پنجاب میں شدید گرمی کی لہر؛ درجہ حرارت 45 ڈگری تک جانے کا امکان
اشاعت کی تاریخ: 24th, April 2025 GMT
لاہور:
پنجاب میں شدید گرمی کی لہر جاری ہے جب کہ درجہ حرارت 45 ڈگری تک جانے کا امکان ہے۔
محکمہ موسمیات کے مطابق صوبائی دارالحکومت لاہور سمیت پنجاب بھر شدید گرمی کے نرغے میں ہے اور خشک موسم کے باعث گرمی کی شدت میں بتدریج اضافہ ہورہا ہے۔
گرمی کی شدت بڑھنے سے گھروں دفاتر میں اے سیز کا استعمال بڑھ گیا ہے ۔ لاہور میں کم سے کم درجہ حرارت 23ڈگری ریکارڈ کیا گیا جب کہ زیادہ سے زیادہ 40 ڈگری تک جانے کے امکانات ہیں۔
ماہرین کا کہنا ہے کہ آئندہ دو تین روز تک بارش کا امکان نہیں ، موسم خشک رہے گا اور گرمی مزید بڑھے گی۔
دوسری جانب ترجمان پی ڈی ایم اے کے مطابق پنجاب میں آج بھی ہیٹ ویو اور گرمی کی لہر برقرار رہے گی۔ اپریل کے اختتام تک درجہ حرارت 45 ڈگری تک جانے کا خدشہ ہے۔
انہوں نے کہا کہ جنوبی پنجاب کے اضلاع بہاولپور ،رحیم یار خان ،ڈیرہ غازی خان اور ملتان میں ہیٹ ویو کی لہر شدید ہو سکتی ہے ۔گزشتہ روز بہاولنگر 44ڈگری رحیم یار خان بھکر 42 جبکہ کوٹ ادو اور میں 41 ڈگری درجہ حرارت ریکارڈ کیا گیا ۔
ترجمان کے مطابق لاہور سمیت میدانی علاقوں میں تقریباً 40 ڈگری تک درجہ حرارت ریکارڈ کیا گیا ہے۔ ٹوبہ ٹیک سنگھ، سرگودھا، ساہیوال، اوکاڑہ، ملتان، منڈی بہا الدین، خانیوال، قصور، لیہ،جھنگ، حافظ آباد اور فیصل آباد میں 40 ڈگری تک درجہ حرارت ریکارڈ کیا گیا ۔
انہوں نے کہا کہ وزیر اعلیٰ پنجاب کی ہدایات کے پیش نظر متعلقہ ادارے الرٹ ہیں۔ چولستان کے اضلاع میں صاف پانی کی فراہمی کو یقینی بنایا جا رہا ہے ۔ تمام اسپتالوں میں ہیٹ ویو کاؤنٹرز قائم ہیں ۔
پی ڈی ایم اے پنجاب نے ہیٹ اسٹروک سے بچاؤ کے لیے متعلقہ ادویات کی فراہمی یقینی بنانے کی ہدایت کی ہے اور میڈیا کے ذریعے شہریوں کو ہیٹ ویو کے خطرات سے آگاہ کیا جا رہا ہے۔
.ذریعہ: Express News
کلیدی لفظ: ریکارڈ کیا گیا ڈگری تک جانے گرمی کی ہیٹ ویو کی لہر
پڑھیں:
پنجاب میں رہنے والے خبردار؛ محکمہ موسمیات نے الرٹ جاری کردیا
لاہور:پنجاب میں رہنے والوں کے لیے محکمہ موسمیات کی جانب سے الرٹ جاری کیا گیا ہے۔
صوبائی دارالحکومت سمیت پنجاب کے بیشتر علاقے اس وقت شدید گرمی کی لپیٹ میں ہے، جہاں سورج سوا نیزے پر آ گیا ہے اور شہر کی سڑکیں بھی گویا کہ پگھلنے لگی ہوں۔
مسلسل خشک موسم اور سخت گرمی کے باعث شہری بے حال ہو چکے ہیں۔
محکمہ موسمیات کے مطابق لاہور میں کم سے کم درجہ حرارت 32 ڈگری سینٹی گریڈ جب کہ زیادہ سے زیادہ 46 ڈگری سینٹی گریڈ تک جانے کے امکانات ہیں۔ پنجاب ڈیزاسٹر مینجمنٹ اتھارٹی (پی ڈی ایم اے) نے بھی 13 جون تک ہیٹ ویو کے لیے الرٹ جاری کر رکھا ہے۔
ماہرین کا کہنا ہے کہ آئندہ 24 گھنٹے موسم خشک اور شدید گرم رہے گا۔ انہوں نے سخت گرمی سے بچنے کے لیے شہریوں کو بلاضرورت گھروں سے نہ نکلنے کا مشورہ دیا ہے اور اگر گھروں سے نکلنا ضروری ہو تو سر کو ڈھانپ کر رکھیں اور پانی کا استعمال زیادہ سے زیادہ کریں۔
گورو ارجن دیوجی کی رسومات میں آنے والے سکھ یاتریوں کو بھارت نے پاکستان آنے سے روک دیا