بھارت کی بوکھلاہٹ: 35 سال سے زائد عرصے سے مقیم خاتون کو ملک چھوڑنے کا حکم
اشاعت کی تاریخ: 28th, April 2025 GMT
پہلگام فالس فلیگ آپریشن کے بعد بھارت بوکھلاہٹ کا شکار ہے اور اس نے 35 سال سے زائد عرصے سے مقیم پاکستانی خاتون ساردا بائی کو فوری طور پر ملک چھوڑنے کا حکم دے دیا۔
بھارتی میڈیا کی رپورٹ کے مطابق حکام نے تصدیق کی کہ ساردا بائی کا ویزا منسوخ کردیا گیا ہے اور انہیں بلا تاخیر پاکستان واپس جانے کی ہدایت کی گئی ہے۔
پولیس حکام نے کہا کہ اگر وہ ملک چھوڑنے کے نوٹس کی تعمیل کرنے میں ناکام رہتی ہیں تو ان کے خلاف قانونی کارروائی کی جائے گی۔
رپورٹ میں کہا گیا کہ ساردا بائی کے پاکستانی پاسپورٹ کے مطابق وہ 1970 میں پاکستان کے صوبہ سندھ کے شہر سکھر میں پیدا ہوئیں۔
بھارتی میڈیا کے مطابق ساردا بائی کی شادی بولانگیر کے ہندو خاندان میں ہوئی، ان کا بیٹا اور بیٹی بھارتی ہیں۔
ساردا بائی نے کہا کہ ووٹر آئی ڈی سمیت تمام اہم دستاویزات ہونے کے باوجود انہیں بھارتی شہریت نہیں دی گئی۔
ساردا بائی نے بھارتی میڈیا سے گفتگو میں کہا کہ میرا پاکستان میں کوئی نہیں ہے، میرا پاسپورٹ بہت پرانا ہے، میں حکومت اور آپ سب سے ہاتھ جوڑ کر کہتی ہوں کہ مجھے یہاں رہنے کی اجازت دیں۔
انہوں نے دہائی دی کہ میرے دو بڑے بچے ہیں اور پوتے پوتیاں ہیں، میں یہاں رہنا چاہتی ہوں۔
.ذریعہ: Express News
پڑھیں:
کچھ عرصے بعد افراط زر 5 تا 7 فیصد رہنے کی توقع ہے، گورنر اسٹیٹ بینک
کراچی:اسٹیٹ بینک آف پاکستان کے گورنر جمیل احمد نے عالمی مالیاتی و سرمایہ کاری اداروں جے پی مورگن، اسٹینڈرڈ چارٹرڈ، ڈوئچے، جیفریز اور بڑی کریڈٹ ریٹنگ ایجنسیوں کے سینئر عہدیداروں سے اعلیٰ سطح ملاقاتوں کے دوران پاکستان کی بہتری کی جانب گامزن معاشی استحکام اور مستقبل کے بارے میں اعتماد کا اظہار کیا۔
یہ ملاقاتیں واشنگٹن ڈی سی میں آئی ایم ایف، ورلڈ بینک اسپرنگ اجلاسوں کے موقع پر ہوئیں۔ گورنر جمیل احمد نے ایک بریفنگ کے دوران شرکاء کو پاکستان کی معیشت کو مستحکم کرنے میں حاصل ہونے والی نمایاں پیشرفت سے آگاہ کیا اور بتایا کہ دانشمندانہ مالیاتی پالیسی اور مسلسل مالیاتی استحکام کی کوششوں کے نتیجے میں ملک میں معاشی استحکام حاصل ہوا ہے۔
جمیل احمد نے بتایا کہ گزشتہ دو برس کے دوران مہنگائی کی شرح میں نمایاں کمی آئی ہے اور مارچ 2025ء میں یہ کم ہو کر 0.7 فیصد کی کئی دہائیوں کی کم ترین سطح پر آگئی ہے، اسی طرح بنیادی مہنگائی بھی 22 فیصد سے گھٹ کر سنگل ڈیجٹ میں آ گئی ہے اور توقع ہے کہ آنے والے مہینوں میں یہ مزید کم ہوگی۔
انہوں نے کہا کہ آگے چل کر افراط زر 5 سے 7 فیصد کے ہدفی دائرے میں مستحکم رہنے کی توقع ہے۔
بیرونی کھاتے کے حوالے سے گورنر نے بتایا کہ پاکستان کے زرمبادلہ کے ذخائر میں معیار اور مقدار دونوں لحاظ سے نمایاں بہتری آئی ہے، اسٹیٹ بینک کے زرمبادلہ کے ذخائر فروری 2023 میں کم ترین سطح پر آنے کے بعد تین گنا سے زیادہ بڑھ چکے ہیں جبکہ فارورڈ واجبات میں بھی نمایاں کمی واقع ہوئی ہے۔
انہوں نے واضح کیا کہ ذخائر میں موجودہ اضافہ کسی نئے بیرونی قرضے کے حصول کی وجہ سے نہیں بلکہ جاری کھاتے میں سرپلس کے نتیجے میں زرمبادلہ کی خریداری کے ذریعے ہوا ہے۔
مزید برآں، جون 2022 کے بعد سے پاکستان کے عوامی شعبے کے بیرونی قرضے، مقدار اور جی ڈی پی کے تناسب دونوں اعتبار سے، کم ہو گئے ہیں، یہ بہتری اسٹیٹ بینک کی اس پالیسی کا نتیجہ ہے جس کا مقصد معیشت کو بیرونی جھٹکوں سے بچانے کے لیے مضبوط بنیاد فراہم کرنا ہے۔
انہوں نے بتایا کہ اسٹیٹ بینک کا ہدف ہے کہ جون 2025ء تک زرمبادلہ کے ذخائر کو 14 ارب ڈالر تک لے جایا جائے۔ گورنر نے یہ بھی کہا کہ معاشی حالات کے مستحکم ہونے کے ساتھ پاکستان کی جی ڈی پی نمو بھی بتدریج بحال ہو رہی ہے اور مالی سال 2025 میں اس کے تقریباً 3 فیصد رہنے کی توقع ہے، معیشت میں ہونے والی بہتری کو بین الاقوامی کریڈٹ ریٹنگ ایجنسیوں نے بھی تسلیم کیا ہے۔
گورنر اسٹیٹ بینک نے بتایا کہ پالیسی سازوں کی توجہ معاشی استحکام کو برقرار رکھنے اور معیشت کے مختلف شعبوں میں ساختی اصلاحات متعارف کرانے پر مرکوز رہی ہے۔ جمیل احمد نے اعتماد کا اظہار کیا کہ اصلاحاتی ایجنڈے پر پیش رفت جاری رکھتے ہوئے پاکستان پائیدار اقتصادی ترقی اور عوام کی سماجی و اقتصادی بہتری کے اہداف حاصل کرنے میں کامیاب ہوگا۔
آخری سفر پر جانے سے پہلے جنید جمشید نے کیا کہا، اہلیہ نے پہلی مرتبہ بتادیا