’پاکستان زندہ باد‘ کا نعرہ لگانے والا ہندو جنونیوں کے ہاتھوں ہلاک
اشاعت کی تاریخ: 30th, April 2025 GMT
بھارتی ریاست کرناٹک میں دوران میچ ’پاکستان زندہ باد‘ کا نعرہ لگانے والا شخص ہجوم کے تشدد سے ہلاک ہوگیا۔
انڈین میڈیا رپورٹس کے مطابق بھارتی ریاست کرناٹک میں منگلورو شہر کے مضافات میں ہوئے کرکٹ میچ کے دوران ایک شخص کو ہجوم نے تشدد کرکے ہلاک کردیا۔
یہ بھی پڑھیں:مودی نے علاقائی سلامتی کو خطرے میں ڈال دیا،برطانوی اخبار کی رپورٹ
ہلاک ہونے والے شخص سے متعلق میڈیا کا کہنا ہے کرکٹ میچ کے دوران تماشائیوں میں موجود اس شخص نے ’پاکستان زندہ باد‘ کا نعرہ لگایا، جس پر بے قابو ہجوم اس پر پِل پڑا اور اسے بیہمانہ تشدد کرتے ہوئے ہلاک کر دیا۔
کرناٹک کے وزیر داخلہ جی پرمیشورا نے ہلاکت کو ’موب لنچنگ‘ قرار دیتے ہوئے کہا ہے کہ ابھی تک رپورٹ موصول نہیں ہوئی ہے، تاہم اس معاملے کو بہت سنجیدگی سے لیا جائے گا۔
انہوں نے کہا کہ اس شخص نے مبینہ طور پر اس وقت ‘پاکستان زندہ باد’ کا نعرہ لگایا جب مقامی کرکٹ میچ چل رہا تھا۔
منگلورو شہر کے مضافات میں ہوئی اس ہلاکت کے بعد پولیس نے 15 افراد کو گرفتار کر لیا ہے، جبکہ پولیس کم از کم 10 مزید کی تلاش میں ہے۔
یہ بھی پڑھیں:بھارت کا جنگی جنون: نریندر مودی نے فوج کو اہداف کے تعین، کارروائی کی اجازت دے دی
پولیس کے مطابق واقعہ منگلورو کے مضافات میں کڈوپو گاؤں میں بھترا کلورتی مندر کے قریب 27 اپریل کو سہ پہر 3 بجے کے قریب پیش آیا۔
ہلاک ہونے والے شخص کو مبینہ طور پر لاٹھیوں سے حملہ کیا گیا تھا، مرنے والی کی شناخت کا ابھی تک پتا نہیں چل سکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان زندہ باد کرناٹک منگلورو وزیر داخلہ جی پرمیشورا.ذریعہ: WE News
کلیدی لفظ: پاکستان زندہ باد کرناٹک منگلورو وزیر داخلہ جی پرمیشورا پاکستان زندہ باد کا نعرہ
پڑھیں:
ٹریفک پولیس اہلکاروں سے جھگڑا اور تشدد کرنے والا نوجوان گرفتار
اسلام آباد میں ٹریفک پولیس اہلکاروں سے جھگڑا کرنے اور ہلڑبازی کے الزام میں ایک نوجوان کو گرفتار کر لیا گیا۔
واقعہ گزشتہ رات آئی-8 مرکز میں پیش آیا، جہاں ملزم نے پولیس اہلکاروں پر تشدد کیا اور بدکلامی کی۔
اسلام آباد پولیس کے مطابق، نوجوان کی اہلکاروں سے تکرار اور تشدد کی ویڈیو سوشل میڈیا پر وائرل ہوئی تھی، جس میں اسے پولیس سے الجھتے اور گالم گلوچ کرتے ہوئے دیکھا جا سکتا ہے۔
یہ بھی پڑھیں:اسلام آباد پولیس کے سینیئر افسر نے گولی مار کر اپنی جان لے لی
ویڈیو میں ملزم کو جھگڑے کے بعد گاڑی میں بیٹھ کر موقع سے فرار ہوتے بھی دکھایا گیا۔ پولیس نے ویڈیو شواہد کی بنیاد پر کارروائی کرتے ہوئے تھانہ آئی-9 کی حدود سے ملزم کو گرفتار کر لیا۔
حکام کے مطابق، ملزم کی گاڑی بھی تحویل میں لے لی گئی ہے، اور اس کے خلاف قانونی کارروائی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس پولیس سے جھگڑا ٹریفک پولیس
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی