بھارت نے ہمارے پانی کے ساتھ چھیڑ چھاڑ کی تو اسے جنگ تصور کریں گے، اسحاق ڈار
اشاعت کی تاریخ: 29th, April 2025 GMT
نائب وزیراعظم و وزیر خارجہ اسحاق ڈار نے کہا ہے کہ بھارت نے ہمارے پانی کے ساتھ کوئی چھیڑ چھاڑ کی تو اسے جنگ تصور کریں گے، دوست ممالک کو بھی بتا دیا ہے کہ کسی بھی گڑ بڑ کی صورت میں بھارت کو منہ توڑ جواب دیا جائےگا۔
یہ بھی پڑھیں بھارت پاکستان میں ہونے والی دہشتگردی میں ملوث، فوجی ترجمان نے ثبوت پیش کردیے
سینیٹ میں اظہار خیال کرتے ہوئے انہوں نے کہاکہ پانی 25 کروڑ عوام کی زندگی کا مسئلہ ہے جس پر خاموش نہیں بیٹھیں گے۔
انہوں نے کہاکہ ہماری جانب سے پہل نہیں کی جائےگی، لیکن اب بھارت نے کچھ کیا تو منہ توڑ جواب دیں گے، ڈوزیئر تیار ہو رہا ہے جو دنیا کو پیش کیا جائےگا کہ بھارت کیسے پانی کو روک رہا ہے۔
اسحاق ڈار نے کہاکہ بھارت ہر واقعے کا ذمہ دار پاکستان کو ٹھہراتا ہے، اور پہلگام حملے کے بعد بھی ایسا ہی کیا گیا، حالانکہ ہمارا اس سے کوئی لینا دینا نہیں۔
نائب وزیراعظم نے کہاکہ قومی سلامتی کے مسئلے پر سب نے سیاست کو ایک طرف رکھا، جو خوش آئند ہے، ایوان بالا سے قرارداد کا متفقہ طور پر پاس ہونا یکجہتی کا ثبوت ہے۔
یہ بھی پڑھیں پہلگام واقعہ: پاکستان کے خلاف مہم جوئی سے انکار پر بھارتی فوج کے جنرل کی چھٹی
انہوں نے کہاکہ پاکستان حق خودارادیت کےحصول تک کشمیریوں کی حمایت جاری رکھےگا۔ ہم نے پہلگام واقعہ کی غیرجانبدارانہ تحقیقات میں مکمل تعاون کی پیشکش کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار پانی پہلگام واقعہ دوست ممالک سندھ طاس معاہدہ نائب وزیراعظم وی نیوز.ذریعہ: WE News
کلیدی لفظ: اسحاق ڈار پانی پہلگام واقعہ دوست ممالک سندھ طاس معاہدہ وی نیوز اسحاق ڈار نے کہاکہ
پڑھیں:
ریلوے میں خوشگوار تبدیلی دیکھنے کو ملی، پاک بزنس ایکسپریس کی افتتاحی تقریب سے وزیراعظم کا خطاب
تصویر سوشل میڈیا۔وزیراعظم شہباز شریف نے نے کہا ہے کہ ریلوے اسٹیشن آکر خوشی ہوئی، ایک خوشگوار تبدیلی دیکھنے کو ملی۔
وزیراعظم شہباز شریف نے پاک بزنس ایکسپریس کا افتتاح کردیا۔ اس موقع پر انھوں نے کہا کہ عام مسافروں کے لیے ٹرین کی تزین و آرائش بہتر انداز میں کی گئی، اشرافیہ نہیں عام آدمی کیلئے شاندار سفری سہولتیں فراہم کی گئی ہیں۔
وزیراعظم نے کہا کہ ٹکٹ کا پرانا نظام ختم کرکے جدید ڈیجیٹائز سسٹم متعارف کرایا گیا، صاحب حیثیت لوگوں کیلئے بزنس کلاس، برتھ، کچن اور ڈائننگ کی سہولتیں ہیں۔
انھوں نے کہا کہ یورپی ریلوے کی طرز پر پاکستان بزنس ایکسپریس کی تزین و آرائش کی گئی، پی ڈی ایم دور میں سعد رفیق نے ریلوے کو بہتر انداز میں چلانے کی کوشش کی۔
وزیراعظم نے کہا کہ سعد رفیق نے اراضی واگزار کرانے اور ریلوے اسٹیشنز بہتر بنانے پر کئی بار بریفنگ دی، سابق وزیر ریلوے سعد رفیق کو بھی خدمات پر کریڈٹ دیا جانا چاہیے۔
انھوں نے کہا کہ ریلوے کا پبلک ٹرانسپورٹ سے متعلق دنیا میں کلیدی کردار ہے، ریلوے کو ٹھیک کرنے کی ذمے داری حنیف عباسی کو سونپی، ریلوے کی بہتری سے متعلق میرا خواب شرمندہ تعبیر ہوتا نظر آ رہا ہے۔
وزیراعظم نے کہا ریلوے میں مثبت تبدیلی دل کو بھاتی ہے، پہلا قدم ہے، ابھی بہت منزلیں طے کرنی ہیں، ملک کے دیگر شہروں کی ٹرینوں کو بھی اسی طرز پر چلانا ہے۔
وزیراعظم شہباز شریف نے کہا کہ پاکستان نے جنگ میں بھارت کو تاریخی شکست دی، جنگ میں فتح کے بعد عالمی سطح پر پاکستان کا وقار بلند ہوا۔ فوج نے دلیری اور مہارت کے ساتھ دشمن کا مقابلہ کیا، تینوں مسلح افواج نے بھرپور تیاری کے ساتھ بھارت کا مقابلہ کیا، امریکی صدر ٹرمپ نے کئی بار کہا کہ انہوں نے جنگ رکوائی۔
وزیراعظم نے کہا یہ پاکستان کی سفارتی کامیابی کی زندہ جاوید مثال ہے، بھارت کے خلاف کامیابی سے جنگ جیتی ہے، افواج پاکستان نے بہادری کے ساتھ دشمن کا مقابلہ کیا۔
انھوں نے کہا ایئر فورس نے ہندوستان کا مقابلہ کیا، آج پاکستان کو اللہ تعالیٰ نے عزت دی ہے، ابھی سفر بہت لمبا ہے، پاکستان کو معاشی میدان میں ٹیم ورک کے ذریعے کامیابی ملی ہے، منہگائی اور پالیسی ریٹ میں خاطر خواہ کمی آئی ہے۔
وزیراعظم شہباز شریف کا کہنا تھا کہ چین کے ساتھ مل کر سی پیک ٹو پر کام کر رہے ہیں، امریکا کے ساتھ تعلقات بہتر کر رہے ہیں، صدر ٹرمپ نے کہا کہ انہوں نے پاکستان اور بھارت کے درمیان سیز فائر کروایا، یہ ہماری بڑی سفارتی کامیابی ہے۔
امریکا: امیگریشن چھاپے کے دوران کسان کی موت، کیلیفورنیا میں شدید ردعمل