اگرکسی نے اسٹیٹ پالیسی کے خلاف سوچا تو اس کو عبرت کا نشان بنادیں گے، حافظ نعیم الرحمان
اشاعت کی تاریخ: 28th, April 2025 GMT
لاہور:
جماعت اسلامی پاکستان کے امیر حافظ نعیم الرحمان نے اسرائیل، بھارت اور امریکا کے خلاف متحد ہونے پر زور دیتے ہوئے کہا ہے کہ فلسطین کے حوالے سے اگر کسی نے اسٹیٹ پالیسی کے خلاف سوچا تو اس کو عبرت کا نشان بنا دیں گے۔
لاہور میں جمعیت علمائے اسلام کی قومی کانفرنس یکجہتی فلسطین سے خطاب کرتے ہوئے امیر جماعت اسلامی حافظ نعیم الرحمان نے کہا کہ ہم اسرائیل اور اس کے سرپرست امریکا کو بھی دہشت گرد سمجھتے ہیں، جہاں جہاں قتل عام ہوتا ہے وہاں امریکا ہے۔
انہوں نے کہا کہ فلسطینوں کی نسلیں اپنی جانیں نچھاور کررہے ہیں اور دنیا سے فریاد کررہے ہیں کہ کوئی ان کی مدد کےلیے جائیں، کیا مسلمانوں کے پاس وسائل نہیں ہیں، ائیر فورس اور جہاز ہیں، بد قسمتی سے وسائل کی طاقت پیٹرول کی طاقت ہے، وہ ساری کی ساری امریکا سے ڈرتے اور خوف کھاتے ہیں۔
ان کا کہنا تھا کہ یہ ملک کلمہ کی بنیاد پر لیا گیا، یہ میوزیکل چیئر ہے وہ امریکا سے خوف کھاتے ہیں، یہ فوج مسلمانوں، کشمیریوں کے لیے لڑے، موقع ہے اس وقت پوری قوم کو اکٹھا کرتے ہیں، غزہ نے پوری دنیا کو جگا دیا ہے۔
امیر جماعت اسلامی نے کہا کہ ہمارے قبلہ اول میں ہر سال سیکڑوں لوگوں کو شہید کیا جاتا ہے، افسوس ناک بات یہ ہے کہ ایک معاہدہ ہونے جا رہا تھا، پاکستان پر بھی دباؤ ڈالا جا رہا تھا، ایسا لگ رہا تھا کہ آنے والی حکومت اسرائیل کی ہوگی لیکن سلام پیش کرتے ہیں غزہ کے مجاہدین کو جنہوں نے وہ آپریشن کیا جو دنیا نے دیکھا۔
انہوں نے کہا کہ بچوں کو نشانہ بنا کر مارا جا رہا ہے، وہ گریٹر اسرائیل بنانا چاہتا ہے۔
ان کا کہنا تھا کہ پاکستان کا ایک لیڈنگ رول ہے، جس مینار کے نیچے ہم 1940 میں ایک قرار داد منظور ہوئی تھی، دوسری قرارداد فلسطین کی منظور ہوئی تھی، قرارداد میں کہا گیا تھا کہ اسرائیل ناجائز اولاد ہے۔
حافظ نعیم الرحمان نے کہا کہ اگر کسی نے اسٹیٹ پالیسی کے خلاف سوچا تو اس کو عبرت کا نشان بنا دیں گے، اس کو قبول کرنے کا سوچنا بھی نہیں ہے، مفتی نے فتویٰ دیا یہ ریاست کےلیے ہے، ہم اللہ کی راہ میں ان کے لیے آواز اٹھا سکتے ہیں، حکمرانوں کا محاسبہ کرسکتے ہیں، ہم جہاد کر سکتے ہیں۔
امیر جماعت نے کہا کہ آج بھارت نے ہمیں للکارا ہے، چند لوگ اسرائیل سے بھارت پہنچے ہیں یہ سب ایک ہیں، ان کا سربرا امریکا ہے، امریکا، بھارت اور اسرائیل ایک ہیں، خود امریکا اور یورپ میں لوگ اٹھ کھڑے ہوئے ہیں اور یہ سب بے نقاب ہوگئے ہیں۔
ان کا کہنا تھا کہ کشمیر اور فلسطین کی آزادی کےلیے مل کر جدوجہد کرنا ہوگی، ہمارے آپس کے اختلافات بہت ہیں لیکن ملکی سلامتی کےلیے ہم سب ایک ہیں، کل کی ہڑتال پورے ملک میں ہوئی۔
امیر جماعت اسلامی نے کہا کہ بلوچوں کے سر پر ہاتھ رکھے، پنجاب، بلوچستان، سندھ اور خیبرپختونخوا (کے پی) سب ہڑتال میں ساتھ تھے، سب اپنا کام کریں گے تو کامیابی حاصل ہوگی۔
.ذریعہ: Express News
کلیدی لفظ: حافظ نعیم الرحمان جماعت اسلامی نے کہا کہ کے خلاف تھا کہ
پڑھیں:
اہل غزہ سے اظہار یکجہتی: جماعت اسلامی کی اپیل پر ملک بھر میں شٹر ڈاؤن ہڑتال
جماعت اسلامی پاکستان کے امیر حافظ نعیم الرحمان کی اپیل پر آج 26 اپریل کو پاکستان بھر میں اہل غزہ سے اظہار یکجہتی کے شٹرڈاؤن ہڑتال کی جا رہی ہے۔
یہ بھی پڑھیں:اسرائیل کی اصولی مخالفت پر قائداعظم کی مہر بھی ثبت ہے، امیر جماعت اسلامی حافظ نعیم الرحمان
میڈیا رپورٹس کے مطابق جماعت اسلامی کی اپیل کی جانے والی ہڑتال کی اپیل کے نتیجے میں کراچی تا پشاور تمام چھوٹے بڑے کاروباری مراکز بند اور سڑکوں پر ٹریفک نہ ہونے کے برابر ہے جب کہ پاکستان بھر کے مختلف شہروں میں احتجاج بھی کیا جا رہا ہے۔
جماعت اسلامی کے علاوہ فلسطین بالخصوص اہل غزہ سے اظہار یکجہتی کے لیے مختلف تاجر تنظیموں کے علاوہ ڈرگسٹ اینڈ کیمسٹ ایسوسی ایشن نے بھی ہڑتال کی کال دے رکھی ہے۔
میڈیا رپورٹ کے مطابق کراچی، حیدرآباد، سکھر، لاہور، ملتان، راولپنڈی، ملکہ کوہشار مری، پشاور اور کوئٹہ سمیت ملک کے تقریباً تمام چھوٹے بڑے شہروں میں کامیاب ہڑتال جاری ہے۔
امیر جماعت اسلامی حافظ نعیم الرحمان کا کہنا ہے کہ پاکستانی قوم فلسطینیوں کی نسل کشی برداشت نہیں کر سکتی، قوم فلسطینیوں سے اظہار محبت اور اسرائیل امریکا کی مذمت کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جماعت اسلامی شٹرڈاؤن ہڑتال غزہ فلسطین ہڑتال
ڈیرہ اسماعیل خان، ڈیرہ جات جیپ ریلی نادر مگسی نے جیت لی