پاک بھارت کشیدگی، سابق وزیراعظم راجہ فاروق حیدر پستول سینے پر سجائے میدان میں آگئے
اشاعت کی تاریخ: 1st, May 2025 GMT
انڈیا کے زیرِ انتظام کشمیر کے تفریحی مقام پہلگام میں سیاحوں کی ہلاکت کے بعد پاکستان اور انڈیا کے درمیان کشیدگی بڑھتی جا رہی ہے اور جنگ کا سا ماحول بن گیا ہے۔ لائن آف کنٹرول پر انڈیا اور پاکستان کے درمیان فائرنگ کا تبادلہ بھی ہوا۔ بھارت نے 29 اور 30 اپریل کی درمیانی شب لائن آف کنٹرول پر سیز فائر کی خلاف ورزی کرتے ہوئے فائرنگ کی جس کا پاک فوج کی جانب سے منہ توڑ جواب دیا گیا۔
اس کےبعد سوشل میڈیا پر پاکستانی صارفین پاک فوج کے شانہ بشانہ کھڑے نظر آئے۔ جہاں کئی تجزیہ کار عوام کو کہتے نظر آئے کہ فوج کی وردی پہن لیں اور اپنی بندوقیں نکال لیں وہیں سابق وزیر اعظم آزاد کشمیر راجہ محمد فاروق حیدر کی ایک ویڈیو بھی سوشل میڈیا پر وائرل ہو رہی ہے ۔
وائرل ویڈیو میں راجہ فاروق حیدر کو بھارت کے خلاف پستول اور گولیاں سینے پر سجائے چلتے ہوئے دیکھا جا سکتا ہے۔ رضوان غلزئی نے ویڈیو شیئر کرتے ہوئے لکھا کہ سابق وزیراعظم آزاد کشمیر فاروق حیدر نے کمر پر پستول باندھے لائن آف کنٹرول کی جانب پیش قدمی شروع کر دی ہے۔
سابق وزیراعظم آزاد کشمیر فاروق حیدر نے قمر پر پستول باندھے لائن آف کنٹرول کی جانب پیش قدمی شروع کر دی۔ pic.
— Rizwan Ghilzai (Remembering Arshad Sharif) (@rizwanghilzai) May 1, 2025
ایک صارف نے لکھا کہ لگتا ہے انہوں نے جاوید چوہدری کی بات کو سنجیدہ لے لیا ہے۔
جاوید چوہدری کی بات کو سیریس لے لیا https://t.co/KcAfKRw0p7
— SHUMAILA BADAR. (@shumaila_badar1) May 1, 2025
ثاقب علی راتھوڑ لکھتے ہیں کہ سابق وزیر اعظم آزاد کشمیر راجہ فاروق حیدر اسلحہ سے لیس مودی کو جواب دینے لیے تیار ہیں۔
سابق وزیر اعظم آزاد کشمیر راجہ فاروق حیدر خان اسلحہ سے لیس مودی کو جواب دینے لیے تیار ۔۔۔۔ pic.twitter.com/PuPG7giSxK
— Saqib Ali Rathore (@SaqibAliRathore) May 1, 2025
ایک صارف نے راجہ فاروق حیدر کی ویڈیو پر تبصرہ کرتے ہوئے کہا کہ انڈیا تیری موت آئی ہے۔
سابق وزیراعظم آذادکشمیر راجہ فاروق حیدر نے لائن آف کنٹرول کی طرف مارچ قدمی شروع کردی،
انڈیا تیری موت آئی
pic.twitter.com/GkfIOmi1zH
— Raja Muhammad Rashid (@rashidkashmir97) May 1, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پاکستان پہلگام حملہ راجہ فاروق حیدر مودیذریعہ: WE News
کلیدی لفظ: انڈیا پاکستان پہلگام حملہ راجہ فاروق حیدر راجہ فاروق حیدر لائن آف کنٹرول
پڑھیں:
امریکی صدر ٹرمپ کی ایک بار پھر مسئلہ کشمیر حل کیلئے ثالثی کی پیشکش
واشنگٹن (اوصاف نیوز)امریکی صدر ڈونلڈ ٹرمپ نے پاکستان بھارت کے درمیان مسئلہ کشمیر پر ثالثی کی پیش کش کر دی۔
امریکی صدر ٹرمپ نے ایک بار پھر پاکستان بھارت جنگ رُکوانے کی بات دُہراتے ہوئے پاکستان بھارت کے درمیان مسئلہ کشمیر پر ثالثی کی پیش کش بھی کی ہے۔
وائٹ ہاؤس میں میڈیا سے گفتگو میں امریکی صدر ٹرمپ نے کہا کہ انہوں نے جوہری جنگ تجارت سے رُکوائی ، کوئی یہ نہیں کر سکتا۔
ٹرمپ نے بتایا کہ میں نے بھارت پاکستان سے کہا کہ کشمیر پر دشمنی بہت عرصے ہوگئی ، وہ سب کچھ حل کرا سکتے ہیں ، وہ ثالث بنیں گے۔
امریکی صدر نے کہا کہ انہوں نے بھارت پاکستان کے درمیان جنگ رکوائی، دونوں ممالک کے حکمران عظیم ہیں، میں نے ان سے بات کی، میں نے ان سے تجارت پر بات کی، میں نے کہا ہم تجارت نہیں کریں گے پہلے جنگ روکو، انہوں نے بات سمجھی اور جنگ روک دی، اب ہم ان سے تجارتی معاہدوں پر بات کر رہے ہیں۔
اس سے قبل ترجمان امریکی محکمہ خارجہ ٹیمی بروس نے امید ظاہر کی تھی کہ صدر ٹرمپ اپنے دور میں مسئلہ کشمیر کو حل کرسکیں گے۔
ٹیمی بروس نے کہا تھا کہ صدر ٹرمپ وہ واحد شخصیت ہیں جنہوں نے ایسے لوگوں کو میز پر لا بٹھایا اور بات چیت ممکن بنائی جن کے بارے میں لوگ تصور بھی نہیں کرسکتے تھے کہ ایسا ممکن ہوگا۔
واضح رہے کہ صدر ٹرمپ پاکستان اور بھارت کےدرمیان جنگ بندی کی بات ایک درجن بار دہراچکے ہیں۔
ہر بار یہ بات سن کر مودی سرکارسیخ پا ہوجاتی ہے اور ساتھ ہی بھارتی حزب اختلاف کانگریس کو مودی جی کا مذاق اڑانےکا پھر موقع ملا گیا ہے۔
یہاں یہ بات یاد رہے کہ 10 مئی کو ڈونلڈ ٹرمپ نے ہی اپنے سوشل میڈیا پلیٹ فارم ٹروتھ سوشل پر اعلان کیا تھا کہ پاکستان اور بھارت جنگ بندی پر متفق ہوگئے ہیں۔
ایران پر اسرائیلی حملے کی شدید مذمت، ایران کو دفاع کا حق حاصل ہے،پاکستان
فوجی اور آبی جارحیت پر عالمی برادری بھارت کا محاسبہ کرے،بلاول بھٹو زرداری