مسقط، ایران اور امریکہ مذاکرات کا تیسرا دور اختتام پذیر، مشاورت جاری رکھنے پر اتفاق
اشاعت کی تاریخ: 26th, April 2025 GMT
پچھلے دو ادوار کی طرح، ایرانی وزیر خارجہ عباس عراقچی اور امریکی صدر ڈونلڈ ٹرمپ کے ایلچی اسٹیو وٹکوف نے ان مذاکرات کی قیادت کی۔ اس قبل ہفتہ کے روز ایرانی اور امریکی ماہرین کے درمیان تکنیکی سطح کے مذاکرات بھی مسقط میں ہوئے۔ ان مذاکرات کا بنیادی مقصد ایران کے شہری نیوکلیئر پروگرام پر ممکنہ معاہدے کے لیے ایک فریم ورک قائم کرنا تھا۔ اسلام ٹائمز۔ ایران اور امریکہ کے درمیان بالواسطہ مذاکرات کا تیسرا دو مسقط میں اختتام پذیر ہوا، جہاں فریقین نے مشاورت جاری رکھنے پر اتفاق کیا۔ رپورٹ کے مطابق یہ مذاکرات ہفتہ کے روز شروع ہوئے اور ان کی میزبانی عمان کے وزیر خارجہ بدر بن حاماد البوسعدی نے کی۔ پچھلے دو ادوار کی طرح، ایرانی وزیر خارجہ عباس عراقچی اور امریکی صدر ڈونلڈ ٹرمپ کے ایلچی اسٹیو وٹکوف نے ان مذاکرات کی قیادت کی۔ اس قبل ہفتہ کے روز ایرانی اور امریکی ماہرین کے درمیان تکنیکی سطح کے مذاکرات بھی مسقط میں ہوئے۔ ان مذاکرات کا بنیادی مقصد ایران کے شہری نیوکلیئر پروگرام پر ممکنہ معاہدے کے لیے ایک فریم ورک قائم کرنا تھا۔ امریکی محکمہ خارجہ کے پالیسی پلاننگ کے سربراہ مائیکل اینٹن نے واشنگٹن کے ماہرین کی ٹیم کی قیادت کی، جبکہ ایرانی وفد کی قیادت نائب وزرائے خارجہ کاظم غریب آبادی اور مجید تخت روانچی نے کی۔ ان ماہرین کی سطح کے مذاکرات میں دونوں فریقوں کی توقعات اور مطالبات کی تفصیلات پر بات چیت ہوئی۔ دونوں وفود مشاورت کے اگلے مراحل کے لیے اپنے اپنے دارالحکومتوں کو واپس جائیں گے۔
مذاکرات کا اگلا دور اگلے ہفتے کو ہو گا، عمانی وزیر خارجہ
اپنے سوشل میڈیا پلیٹ فارم "ایکس" پر ایک پوسٹ میں عمان کے وزیر خارجہ نے کہا کہ آج ایران اور امریکہ کے درمیان ہونے والے مذاکرات میں ایک مشترکہ خواہش کی نشاندہی ہوئی کہ ایک ایسا معاہدہ طے پائے جو باہمی احترام اور دیرپا وعدوں پر مبنی ہو۔ بوسعدی نے لکھا کہ مذاکرات کے دوران بنیادی اصولوں، مقاصد اور تکنیکی امور پر تبادلہ خیال کیا گیا۔ انہوں نے بتایا کہ دونوں فریقین نے "ایک اعلیٰ سطح کی مزید ملاقات" کے لیے مذاکرات جاری رکھنے پر اتفاق کیا ہے، جو عارضی طور پر 3 مئی کو طے کی گئی ہے۔
ایران پرامن نیوکلیئر حق پر قائم ہے، وزارت خارجہ کے ترجمان
ایرانی وزارت خارجہ کے ترجمان اسماعیل بقائی نے امریکہ کے ساتھ بالواسطہ مذاکرات کے دوران ایران کے پرامن جوہری توانائی کے جائز حق پر زور دیا۔ ہفتہ کے روز اپنی "ایکس" پوسٹ میں بقائی نے کہا کہ ایران امریکہ مذاکرات ایک "سنجیدہ" ماحول میں جاری ہیں۔ انہوں نے بتایا کہ دونوں فریقین نے مؤثر طریقے سے پابندیاں ختم کرنے، ایران کے نیوکلیئر پروگرام کی پرامن نوعیت پر اعتماد سازی، اور شہری نیوکلیئر توانائی کے حق کے تحفظ پر خیالات کا تبادلہ کیا، جس میں عمان نے سہولت کاری کا کردار ادا کیا۔ بقائی نے بعض مغربی میڈیا کی رپورٹس کو مسترد کرتے ہوئے کہا کہ ایران کی دفاعی اور میزائل صلاحیتوں پر کوئی بات نہیں ہوئی اور نہ ہی مستقبل میں یہ کسی بھی مذاکرات کا موضوع بنے گی۔ ایران اور امریکہ کے درمیان اس سے قبل دو دور مسقط اور روم میں 12 اپریل اور 19 اپریل کو منعقد ہوئے تھے، جن کا مقصد بھی تہران کے نیوکلیئر پروگرام پر مشترکہ مؤقف تک پہنچنا تھا۔
ذریعہ: Islam Times
کلیدی لفظ: ایران اور امریکہ ہفتہ کے روز اور امریکی ان مذاکرات مذاکرات کا امریکہ کے کے درمیان کی قیادت ایران کے کے لیے
پڑھیں:
وزیر تجارت جام کمال خان کی ایرانی اول نائب صدر سے ملاقات، پاک ایران تجارتی تعلقات کے فروغ پر تبادلہ خیال
اسلام آباد (اُردو پوائنٹ اخبارتازہ ترین - این این آئی۔ 17 ستمبر2025ء)وفاقی وزیرِ تجارت جام کمال خان نے ایران کے اول نائب صدر محمد رضا عارف سے ملاقات کی۔ وزارت تجارت کے مطابق گزشتہ روز تہران میں ہونے والی ملاقات میں پاک ایران معاشی و تجارتی تعلقات کے فروغ کے مختلف پہلوؤں پر تفصیلی تبادلہ خیال کیا۔(جاری ہے)
دونوں رہنماؤں نے تجارت میں موجود رکاوٹوں کے خاتمے، برآمدات و درآمدات کے امکانات میں اضافہ، کمپلائنس، ثقافتی تبادلے اور دیگر شعبوں میں تعاون بڑھانے پر اتفاق کیا۔
اس موقع پر دونوں ممالک کے اعلیٰ سطحی وفود بھی موجود تھے جنہوں نے مختلف شعبوں میں دو طرفہ تعاون بڑھانے پر مشاورت کی۔یہ ملاقات اسلام آباد اور تہران کی جانب سے معاشی اور تجارتی تعلقات کو مزید گہرا کرنے کی جاری کوششوں کا مظہر قرار دی جا رہی ہے۔
سونے کی قیمت نئی بلند ترین سطح پر پہنچ گئی