کراچی میں 9 ٹرک جلانے کے واقعات، دہشتگردی سمیت دیگر دفعات کے تحت 5 مقدمات درج، 19 ملزم گرفتار
اشاعت کی تاریخ: 10th, April 2025 GMT
پولیس نے سی سی ٹی وی فوٹیجز، موبائل فون ویڈیو اور دیگر ذرائع سے نشاندہی کے بعد جلاؤ گھیراؤ میں ملوث 19 ملزمان کو گرفتار کر لیا، جبکہ مزید ملوث ملزمان کی گرفتاریوں کیلئے چھاپے مارے جا رہے ہیں۔ اسلام ٹائمز۔ شہر قائد کے علاقے نارتھ کراچی میں حادثے کے بعد 9 ڈمپروں اور واٹر ٹینکروں کو آگ لگا کر جلانے کے واقعات میں 5 مقدمات درج کرکے جلاؤ گھیراؤ میں ملوث 19 ملزمان کو گرفتار کر لیا گیا، جبکہ واقعے میں ملوث دیگر ملزمان کی گرفتاریوں کیلئے گرینڈ آپریشن کیا جا رہا ہے۔ ڈی آئی جی ویسٹ کا کہنا ہے کہ لگتا یہ ہے کہ واقعہ ایک سوچی سمجھی سازش کے تحت کیا گیا ہے، واقعے سے کافی انتشار پھیلایا گیا ہے، ملوث ملزمان کے کافی نام سامنے آگئے ہیں، ویڈیوز موجود ہیں، امید ہے پولیس کے ایکشن کے بعد آئندہ ایسا کام نہیں ہوگا۔ تفصیلات کے مطابق ضلع سینٹرل پولیس نے ڈمپروں اور واٹر ٹینکروں کو آگ لگا کر نذر آتش کرنے کے واقعے کے 5 مقدمات درج کر لیے، مقدمات سرسید،بلال کالونی، نیو کراچی اور خواجہ اجمیرنگری تھانے میں درج کیے گئے۔ مقدمات ہنگامہ آرائی، توڑ پھوڑ، املاک کو نقصان پہنچانے اور انسداد دہشتگردی سمیت دیگر دفعات کے تحت درج کیے گیے۔
پولیس نے سی سی ٹی وی فوٹیجز، موبائل فون ویڈیو اور دیگر ذرائع سے نشاندہی کے بعد جلاؤ گھیراؤ میں ملوث 19 ملزمان کو گرفتار کر لیا، جبکہ مزید ملوث ملزمان کی گرفتاریوں کیلئے چھاپے مارے جا رہے ہیں۔ ڈی آئی جی ویسٹ عرفان علی بلوچ اور ایس ایس پی سینٹرل ذیشان شفیق صدیقی نے جائے حادثہ کا دورہ کیا اور تمام شواہد کا باریک بینی سے جائزہ لیا۔ ڈی آئی جی ویسٹ عرفان علی بلوچ نے میڈیا کے نمائندوں سے بات چیت کرتے ہوئے بتایا کہ پولیس کو اب تک جو لنکز ملے ہیں، اس سے یہ لگتا ہے کہ واقعہ ایک سوچی سمجھی سازش کے تحت کیا گیا ہے۔ انہوں نے کہا کہ پولیس کو واقعے میں ملوث ملزمان کے حوالے سے بہت سی لیڈز ملی ہیں، پولیس نے رات کو ہی کریک ڈاؤن کرتے ہوئے جلاؤ گھیراؤ میں ملوث 19 ملزمان کو گرفتار کیا ہے اور واقعے میں ملوث ملزمان کی گرفتاری کیلئے ایک گرینڈ آپریشن کیا جا رہا ہے اور پولیس واقعے میں ملوث سب ملزمان کو گرفتار کریگی۔
ڈی آئی جی ویسٹ نے بتایا کہ حادثے میں کوئی زخمی یا جاں بحق نہیں ہوا اور اچانک جلاؤ گھیراؤ شروع کر دیا گیا، مشتعل افراد نے مرکزی سڑک کو نقصان پہنچانے کی کوشش کی ہے، اگر کسی حادثے کے نتیجے میں جلاؤ گھیراؤ ہوتا تو اسی جگہ جلاؤ گھیراؤ ہوتا جہاں حادثہ ہوتا، لیکن پوری سڑک کو ٹارگٹ کرنے کی کوشش کی گئی ہے۔ انہوں نے بتایا کہ مبینہ حادثے میں زخمی ہونے والا نوجوان اب تک پولیس کے سامنے نہیں آسکا ہے۔ انہوں نے مزید بتایا کہ پولیس نے جس ڈمپر کے ڈرائیور کو پکڑا ہے، اس نے بتایا کہ پہلے اس کے ساتھ لڑائی ہوئی ہے، جس کے بعد اس نے اپنا ڈمپر دوڑایا ہے اور ڈمپر دوڑانے کے دوران ایک خالی موٹر سائیکل اس کے ڈمپر کے نیچے آئی ہے انہوں نے مزید کہا کہ تمام چیزوں پر تفتیش ہو رہی ہے، رات پولیس نے معاملے کو کنٹرول کرنے کی کوشش کی ہے، ابھی پولیس انویسٹی گیشن کے ساتھ ساتھ چھاپے بھی مار رہی ہے۔
عرفان بلوچ نے بتایا کہ کرائم سین یونٹ واقعے کے شواہد اکٹھا کر رہے ہیں، یہ کہنا بہت جلدی ہو جائے گا کہ جلاؤ گھیراؤ میں کیمیکل استعمال ہوا، لیکن نمونے لیبارٹری بھجوائیں گے اور جو بھی نتیجہ آئے گا اس سے سب کا آگاہ کریں گے۔ انہوں نے بتایا کہ 9 ڈمپروں اور واٹر ٹینکروں کو آگ لگانے کا واقعہ پانچ منٹ کے اندر ہوا ہے اور ہم یہ اندازہ لگا رہے ہیں کہ واقعہ سوچی سمجھی سازش کے تحت ہوا۔ انہوں نے بتایا کہ پولیس کا ریسپانس بہت اچھا تھا، مشتعل افراد ڈمپروں اور واٹر ٹینکروں کے ساتھ ایک نجی ریسٹورنٹ کے اوپر بھی حملہ کرنا چاہ رہے تھے، پولیس نے دونوں کے محفوظ بنایا اور مزید گاڑیاں جلانے سے بچایا ہے اور پولیس نے موقع پر سے بھی کئی ملزمان کو گرفتار کیا۔ ڈی آئی جی نے بتایا کہ جو بھی جلاؤ گھیراؤ میں ملوث ملزمان ہیں، ان کا خاتمہ ضرور کریگی، کیونکہ کافی انتشار پھیلایا گیا ہے، کافی نام سامنے آگئے ہیں، ویڈیوز موجود ہیں، امید ہے پولیس کے ایکشن کے بعد آئندہ ایسا کام نہیں ہوگا۔
عرفان علی بلوچ نے بتایا کہ ڈمپروں اور واٹر ٹینکروں کو جلانے کے واقعے کے بعد موقع پر پہنچنے کے والے ڈمپر ایسوسی ایشن کے صدر لیاقت محسود کے ساتھ ان کے گن مین تھے، ایس ایس پی ضلع سینٹرل نے لیاقت محسود سے بات کی ہے، پولیس نے لیاقت محسود کو وارننگ دی ہے کہ اگر وہ ایسا کریں گے تو پولیس ان کے خلاف ایکشن لے گی۔ دوسری جانب جلانے جانے والے ڈمپروں اور واٹر ٹینکروں کے مالکان کا کہنا ہے کہ ان کا کروڑوں روپے کا نقصان ہوا ہے اور ان واقعات کو لسانیت کا رنگ دینے کی کوشش کی جا رہی ہے، زبان الگ ہو سکتی ہے لیکن تمام مسلمان آپس میں بھائی بھائی ہیں۔ ان کا کہنا تھا کہ بھائی بھائی کو لڑانے کی کوشش کو ملکر ناکام بنانا ہے، جو بھی ان واقعات میں ملوث ہیں، پولیس ان کے خلاف قانونی کارروائی کرے۔
ذریعہ: Islam Times
کلیدی لفظ: میں ملوث 19 ملزمان کو گرفتار ڈمپروں اور واٹر ٹینکروں کو ملزمان کو گرفتار کر ڈی ا ئی جی ویسٹ واقعے میں ملوث ملوث ملزمان نے بتایا کہ کی کوشش کی ملزمان کی کہ پولیس پولیس نے انہوں نے کے ساتھ رہے ہیں کے بعد کے تحت ہے اور گیا ہے
پڑھیں:
ذہنی پسماندہ لڑکی کے ساتھ زیادتی، سوتیلی ماں ملزم سمیت گرفتار
کراچی:سعید آباد میں ذہنی طور پر پسماندہ لڑکی کو زیادتی کا نشانہ بنانے کے الزام میں سوتیلی ماں اور ایک مرد کو گرفتار کرلیا گیا۔
ایکسپریس نیوز کے مطابق ضلع کیماڑی تھانہ سعیدآباد کے علاقے سو فٹ روڈ یوسف گوٹھ سعیدآباد میں یہ واقعہ پیش آیا ہے۔
ایس ایس پی کیماڑی کیپٹن فیضان علی کے مطابق متاثرہ لڑکی کے ساتھ جنسی زیادتی کرنے والے ملزم اور ساتھ دینے والی خاتون کو گرفتار کیا گیا ہے، 16 سالہ متاثرہ لڑکی کو 10 اگست کے روز سوتیلی والدہ عائشہ اپنے ساتھ زینب کو سو فٹ روڈ یوسف گوٹھ خالی مکان میں لیکر گئی جہاں پہلے سے موجود شہزاد نامی ملزم نے سوتیلی والدہ عائشہ کی موجودگی میں اسے جنسی زیادتی کا نشانہ بنایا۔
حکام کے مطابق متاثرہ لڑکی دماغی طور پر مستحکم نہیں ہے تاہم میڈیکل رپورٹ MLO نمبری 30/2025 کے مطابق لیڈی ڈاکٹر نے تصدیق کی کہ متاثرہ 16 سالہ لڑکی کے ساتھ جنسی زیادتی کی گئی ہے، ملزمان کے خلاف مقدمہ درج کرکے مزید تفتیش کی جارہی ہے۔
سندھ میں 9 اگست کو عام تعطیل کا اعلان