کینیڈا: تہوار کے دوران ایک شخص نے ہجوم پر گاڑی چڑھادی، متعدد افراد ہلاک
اشاعت کی تاریخ: 27th, April 2025 GMT
کینیڈا میں اسٹریٹ فیسٹیول کے دوران ایک ڈرائیور نے ہجوم پر گاڑی چڑھادی جس کے نتیجے میں متعدد افراد ہلاک ہو گئے۔
غیر ملکی خبر رساں ادارے کی رپورٹ کے مطابق مقامی پولیس نے بتایا کہ کینیڈا کے شہر وینکوور میں اسٹریٹ فیسٹیول کے دوران ایک ڈرائیور نے ہجوم پر گاڑی چڑھادی جس کے نتیجے میں متعدد افراد ہلاک ہو گئے۔
وینکوور پولیس نے سماجئ رابطے کی ویب سائٹ ایکس پر جاری بیان میں کہا کہ حادثے میں کئی لوگ ہلاک اور متعدد افراد زخمی ہوئے ہیں، ڈرائیور زیر حراست ہے۔
شہر کے میئر نے ایکس پر جاری پوسٹ میں کہا کہ یہ واقعہ ایسے وقت پیش آیا جب کہ فلپائنی کمیونٹی کے لوگ لاپو لاپو ڈے منانے کے لیے جمع تھے
یہ تہوار 16ویں صدی کے فلپائن کے نوآبادیاتی مخالف رہنما کی یاد میں منایا جاتا ہے، رواں برس یہ تہوار کینیڈا کے انتخابات سے پہلے ویک اینڈ پر منایا جا رہا ہے۔
کینیڈین براڈکاسٹر سی بی سی کی طرف سے نشر تصاویر میں جائے وقوع پر ریسکیو عملے کے ساتھ بڑی تعداد میں ہجوم کو دکھایا گیا۔
.
ذریعہ: Express News
کلیدی لفظ: متعدد افراد
پڑھیں:
اسلام آباد؛ برساتی نالے میں باپ بیٹی کے بہنے کا واقعہ، لڑکی کی تلاش تاحال جاری
اسلام آباد کی نجی ہاؤسنگ سوسائٹی فیز 5 میں منگل کے روز بارش کے دوران برساتی نالے میں باپ بیٹی گاڑی سمیت بہہ گئے تھے تاہم ریسکیو کو گزشتہ روز ریٹائرڈ کرنل کی لاش مل گئی تھی لیکن بیٹی کی تلاش تاحال جاری ہے۔
ریسکیو 1122 کا سرچ آپریشن آج چوتھے دن بھی جاری ہے، گزشتہ اندھیرے کے باعث آپریشن روک دیا گیا تھا۔
شدید بارش کے باعث پاک فوج کے ریٹائرڈ کرنل اسحاق اپنی بیٹی کے ہمراہ گھر سے نکلے ہی تھے کہ ان کی گاڑی خراب ہوگئی اور اسی دوران پانی کا ریلا آ گیا جس میں دونوں باپ بیٹی گاڑی سمیت بہہ گئے۔
گاڑی میں موجود باپ بیٹی اس دوران ہاتھ ہلا کر مدد کے لیے پکارتے رہے مگر پانی کا ریلا انہیں اپنے ساتھ بہا کر لے گیا جہنیں تلاش کرنے کے لیے فوری طور پر ریسکیو شروع کیا گیا۔
منگل کی صبح سے بدھ کی رات گئے تک جاری رہنے والا آپریشن نتیجہ خیز ثابت نہ ہو سکا تھا جس پر جمعرات کی صبح دوبارہ آپریشن شروع کیا گیا۔ رییسکیو 1122 کو سواں پل کے نیچے سے گاڑی کا دروازہ اور بونٹ ملا، گاڑی کو تلاش کرنے کے لیے کئی مقامات پر کھدائی کی گئی۔
بعد ازاں، ریسکیو 1122 نے بتایا کہ سرچ آپریشن کے دوران کرنل (ر) قاضی اسحاق کی لاش نجی ہاؤسنگ سوسائٹیز کے سیکٹر 4 و فیز 7 کو ملانے والے پل کے نیچے سے مل گئی۔
حمیرا اصغر کیس: کیمیکل، پوسٹ مارٹم رپورٹ میں کافی چیزیں واضح ہوجائیں گی، ڈی آئی جی ساؤتھ