بجلی کی قیمت میں 7 روپے 41 پیسے کمی کا اطلاق کب سے ہوگا؟ بڑی خبر آ گئی
اشاعت کی تاریخ: 16th, April 2025 GMT
اسلام آباد(نیوز ڈیسک)وزیراعظم شہباز شریف کی جانب سے بجلی کی قیمت میں فی یونٹ 7 روپے 41 پیسے کمی کے اعلان پر اطلاق کب سے ہوگا؟ بڑی خبر سامنے آ گئی ہے۔
نجی ٹی وی کے مطابق وزیر توانائی اویس لغاری نے وزیر ریلوے حنیف عباسی کے ہمراہ ڈیرہ غازی خان میں موسیٰ پاک ایکسپریس شٹل ٹرین کا افتتاح کیا۔ اس موقع پر وزیر توانائی نے میڈیا سے بھی گفتگو کی۔
وزیر توانائی اویس لغاری نے عوام کو خوشخبری سنائی کہ وزیراعظم نے گزشتہ دنوں بجلی کی قیمت میں 7 روپے 41 پیسے کمی کا اعلان کیا تھا۔ اس کا اطلاق اپریل سے ہوگا اور بجلی کی قیمت میں صارفین کو یہ ریلیف ملے گا۔ جب کہ جلد ہی عوام کو مزید اچھی خبریں بھی سنائیں گے۔
اویس لغاری نے بتایا کہ ایک سال میں جواچیومنٹ کیں وہ پہلےکبھی نہیں کی گئیں۔ پاکستان کے سیٹھوں سے 3400 ارب وصول کیے۔ رشتہ داری، جان پہچان کی پروا کیے بغیر عوام کے فائدے کیلیے میرٹ پر فیصلے کیے اور بجلی کے کارخانوں میں منافع کمانے والوں کو راہ راست پر لے کر آئے۔
ان کا کہنا تھا کہ جب حکومت میں آئے تو معاشی حالات بہتر نہیں تھے۔ ہمارے اخراجات آمدن سے زیادہ تھے، بجلی کی قیمتیں زیادہ تھیں۔ مہنگائی 38 فیصد پر تھی اور پاکستانی شہری مہگائی کی وجہ سے بہت پریشان تھے۔
وزیر توانائی نے کہا معاشی مسائل سے نمٹنے کیلیے مشکل فیصلےکیے۔ ہم وقت کے ساتھ ساتھ معاشی بہتری لائے اور ایک سال کے اندر حکومت نے اپنے گھر کو صحیح کیا۔ رائٹ سائزنگ پالیسی پر عملدرآمد سے زائد اخراجات کو کم کر رہے ہیں۔
اویس لغاری نے ٹرین کی بحالی پر وزیر ریلوے حنیف عباسی کا شکریہ ادا کرتے ہوئے کہا کہ پہلے یہ ریلوے اسٹیشن قبرستان کا منظر پیش کر رہا تھا۔ عوام کی سہولت کے لیے اس شٹل کو شروع کیا ہے۔
مزیدپڑھیں:فی لیٹر پیٹرول پر کتنے ٹیکسز عائد ہیں؟ ہوشربا انکشاف
ذریعہ: Daily Ausaf
کلیدی لفظ: بجلی کی قیمت میں اویس لغاری نے وزیر توانائی
پڑھیں:
۔200 یونٹس کے ریٹ کا 201 یونٹ پر یکدم بدل جانا مصیبت ہے، سعد رفیق
data-id="863a0a8" data-element_type="widget" data-widget_type="theme-post-content.default">
لاہور ( مانیٹرنگ ڈیسک ) سابق وفاقی وزیر اورمسلم لیگ ن کے سینئر رہنما خواجہ سعد رفیق نے ایک گھر میں بجلی کے 2 میٹرز کے معاملے پر حکومت کو قیمتی مشورہ دیدیا۔ اپنے ایک بیان میں انہوں نے بتایا کہ ایک ہی گھر میں بجلی کے 2 میٹرز پر پابندی کی خبر دیکھ کر پریشانی ہوئی، اس سلسلے میں میں نے اپنا فرض سمجھ کر کل شام سی ای او لیسکو رمضان بٹ اور وفاقی وزیر توانائی سردار اویس لغاری سے رابطہ کیا تو دونوں حضرات نے یقین دہانی کروائی کہ یہ فیک نیوز ہے، اب تو وزارت بجلی نے اس حوالے سے وضاحت بھی جاری کر دی ہے۔سابق وفاقی وزیر کا کہنا ہے کہ میری اطلاع کے مطابق ایک گھر کے الگ الگ پورشنز یا بلڈنگ کے فلیٹس میں رہنے والی فیملیز اپنے لیے الگ الگ میٹرز لے سکتی ہیں، ایک گھر کے داخلی دروازے کا مطلب گھر کا نہیں بلکہ پورشن کا دروازہ ہوگا بشرطیکہ وہاں قیام پذیر فیملیز کے الیکٹرک سرکٹ الگ ہوں، وزارت بجلی کو یہ وضاحت بروقت کرنی چائیئے تھی، بہرحال دیر آید درست آید۔سعد رفیق کہتے ہیں کہ بجلی کے 200 یونٹس استعمال کے ریٹ کا 201 یونٹ پر یکدم بدل جانا بھی ایک مصیبت بنا ہوا ہے، لوگ کتنی بھی احتیاط کریں چند یونٹ اوپر ہو ہی جاتے ہیں، اس کا جامع حل نکالنا ہوگا، میں ایکسپرٹ نہیں ہوں لیکن میری رائے میں 200 سے 300 کی سلیب میں آتے آتے کم ازکم تین یا چار مراحل ہونے چاہییں، معاشی حالت ذرا اور سدھر جائے تو بجلی کا کم از کم ریٹ 300 یونٹ پر بھی مقرر کیا جا سکتا ہے۔انہوں نے کہا کہ معیاری سولر پینلز کی پاکستان میں مینو فیکچرنگ اور عام آدمی کو اس ضمن میں بلا سود قرضوں کی فراہمی بھی ایک اور راستہ ہے تاکہ لوگ مہنگی بجلی کے عتاب سے بچ سکیں، بجلی چوروں اور پاور سپلائی کمپنیوں میں ان کے سہولت کار سرکاری اہلکاروں پر بے رحمانہ کریک ڈاؤن ہونا چاہیئے، پاور سپلائی کمپنیوں کی نجکاری بھی کرپٹ مافیا سے جان چھڑانے کا موزوں راستہ ہے جس پر وفاقی حکومت نہایت سنجیدگی سے پیش قدمی کر رہی ہے۔
تونسہ: پولیس سے مقابلے میں 4 دہشت گرد ہلاک