کینسر کی تشخیص اب پیشاب کے نمونوں سے بھی کی جاسکے گی
اشاعت کی تاریخ: 30th, April 2025 GMT
سائنس دانوں نے پیشاب میں موجود پروسٹیٹ کینسر کی علامات دریافت کر لیں۔ یہ کامیابی اس مہلک بیماری تشخیص کے لیے ایک سادہ اور بہتر طریقہ کار ڈھونڈ نکالنے میں مددگار ثابت ہوسکتی ہے۔
پروسٹیٹ کینسر عالمی سطح پر مردوں کی اموات کی بڑی وجوہات میں سے ایک ہے۔ اس بیماری سے سالانہ ہزاروں افراد موت واقع ہوتی ہے جبکہ لاکھوں نئے کیسز کی تشخیص ہوتی ہے۔
تاہم، جسم میں موجود ابتدائی ٹیومر کی تشخیص مخصوص اشارے نہ ہونے کی وجہ سے مشکل رہی ہے۔
فی الوقت پی ایس اے نامی خون کے ٹیسٹ کو استعمال کرتے ہوئے کینسر کی تشخیص کی جاتی ہے جس میں پروسٹیٹ گلینڈ کے خارج کیے گئے پروٹین کی شرح کی پیمائش کی جاتی ہے۔
پروٹین پروسٹیٹ-اسپیسیفک اینٹیجن (پی ایس اے) میں اضافہ پروسٹیٹ کینسر کا اشارہ دے سکتا ہے لیکن اس کے علاوہ دیگر غیر کینسر زدہ کیفیات کی نشان دہی بھی ہو سکتی ہے۔
اب محققین نے پیشاب میں ایسی درست علامات کی نشان دہی کی ہے جو انتہائی درستی کے ساتھ پروسٹیٹ کینسر کے ہونے اور اس کی شدت کی تشخیص کر سکتی ہیں۔
جرنل کینسر ریسرچ میں شائع ہونے والی تازہ ترین تحقیق کے مطابق یہ علامات (جن میں SPON2 ،AMACR، اور TMEFF2 نامی مالیکیولز شامل ہیں) پی ایس اے کے مقابلے میں پروسٹیٹ کینسر کی پیشگوئی میں زیادہ درست اور مخصوص ہوتے ہیں۔
.ذریعہ: Express News
کلیدی لفظ: پروسٹیٹ کینسر کی تشخیص کینسر کی
پڑھیں:
آئی سی سی ہال آف فیم میں شمولیت کے بعد ثنامیر کو ایک اور اعزاز مل گیا
آئی سی سی ہال آف فیم میں شمولیت کے بعد ثنامیر کو ایک اور اعزاز مل گیا ہے، انہیں لندن کے مشہور لارڈز کرکٹ گراؤنڈ میں جاری آئی سی سی ورلڈ ٹیسٹ چیمپئن شپ فائنل کے دوسرے دن روایتی گھنٹی بجانے کا موقع ملا۔
یہ بھی پڑھیں: ثنا میر آئی سی سی ہال آف فیم میں شامل ہونے والی پاکستان کی پہلی خاتون کرکٹر بن گئیں
یہ اعزاز انہیں آئی سی سی ہال آف فیم میں شامل ہونے کے چند روز بعد ملا، جس میں وہ شامل ہونے والی پہلی پاکستانی خاتون کرکٹر بنی ہیں، لارڈز میں گھنٹی بجانے کی روایت ٹیسٹ میچ کے ہر دن کے آغاز پر کی جاتی ہے اور اسے ایک باوقار اور تاریخی روایت سمجھا جاتا ہے۔
ثنامیر نے آسٹریلیا اور جنوبی افریقہ کے درمیان ہونے والے فائنل میچ کے دوسرے دن یہ اعزازی رسم ادا کی، میدان میں موجود کرکٹرز، آفیشلز اور شائقین نے ان کا پرجوش استقبال کیا اور بھرپور تالیاں بجاکر انہیں خراجِ تحسین پیش کیا۔
یہ بھی پڑھیں: ہال آف فیم میں شامل ہونے کے بعد ثنا میر نے اپنی پہلی پوسٹ میں کیا کہا؟
ثنامیر نے تقریباً 15 سال پاکستان کی نمائندگی کی، 226 بین الاقوامی میچز کھیلے اور 100 سے زائد میچز میں ٹیم کی قیادت کی۔ وہ نہ صرف پاکستان بلکہ دنیا بھر میں خواتین کرکٹ کی پہچان بنیں۔
وہ دنیا کی صرف 14 ویں خاتون کرکٹر ہیں جنہیں آئی سی سی ہال آف فیم میں شامل کیا گیا، اور پاکستان کی 8ویں کرکٹر جنہوں نے یہ اعزاز حاصل کیا ہے۔
وہ اب عمران خان، وسیم اکرم، جاوید میانداد، عبدالقادر، ظہیر عباس، وقار یونس اور حنیف محمد جیسے لیجنڈری کھلاڑیوں کی صف میں شامل ہوگئی ہیں۔
یہ بھی پڑھیں: ’ثنا میر کو ایوارڈ دینے پر جے شاہ کا اترا ہوا چہرہ تو دیکھیں‘
یہ لمحہ نہ صرف ثناہ میر بلکہ پوری پاکستانی قوم کے لیے فخر کا باعث ہے، جس نے دنیا کو دکھا دیا کہ ہماری خواتین بھی عالمی سطح پر نمایاں مقام حاصل کرسکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی بیل پاکستانی کرکٹر ثنامیر ٹیسٹ چیمیپئن شپ فائن گھنٹی لارڈ کرکٹ گراؤنڈ ہال آف فیم
امداد لیکر غزہ پہنچنے والے فریڈم فلوٹیلا پر اسرائیل کا ڈرونز سے حملہ