روبینہ خالد کی کوئٹہ دھماکے کی مذمت، شہداء کو خراجِ عقیدت اور اہلخانہ سے اظہارِ یکجہتی
اشاعت کی تاریخ: 26th, April 2025 GMT
کوئٹہ(نیوز ڈیسک) چیئرپرسن بے نظیر انکم سپورٹ پروگرام (بی آئی ایس پی) اور سینیٹر پاکستان پیپلز پارٹی روبینہ خالد نے کوئٹہ میں ہونے والے دہشتگردانہ بم دھماکے کی شدید الفاظ میں مذمت کی ہے۔ اس افسوسناک واقعے میں چار سیکیورٹی اہلکار شہید ہوئے۔
سینیٹر روبینہ خالد نے دھماکے میں شہید ہونے والے جوانوں کے اہل خانہ سے دلی تعزیت اور یکجہتی کا اظہار کرتے ہوئے کہا کہ قوم سیکیورٹی فورسز کے شہید جوانوں کی قربانیوں کو کبھی فراموش نہیں کرے گی۔ انہوں نے کہا کہ ان شہداء نے ملک کے امن اور تحفظ کے لیے اپنی جانوں کا نذرانہ پیش کیا، جو قابلِ فخر اور لائقِ تحسین ہے۔
اپنے بیان میں سینیٹر روبینہ خالد نے کہا کہ دہشتگردوں کی بزدلانہ کارروائیاں نہ پہلے قوم کے حوصلے پست کر سکیں، نہ آئندہ کر سکیں گی۔ انہوں نے واضح کیا کہ پوری قوم اس جنگ میں اپنی سیکیورٹی فورسز اور اداروں کے ساتھ کندھے سے کندھا ملا کر کھڑی ہے۔
سینیٹر کا کہنا تھا کہ دہشتگردوں سے ہمارے شہداء کے خون کے ایک ایک قطرے کا حساب لیا جائے گا، اور ملک میں امن و امان قائم رکھنے کے لیے ریاست تمام ممکنہ اقدامات کرے گی۔
یہ بیان ایک ایسے وقت میں سامنے آیا ہے جب ملک میں سیکیورٹی کی صورتحال ایک بار پھر توجہ کا مرکز بنی ہوئی ہے، اور قومی یکجہتی و عزم کی ضرورت مزید بڑھ گئی ہے۔
Post Views: 1.ذریعہ: Daily Mumtaz
کلیدی لفظ: روبینہ خالد
پڑھیں:
تربت: وزیر داخلہ محسن نقوی کی شہید کیپٹن وقار اور جوانوں کی نمازجنازہ میں شرکت
تربت(ویب ڈیسک) وفاقی وزیرداخلہ محسن نقوی تربت میں فرنٹیئر کور ساؤتھ کے ہیڈ کوارٹر پہنچے اور شہید جوانوں کی نماز جنازہ میں شرکت کی۔
وزیرداخلہ محسن نقوی اور آئی جی ایف سی ساؤتھ میجر جنرل بلال سرفراز خان نے ضلع کیچ میں شہید کیپٹن وقار احمد اور 4 جوانوں کی نماز جنازہ میں شرکت کی، نماز جنازہ میں اعلیٰ عسکری و سول حکام بھی شریک ہوئے، انہوں نے جام شہادت نوش کرنے والے کیپٹن وقار، نائیک عصمت اللہ، لانس نائیک جنید احمد و خان محمد اور سپاہی محمد ظہور کو خراج عقیدت پیش کیا۔
محسن نقوی اور آئی جی ایف سی ساؤتھ میجر جنرل بلال سرفراز نے شہداء کے بلندی درجات کیلئے دعا کی اور شہداء کے جسد خاکی کو کندھا دیا۔
وفاقی وزیر محسن نقوی کا کہنا تھا کہ کیپٹن وقار احمد اور جوانوں نے فرض کی راہ میں قیمتی جانیں نچھاور کر کے اعلیٰ مثال قائم کی، قوم شہداء کی لازوال قربانیوں کا قرض نہیں اتار سکتی، شہداء کی عظیم قربانیاں رائیگاں نہیں جائیں گی، شہداء اور ان کے عظیم خاندانوں کو سلام پیش کرتے ہیں۔
انہوں نے کہا کہ شہداء کے خاندان ہمارے اپنے خاندان ہیں، قوم ہمیشہ ان کی مقروض رہے گی۔
اس موقع پر آئی جی ایف سی ساؤتھ میجر جنرل بلال سرفراز خان کا کہنا تھا کہ سکیورٹی فورسز کی قربانیاں دہشت گردی کے خلاف ہمارے غیر متزلزل عزم کا ثبوت ہیں۔
Post Views: 3
شاہین آفریدی نے کس کھلاڑی کو مشکل ترین قرار دیا؟