کراچی: آن لائن ٹیکسی سروسز کےلیے ایک نظام اور ای وی ٹیکسی لانے کا فیصلہ
اشاعت کی تاریخ: 29th, April 2025 GMT
سینئر وزیر شرجیل میمن---فائل فوٹو
کراچی میں تمام آن لائن ٹیکسی سروسز کےلیے ایک ہی نظام اور ای وی ٹیکسی لانے کا فیصلہ کرلیا گیا۔
کراچی میں سینئر صوبائی وزیر شرجیل انعام میمن کی زیر صدارت محکمہ ٹرانسپورٹ کا اجلاس ہوا جس میں موٹر وہیکل انسپیکشن سینٹرز کے قیام اور کراچی میں قائم انسپیکشن سینٹرز کی کارکردگی کا جائزہ لیا گیا۔
اس دوران شرجیل میمن کا کہنا تھا کہ شہریوں کو معیاری، محفوظ اور ماحول دوست سفری سہولیات فراہم کرنا ترجیح ہے، ای وی ٹیکسی سروس کے آغاز سے شہر کا ٹیکسی نظام بہتر ہوگا۔
وزیرِ اطلاعات سندھ شرجیل انعام میمن نے کراچی ریڈ لائن بی آر ٹی میں حائل رکاوٹوں کو جلد از جلد ختم کرنے اور کام میں تیزی لانے کی ہدایت کر دی۔
انہوں نے کہا کہ ای وی ٹیکسی سے ماحولیاتی آلودگی میں بھی کمی آئے گی، کراچی میں ٹیکسی کے نظام کو جدید انداز میں ایک چھتری تلے لانے کے لیے کام کر رہے ہیں، کوشش ہے کہ مسافروں کو محفوظ، معیاری اور قانون کے مطابق سہولتیں دیں۔
صوبائی سینئر وزیر نے کہا کہ خواتین کو خود مختار بنانے کےلیے بھی اقدامات کر رہے ہیں، پہلے مرحلے میں ملازمت پیشہ خواتین اور طالبات کو ایک ہزار پنک اسکوٹیز مفت فراہم کی جائیں گی، اسکوٹیز کی فراہمی کےلیے تیز رفتار اقدامات جاری ہیں۔
پیپلز پارٹی رہنما نے خواہش کا اظہار کرتے ہوئے کہا کہ چاہتے ہیں کراچی میں چلنے والی روایتی بسیں دیگر اضلاع منتقل کی جائیں۔ شہر کا مکمل بس نظام ای وی بسز پر منتقل کرنا چاہتے ہیں۔
ان کا مزید کہنا تھا کہ شہریوں کےلیے ڈبل ڈیکر بسز رواں سال جون تک پہنچ جائیں گی، نئی بسوں کی ایک بڑی کھیپ جون کے آخر یا جولائی کے اوائل میں متوقع ہے۔
انہوں نے کہا کہ ای وی گاڑیوں کے چارجنگ پوائنٹس، پارکنگ اور دیگر سہولتوں کےلیے بھی کام جاری ہے، بجٹ میں نئی بسز کی خریداری کےلیے زیادہ سے زیادہ فنڈز رکھنے کی کوشش کی جائے گی۔
.ذریعہ: Jang News
پڑھیں:
پی ٹی آئی، متحدہ گٹھ جوڑ بے نقاب، غنڈہ گردی کی سیاست ناکام ہو چکی، شرجیل میمن
پی ٹی آئی، متحدہ گٹھ جوڑ بے نقاب، غنڈہ گردی کی سیاست ناکام ہو چکی، شرجیل میمن WhatsAppFacebookTwitter 0 13 June, 2025 سب نیوز
کراچی (آئی پی ایس )سندھ اسمبلی کے اجلاس کے بعد سینئر وزیر شرجیل انعام میمن اور وزیر برائے توانائی و منصوبہ بندی سید ناصر حسین شاہ نے میڈیا سے گفتگو کرتے ہوئے پی ٹی آئی اور متحدہ قومی موومنٹ (ایم کیو ایم) کے درمیان ابھرتے ہوئے اتحاد کو سخت تنقید کا نشانہ بنایا اور اسمبلی میں ہونے والے احتجاج کو ایک سوچی سمجھی سازش قرار دیا۔شرجیل میمن نے کہا کہ آج پی ٹی آئی اور متحدہ کا گٹھ جوڑ واضح طور پر سامنے آ چکا ہے۔ جو کل تک سیٹوں پر لڑ رہے تھے، آج اسمبلی میں ایک ساتھ کھڑے نظر آئے۔ یہ اتحاد ایک نیا پیغام ہے، لیکن عوام سب کچھ سمجھ چکے ہیں۔
سینئر وزیر شرجیل میمن نے کہا کہ ایم کیو ایم بلدیاتی انتخابات سے مسلسل راہِ فرار اختیار کرتی رہی ہے کیونکہ عوامی سطح پر انہیں کوئی پذیرائی حاصل نہیں۔ سندھ کے عوام نے ہمیشہ پیپلز پارٹی کو مینڈیٹ دیا، اور ہم نے کراچی سے بوری بند لاشوں، بھتہ خوری اور کھالوں کی سیاست کا خاتمہ کیا۔انہوں نے دعوی کیا کہ متحدہ نے ایران پر حملے کے بہانے ہنگامہ برپا کرنے کی کوشش کی لیکن وزیر اعلی نے اپنی تقریر کا آغاز ہی اس حملے کی مذمت سے کیا۔ یہ سب کچھ ایک ڈرامہ تھا جو بے نقاب ہو چکا ہے۔شرجیل میمن نے واضح کیا کہ پیپلز پارٹی ہمیشہ مثبت سیاست کی حامی رہی ہے لیکن جو لوگ غنڈہ گردی کی سیاست کرتے ہیں، ان کے لیے پیغام ہے کہ ہم نہ پہلے ان سے ڈرے، نہ آئندہ دبا میں آئیں گے۔
انہوں نے سوال اٹھایا کہ اگر ایم کیو ایم کو واقعی کراچی کے عوام کی فکر ہوتی تو وفاقی بجٹ میں کے فور اور حیدرآباد-سکھر موٹر وے جیسے منصوبوں پر احتجاج کرتی، لیکن وہاں یہ لوگ کٹھ پتلی بنے بیٹھے رہے۔انہوں نے بتایا کہ جام صادق پل آئندہ ماہ کے آغاز میں عوام کے لیے کھول دیا جائے گا۔ ہم نے کراچی کو ہمیشہ ترجیح دی ہے اور اسے کسی دوسرے شہر سے کمتر نہیں سمجھا۔سندھ کے وزیر برائے توانائی و منصوبہ بندی سید ناصر حسین شاہ نے کہا کہ آج کا احتجاج صرف اور صرف وزیر اعلی سندھ سید مراد علی شاہ کو نشانہ بنانے کے لیے کیا گیا۔ وزیر اعلی نے جس طرح بلاول بھٹو زرداری اور آصف علی زرداری کے ویژن کو عملی جامہ پہنایا، وہ اپوزیشن کی سیاست کے خاتمے کا باعث بن چکا ہے۔ سندھ کے صوبائی وزیر ناصر حسین شاہ نے بجٹ کو انتہائی شاندار قرار دیتے ہوئے کہا کہ کل اس پر تفصیلی بریفنگ دی جائے گی۔ انہوں نے کہا کہ سندھ اسمبلی ارکان کو سب سے کم اعزازیہ دیا جاتا ہے، جسے دیگر صوبوں کے برابر لایا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسرائیل کے ایران پر حملے جاری، تہران میں ایٹمی سائٹ کے قریب دھماکے اسرائیل کے ایران پر حملے جاری، تہران میں ایٹمی سائٹ کے قریب دھماکے قومی اسمبلی: وفاقی بجٹ پر گرما گرم بحث، اپوزیشن نے مسترد کر دیا اسرائیلی کمانڈوز نے ایرانی سرزمین سے بھی حملوں میں حصہ لیا، فوٹیج جاری اسرائیل ایران کی میزائل تیار کرنیکی صلاحیت کو تباہ کرنے جارہا ہے، ایران کا جواب سخت ہوسکتا ہے، نیتن یاہو اسرائیلی وزیراعظم ایرانی ردعمل سے خوف زدہ، یونان فرار ہو گئے خیبرپختونخوا کا 2 ہزار 119 ارب روپے کا بجٹ پیش، پنشن، تنخواہیں بڑھا دی گئیںCopyright © 2025, All Rights Reserved
رابطہ کریں ہمارے بارے ہماری ٹیم
ایک افریقی سیاسی راک اسٹار کی تقریر (حصہ دوم)