ایف بی آر کی کارروائیاں، مشہور فیشن برانڈ کی ٹیکس چوری پکڑ لی، 4 آؤٹ لیٹس سیل
اشاعت کی تاریخ: 1st, May 2025 GMT
کراچی:
فیڈرل بورڈ آف ریونیو (ایف بی آر) کے ماتحت ریجنل ٹیکس آفس ٹو نے بڑی کارروائی کرتے ہوئے معروف فیشن برانڈ کی 10کروڑ سے زائد مالیت کی مبینہ ٹیکس چوری پکڑلی اور 4 آؤٹ لیٹس سیل کردیا۔
ایف بی آر سے جاری بیان میں کہا گیا کہ فیشن برانڈ 10کروڑ روپے سے زائد ٹیکس چوری میں ملوث پایا گیا اور ایف بی آر ٹیم نے مختلف کارروائیوں میں برانڈ کے 4 آؤٹ لیٹس سیل کردیے ہیں۔
ایف بی آر نے دعویٰ کیا کہ فیشن برانڈ Sowears ٹیکس چوری، آمدنی چھپانے اور بیرون ملک خفیہ کاروباری سرگرمیوں میں ملوث بھی پایا گیا ہے اور 2018 سے پوائنٹ آف سیل کو جان بوجھ کر ایف بی آر سے منسلک نہیں کیا، جس سے قومی خزانے کو10 کروڑ روپے سے زائدکا نقصان پہنچایا گیا۔
بیان میں کہا گیا کہ برانڈ کی لکی ون، ڈالمین مال، اوشین مال اور صائمہ مال سمیت 4 آوٹ لیٹس کو سیل کردیا گیا ہے اور ٹیم نے سائٹ صنعتی علاقے میں واقع فیکٹری پر بھی چھاپہ مارا ہے۔
کارروائیوں کے حوالے سے کہا گیا کہ ٹیم نے دوران چھاپہ کاروباری ریکارڈ اور ڈیجیٹل شواہد بھی قبضے میں لے لیا ہے۔
اعلامیے کے مطابق مذکورہ برانڈ دبئی اور امریکا میں بھی کاروبار کررہا تھا، جس کی آمدنی پاکستان میں ظاہر نہیں کی گئی اور ان غیر ظاہرشدہ غیر ملکی ٹرانزیکشنز کی وجہ سے منی لانڈرنگ کا خطرہ بھی ظاہر کیا جا رہا ہے۔
ایف بی آر نے مزید کہا کہ مذکورہ فیشن برانڈ نےآمدنی کو غیر قانونی بینک اکاؤنٹس اور خفیہ کمپنیوں میں منتقل کیا، جس پر انکم ٹیکس آرڈیننس اور دیگر متعلقہ قوانین کے تحت تحقیقات جاری ہیں۔
.ذریعہ: Express News
کلیدی لفظ: فیشن برانڈ ٹیکس چوری ایف بی آر
پڑھیں:
کراچی: 4 سال قبل چوری موٹرسائیکل کا ای چالان مالک کو بھیج دیا گیا
فائل فوٹوکراچی میں 4 سال قبل چوری ہونیوالی موٹر سائیکل کا ای چالان مالک کو بھیج دیا گیا۔
مالک کا کہنا ہے کہ موٹر سائیکل چار سال قبل ٹیپو سلطان روڈ سے چوری ہوئی تھی، 27 اکتوبر کو ای چالان میں ہیلمٹ نہ پہننے پر 5 ہزار جرمانہ عائد کیا گیا۔
شہری کا کہنا ہے کہ موٹر سائیکل چوری ہونے کی ٹیپو سلطان تھانے میں انٹری بھی کروائی تھی۔
غلام نبی میمن نے کہا کہ پہلے ای چالان ہونے پر 10 یوم میں رابطہ کرکے معافی کے ساتھ فیس معاف ہوسکتی ہے ۔
دوسری جانب کراچی میں ٹریفک قوانین کی خلاف ورزی روکنے کے لیے ای چالان کا سلسلہ جاری ہے۔
پولیس حکام کے مطابق ٹریفک قوانین کی خلاف ورزی پر پولیس موبائلز اور دیگر سرکاری گاڑیوں کے بھی بڑے پیمانے پر ای چالان کیے جا رہے ہیں۔
حکام کے مطابق مختلف نوعیت کی 184 ہیوی وہیکلز کے بھی ای چالان کیے گئے ہیں۔ بھاری جرمانے پانے والی گاڑیوں میں 2 بسیں، 3 کرین اور 5 آئل ٹینکرز شامل ہیں۔
تیز رفتاری اور سیٹ بیلٹ نہ باندھنے پر 39 ٹرکوں، 25 ڈمپرز اور 107 واٹر ٹینکرز کے بھی ای چالان کیے گئے ہیں۔
تیز رفتاری پر کُل 156، سگنل توڑنے پر ایک، سیٹ بیلٹ نہ پہننے پر 27 ہیوی وہیکلز کے چالان کیے گئے ہیں۔
حکام کا کہنا ہے کہ ٹریکرز کے ذریعے پکڑی گئی تیز رفتار گاڑیوں پر 20 ہزار جرمانہ کیا گیا ہے۔
محبت، بلیک میلنگ اور قتل، خوفناک واردات کی تفصیل سامنے آگئی