں کرنا چاہیے، لیکن ہم سمجھتے ہیں کہ یہ حالات پیدا ہونے کی بھی یہی وجہ ہے کہ پاکستان مرکزی کردار ادا نہیں کررہا۔
انہوں نے کہاکہ اسرائیل فلسطینیوں کی نسل کشی کررہا ہے، اور امریکا سمیت پورا مغرب اس کے ساتھ کھڑا ہوگیا ہے۔
حافظ نعیم الرحمان نے کہاکہ ہم نے وزیراعظم کو کہا ہے کہ غزہ کے معاملے پر پاکستان کو صرف مؤقف کی حد تک بات نہیں کرنی ہوگی بلکہ وہ رول ادا کرنا ہوگا جو اس کے شایان شان ہے۔
انہوں نے کہاکہ ہم نے تجویز کیا ہے کہ پارلیمنٹیرنز مختلف ممالک کا دورہ کریں اور غزہ کی صورت حال پر اپنا بھرپور کردار ادا کریں، ہمیں آگے بڑھنا ہوگا ورنہ ہم مجرموں کی صف میں کھڑے نظر آئیں گے۔
انہوں نے مزید کہاکہ ہم نے وزیراعظم سے مطالبہ کیا ہے کہ اسرائیل کا دورہ کرنے والے صحافیوں کے خلاف کارروائی کی جائے، ہم اسرائیل کی طرف بڑھنے والا ہر قدم اور ہر ہاتھ توڑ دیں گے، پوری دنیا بھی اگر اسرائیل کو تسلیم کرے گی تو پاکستان نہیں کرےگا۔
حافظ نعیم الرحمان نے کہاکہ اس کے علاوہ ہم نے وزیراعظم سے ملاقات میں بجلی کی قیمتوں میں کمی کا خیر مقدم کیا ہے، لیکن ہم نے واضح کیا ہے کہ بنیادی ٹیرف میں کمی ہونی چاہیے۔
انہوں نے کہاکہ ہم نے کہاکہ بجلی کی قیمت میں مزید کمی ہونی چاہیے، حکومت جتنے مرضی اعداد و شمار پیش کر دے لیکن ملک میں مہنگائی عروج پر ہے۔
امیر جماعت اسلامی نے کہاکہ ہم نے تنخواہ دار طبقے پر بوجھ کم کرنے کا مطالبہ کیا ہے، جس پر وزیراعظم نے یقین دہانی کرائی ہے۔
انہوں نے کہاکہ بلوچستان کے حوالے سے ہم نے حکومت کو تجاویز دی ہیں، سی پیک کے تحت بلوچستان میں منصوبے مکمل ہونے چاہییں، اس وقت بلوچوں کے زخموں پر مرہم رکھنے کی ضرورت ہے۔
انہوں نے کہاکہ ہم نے تجویز بھی دی ہے کہ خیبرپختونخوا میں امن کی کنجی افغانستان کے ساتھ مذاکرات کرنے میں ہے، دونوں ممالک کو بات چیت کرنا ہوگی۔
انہوں نے کہاکہ ہم نے ملاقات میں کراچی کے مسائل پر بھی بات چیت کی، نہروں کے معاملے پر بھی ہم نے بات کی کہ اس معاملے کو مشترکہ مفادات کونسل میں زیر بحث لانا چاہیے۔
انہوں نے مزید کہاکہ اگر حکومت نے ہمارے مطالبات پر لیت و لعل سے کام لیا تو ہم احتجاج کا حق استعمال کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل بجلی ٹیرف جماعت اسلامی حافظ نعیم الرحمان غزہ مظالم فلسطین ملاقات وزیراعظم پاکستان وی نیوز.ذریعہ: WE News
کلیدی لفظ: اسرائیل بجلی ٹیرف جماعت اسلامی حافظ نعیم الرحمان غزہ مظالم فلسطین ملاقات وزیراعظم پاکستان وی نیوز حافظ نعیم الرحمان نے انہوں نے کہاکہ ہم نے ملاقات میں کیا ہے کہ
پڑھیں:
اسرائیل بے گناہ فلسطینیوں کو قتل کر رہا ہے، مولانا شعیب احمد
مولانا شعیب احمد کا کہنا تھا کہ اسرائیل انسانی حقوق اور بین الاقوامی قوانین کو چیلنج کر کے فلسطین کو نقشے سے مٹانے کی کوشش کر رہا ہے، چھوٹے بچوں کو بھوکا پیاسا مارا جارہا ہے۔ اسلام ٹائمز۔ عیدالاضحیٰ کے موقع پر بھارتی ریاست کیرالہ سے تعلق رکھنے والے ڈاکٹر مولانا شعیب احمد نے فلسطینیوں کی حمایت کا اعلان کرتے ہوئے کہا کہ اسرائیل معصوم لوگوں کو بڑی بے رحمی سے قتل کر رہا ہے۔ انہوں نے پہلگام حملے کا ذکر کرتے ہوئے کہا کہ سب کو ہوشیار رہنے کی ضرورت ہے۔ دہشتگردی کے حملوں اور اس سے متعلق خبروں کو سیاسی فائدے کے لئے غلط استعمال نہ کیا جائے اور معاشرے میں نفرت اور دشمنی نہ پھیلائی جائے۔ وقف ایکٹ میں ترمیم پر بات کرتے ہوئے انہوں نے کہا کہ یہ موضوع آج ملک میں مسلمانوں کو درپیش اہم ترین مسئلہ ہے۔ انہوں نے کہا کہ اس قانون کی وجہ سے مساجد، مدارس اور یتیم خانے خاتمے کے دہانے پر ہیں۔ مولانا شعیب احمد نے کہا کہ وقف کیس سے متعلق سپریم کورٹ کے عبوری احکامات اور تبصرے تسلی بخش ہیں۔
مولانا شعیب احمد کا مزید کہنا تھا کہ اسرائیل انسانی حقوق اور بین الاقوامی قوانین کو چیلنج کر کے فلسطین کو نقشے سے مٹانے کی کوشش کر رہا ہے، چھوٹے بچوں کو بھوکا پیاسا مارا جا رہا ہے جو ظلم کی انتہا ہے۔ انہون نے کہا کہ ایسی صورتحال میں فلسطینیوں کے لئے خصوصی دعا کی جانی چاہیئے۔ ادھر سرینگر کی عیدگاہ میں نماز عید کے بعد صحافیوں سے بات کرتے ہوئے پیپلز ڈیموکریٹک پارٹی (پی ڈی پی) کی سربراہ محبوبہ مفتی نے بھی کہا کہ فلسطین میں جو مسلمانوں کے ساتھ ظلم ہو رہا ہے، اسے فوری طور پر بند ہونا چاہیئے۔ انہوں نے کہا کہ ہم نے آج عید نماز کے دوران فلسطین کے لوگوں کی آزادی، بھلائی اور سلامتی کے لئے دعا کی ہے۔ انہوں نے کہا "ہم دعا کرتے ہیں کہ فلسطین جلد ہی اسرائیلی مظالم سے آزاد ہو"۔
مودی کے بیانات، خطے میں آگ یا راکھ؟