صوبائی قیادت کارکنوں کو نظرانداز کر رہی ہے، ن لیگ کوئٹہ
اشاعت کی تاریخ: 10th, April 2025 GMT
مسلم لیگ (ن) کے کارکنوں کا کہنا ہے کہ اہم عہدوں پر بیٹھنے کے بعد صوبائی قیادت نے انہیں نظرانداز کیا ہے۔ باہر کے لوگ پارٹی معاملات میں دخل اندازی کر رہے ہیں۔ اسلام ٹائمز۔ پاکستان مسلم لیگ (ن) کوئٹہ کے کارکنوں کا کہنا ہے کہ صوبائی قیادت اہم عہدوں پر فائز ہونے کے بعد برے وقت میں فرنٹ لائن پر رہنے والے کارکنوں کو بھول گئی ہے۔ صوبائی قیادت کے قریبی ساتھی پارٹی میں نہ ہونے کے باوجود پارٹی معاملات میں مداخلت کر رہے ہیں۔ یہ گفتگو کوئٹہ میں منعقدہ پاکستان مسلم لیگ (ن) کے ضلعی اجلاس میں ہوئی۔ ضلع کوئٹہ کے صدر سحر گل خلجی اور جنرل سیکرٹری جاوید اقبال اعوان اجلاس کی صدارت کر رہے تھے۔ جس میں پارٹی رہنماؤں اور کارکنوں نے شرکت کیں۔ اجلاس میں پارٹی امور اور کارکنوں کے مسائل پر غور کیا گیا۔
اس موقع پر خطاب کرتے ہوئے سحر گل خلجی اور جاوید اعوان نے کہا کہ اس وقت کوئٹہ سمیت پورے بلوچستان میں پارٹی کارکنوں کو نظرانداز کیا گیا ہے، خاص طور پر کوئٹہ میں صوبائی قیادت کے قریبی ساتھی تنظیمی امور میں مداخلت کر رہے ہیں، جس کی جتنی مذمت کی جائے کم ہے۔ برے حالات میں فرنٹ لائن کا کردار ادا کرنے والے کارکن آج صوبائی قائدین کی نظروں سے اوجھل ہوگئے، کیونکہ صوبائی قیادت آج اہم عہدوں پر فائز ہوچکی تو انہیں کارکنوں کی کیا ضرورت ہے۔ اجلاس میں مختلف قراردادیں پیش کی گئیں، جس کی کابینہ ارکان نے منظوری دی۔ اجلاس میں فیصلہ کیا گیا کہ آئندہ اجلاس جلد طلب کیا جائے گا، جس میں آئندہ کا لائحہ عمل طے کیا جائے گا۔
ذریعہ: Islam Times
کلیدی لفظ: صوبائی قیادت اجلاس میں کر رہے
پڑھیں:
سینیٹر علامہ راجہ ناصرعباس جعفری نے علامہ قاضی نادر حسین علوی کو ایم ڈبلیو ایم جنوبی پنجاب کا صوبائی آرگنائزر مقرر کردیا
مرکز کی جانب سے جنوبی پنجاب کے لیے تین رکنی ورکنگ کمیٹی کا اعلان کیا گیا ہے جن میں علامہ قاضی نادر حسین علوی کو صوبائی آرگنائزر مقررکیا گیا ہے ان کے علاوہ علامہ ساجد اسدی اور سید انعام زیدی شامل ہیں، ذرائع کے مطابق مرکز کی جانب سے صوبائی آرگنائزر ز کو ورکنگ کمیٹی میں مزید اراکین کو شامل کرنے کا اختیار دیا گیا ہے۔ اسلام ٹائمز۔ مجلس وحدت مسلمین پاکستان کے چیئرمین علامہ راجہ ناصر عباس جعفری نے تنظیمی فعالیت کو مزید موثر بنانے اور ملک و ملت کو درپیش چیلنجز سے موثر طور پر نبرد آزما ہونے کے لیے نئے صوبائی انتظامی سیٹ اپ کے قیام کا اعلان کردیا ہے۔ پہلے مرحلے میں پنجاب، جنوبی پنجاب اور بلوچستان کی صوبائی حیثیت ختم کر کے اُنہیں ورکنگ کمیٹیز میں تبدیل کیا گیا ہے، اس کے ساتھ ساتھ پنجاب کو اب تین حصوں میں تقسیم کیا گیا ہے شمالی پنجاب، وسطی پنجاب اور جنوبی پنجاب میں اس کے علاوہ بلوچستان کو بھی دو حصوں میں تقسیم کیا گیا ہے جنوبی بلوچستان اور شمالی بلوچستان میں، مرکز کی جانب سے جنوبی پنجاب کے لیے تین رکنی ورکنگ کمیٹی کا اعلان کیا گیا ہے جن میں علامہ قاضی نادر حسین علوی کو صوبائی آرگنائزر مقررکیا گیا ہے ان کے علاوہ علامہ ساجد اسدی اور سید انعام زیدی شامل ہیں، ذرائع کے مطابق مرکز کی جانب سے صوبائی آرگنائزر ز کو ورکنگ کمیٹی میں مزید اراکین کو شامل کرنے کا اختیار دیا گیا ہے۔
ایران کی ملٹری ڈاکٹرائن میں ایٹمی ہتھیاروں کی کوئی جگہ نہیں، ایرانی وزارت خارجہ