وینکوور ہجوم پر گاڑی چڑ ھا دینے کا واقعہ، متعدد افراد ہلاک اور زخمی
اشاعت کی تاریخ: 27th, April 2025 GMT
اسلام آباد (اُردو پوائنٹ ۔ DW اردو۔ 27 اپریل 2025ء) کینیڈا کے شہر وینکوور میں فلپائنی اسٹریٹ فیسٹیول میں شریک عوام پر گاڑی چڑھا دینے کے نتیجے میں متعدد افراد ہلاک اور زخمی ہو گئے ہیں۔
وینکوور کی پولیس نے سوشل میڈیا پلیٹ فارم ایکس پر پوسٹ کیے گئے ایک بیان میں کہا کہ ڈرائیور کو حراست میں لے لیا گیا ہے۔
بیان کے مطابق یہ واقعہ مقامی وقت کے مطابق جمعے کی رات آٹھ بجے کے فوراً بعد ''ایسٹ 41 ایونیو اور فریزر اسٹریٹ‘‘ پر پیش آیا جہاں فلپائنی فیسٹیول ''لاپو لاپو ڈے بلاک پارٹی‘‘ ہو رہی تھی۔
منہائم: لوگوں پر کار چڑھ دوڑنے سے ایک شخص ہلاک، متعدد زخمی
کینیڈا کے وزیر اعظم مارک کارنی نے سوشل میڈیا پلیٹ فارم ایکس پر لکھا، ''آج شام وینکوور میں منعقدہ لاپو لاپو میلے میں ہونے والے ہولناک واقعات کے بارے میں سن کر میں بہت افسردہ ہوں۔
(جاری ہے)
‘‘
انہوں نے دلی صدمے کا اظہار کرتے ہوئے متاثرین سے کہا، ''ہم سب آپ کے سوگ میں برابر کے شریک ہیں۔
‘‘جرمن شہر میونخ میں مشتبہ کار ’حملہ‘، درجنوں افراد زخمی
وینکوور کے میئر کین سم اور برٹش کولمبیا کے پریمیئر ڈیوڈ ایبی نے بھی ایکس پر اسی طرح کے جذبات کا اظہار کیا ہے۔
ایک عینی شاہد نے سی ٹی وی نیوز کو بتایا کہ اس نے گاڑی کے ہجوم پر چڑھائی سے ذرا دیر پہلے ایک کالے رنگ کی گاڑی کو اس فیسٹیول کے علاقے میں دوڑتے دیکھا تھا۔
جرمنی میں کرسمس مارکیٹ پر حملے میں دو افراد ہلاک، ساٹھ زخمی
وینکوور سن میڈیا نیٹ ورک کے مطابق اس فلپائنی فیسٹیول کے علاقے میں ہزاروں افراد موجود تھے۔
ایک فوڈ ٹرک کے شریک مالک یوزیب وردے نے پوسٹ میڈیا کو انٹرویو دیتے ہوئے کہا، ''میں ڈرائیور کو نہیں دیکھ پایا۔ میں نے اپنے فوڈ ٹرک سے باہر نکل کر سڑک کی طرف دیکھا، ہر طرف لوگ پڑے تھے۔‘‘ وردے نے بوجھل آواز میں کہا، ''وہ پورے بلاک سے گزرا اور اُس نے سیدھے لوگوں پر گاڑی چڑھا دی۔‘‘
ادارت: افسر اعوان
.
ذریعہ
ذریعہ: UrduPoint
کلیدی لفظ: تلاش کیجئے
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ