صباحت بخاری نے سلمان خان کے ساتھ کام نہ کرنے کی وجہ بتادی
اشاعت کی تاریخ: 26th, April 2025 GMT
ڈراما انڈسٹری میں اپنی اداکاری کا سکہ جمانے والی پاکستان کی نامور اداکارہ صباحت بخاری نے انکشاف کیا ہے کہ انہیں مقبول بھارتی ٹی وی شو ’بگ باس‘ جس کی میزبانی سلمان خان کرتے ہیں، میں شرکت کی پیشکش ہوئی تھی۔
حال ہی میں اداکارہ نے نجی چینل کے ایک پروگرام میں بطور مہمان شرکت کی۔
صباحت علی بخاری حال ہی میں ڈرامہ سیریل اقتدار میں ایک مثبت کردار نبھاتی دکھائی دیں، انہیں اس کردار کے لیے نا صرف پاکستان بلکہ بھارت سے بھی پذیرائی حاصل ہوئی۔
اسی حوالے دوران انٹرویو گفتگو کرتے ہوئے اداکارہ نے بتایا تو میزبان نے سوال کیا کہ کیا آپ کو کبھی بھارت سے کوئی پیشکش ہوئی؟
میزبان کے سوال کا جواب دیتے ہوئے انہوں نے کہا کہ آج کل پاکستانی ڈراموں کو بھارت میں بہت پسند کیا جاتا ہے اور وہاں سے پیغامات موصول ہوتے رہتے ہیں، جس میں مداحوں کی جانب سے اکثر بھارت آنے کی پیشکش کی جاتی ہے تاہم ماضی میں مجھے وہاں سے باقاعدہ کام کی پیشکش ہوئیں لیکن مجھے احساس ہوا کہ یہ صحیح نہیں ہے۔
صباحت بخاری نے بھارت میں کام کرنے کے حوالے سے حقیقت پسندانہ رویہ اختیار کرتے ہوئے کہا کہ کام کی پیشکش تو ہوئی لیکن جب حقیقت سے واقف ہوں تو پھر ایسی جگہ جا کر کام کرنے کا کیا فائدہ جہاں آخر میں بے عزتی ہی مقدر بنے، اسی لیے میں نے کبھی ان پیشکشوں کو سنجیدگی سے نہیں لیا۔
میزبان نے سوال کیا کہ اب تک کس کس کی پیشکش کو انکار کیا؟ جس پر انہوں نے کہا کہ ایسی بڑی پیشکش آج تک نہیں ہوئی اب حال ہی میں کہا گیا کہ بطور اداکارہ بھارت آئیں، تاہم ماضی میں بعض شوز کی آفر ہوئیں۔
اداکارہ کے جواب پر میزبان نے سوال کیا کہ کیا آپ کو بگ باس کی آفر ہوئی تھی؟ جس پر انہوں نے جواب دیا کہ یہ میرے لیے ممکن نہیں تھا جس پر میزبان نے سوال کیا کہ کیا آپ بگ باس میں 3 مہینے وہاں رہ لیتیں؟ جس پر انہوں نے کہا کہ اگر آپ عزت کے ساتھ بلا رہے ہیں اور عزت کے ساتھ رکھ رہے ہیں تو کیوں نہیں رہ سکتی، لیکن ماضی کی مثالوں کو دیکھتے ہوئے میں نے عزت سے منع کردیا۔
Post Views: 1.ذریعہ: Daily Mumtaz
کلیدی لفظ: میزبان نے سوال کیا کہ انہوں نے کی پیشکش کہا کہ
پڑھیں:
بگ باس: ساتھی خاتون کی تضحیک کرنے پر سلمان خان کی طرف سے امیدواروں کی سخت سرزنش
ریئلٹی شو بگ باس 19 اس وقت ناظرین کی بھرپور توجہ حاصل کیے ہوئے ہے۔
اس بھارتی شو میں ہر ہفتے نئے تنازعات سامنے آ رہے ہیں، اور اس ہفتے امیدوار تنیا متل اور نیلم گیری شدید تنقید کی زد میں آئیں جب انہوں نے ساتھی امیدوار اشنور کور کے بارے میں جسمانی تضحیک پر مبنی تبصرے کیے۔
یہ بھی پڑھیے: بگ باس 19 کی میزبانی کے لیے سلمان خان کتنے سو کروڑ لے رہے ہیں؟ حیران کن انکشاف
سوشل میڈیا پر ان کے بیانات پر سخت ردِعمل دیکھنے میں آیا، جس کے بعد شو کے میزبان سلمان خان نے خود اس معاملے پر مداخلت کی۔
ویک اینڈ کا وار کے تازہ قسط میں سلمان خان نے دونوں خواتین امیدواروں کی سرزنش کی اور واضح الفاظ میں کہا کہ کسی کو بھی دوسرے شخص کی ظاہری شکل یا جسمانی خدوخال پر تبصرہ کرنے کا حق نہیں۔ انہوں نے کہا کہ بگ باس کے گھر میں تمام امیدواروں کو ایک دوسرے کے ساتھ عزت اور احترام سے پیش آنا چاہیے۔
سلمان خان نے گفتگو کے دوران تنیا اور نیلم سے پوچھا، تنیا اور نیلم، آپ بتائیے کیا رائے ہے آپ کی اشنور کے بارے میں؟
اس پر نیلم نے مختصر جواب دیا، اچھی لگ رہی ہے۔
جبکہ تنیا نے کہا، بلکل پرنسس جیسی لگ رہی ہے۔
یہ بھی پڑھیے: رئیلٹی شو ’بگ باس‘ کا سیٹ سیل، مستقبل خطرے میں
سلمان خان نے اس موقع پر دونوں کو احساس دلایا کہ ایسے تبصرے چاہے مزاح کے طور پر کیوں نہ کیے جائیں، کسی کے لیے تکلیف دہ ثابت ہو سکتے ہیں۔ انہوں نے تنبیہ کی کہ شو میں ہر شخص کا احترام لازم ہے، اور کسی کی ظاہری شکل پر بات کرنا نامناسب ہے۔
ناظرین نے سلمان خان کے اس رویے کو خوب سراہا اور سوشل میڈیا پر اشنور کور کے حق میں یکجہتی کا اظہار کیا۔ بہت سے صارفین نے کہا کہ سلمان خان نے ایک بار پھر ثابت کیا ہے کہ وہ صرف شو کے میزبان نہیں بلکہ اصولوں پر قائم رہنے والے رہنما بھی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بگ باس سلمان خان
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی