وزیراعظم آفس کی ویب سائٹ ہیک کرنے کا بھارتی دعوٰی مسترد
اشاعت کی تاریخ: 2nd, May 2025 GMT
ویب ڈیسک: بھارتی ہیکرز کی جانب سے وزیراعظم آفس کی ویب سائٹ ہیک کرنے کا دعوٰی مسترد کردیا گیا۔
ترجمان وزیر اعظم ہاؤس کی جانب سے جاری کردہ بیان کے مطابق وزیراعظم آفس کی ویب سائٹ محفوظ ہے اور ویب سائٹ کی ہیکنگ اور ڈیٹا لیک کا دعویٰ جھوٹا اور من گھڑت ہے،ترجمان کا کہنا تھا کہ بھارتی ہیکرز کے دعوے کا حقیقت سے کوئی تعلق نہیں اور بھارتی ہیکرز نے جس خط کی چوری کا دعویٰ کیا اس کا بھی حقیقت سےکوئی تعلق نہیں،سوشل میڈیا پر موجود اِس خط کو وزرات اطلاعات پہلے ہی جعلی قرار دے چکی ہے۔
دبئی پاورلفٹنگ اینڈ باڈی بلڈنگ انٹرنیشنل چیمپئن شپ: پاکستان نے گولڈ میڈل حاصل کرلیا
دوسری جانب سرکاری ذرائع کا کہنا ہے کہ اہم پاکستانی ویب سائٹس کی ہیکنگ کا منفی پروپیگنڈہ فالس فلیگ آپریشن کا حصہ ہے اور ایسا منفی پروپیگنڈہ بھارتی سائبر گروپس کی طرف سے پھیلایا جا رہا ہے جبکہ بھارتی دعوؤں کا مقصد پاکستانی اداروں کو بدنام کرنا اور عوام میں بے چینی پھیلانا ہے۔
سرکاری ذرائع نے بتایا کہ وزیراعظم آفس سمیت تمام اہم اداروں کے سائبر سسٹمز مکمل طور پر محفوظ اورفعال ہیں۔
ایف سی انڈرپاس کے قریب تیز رفتار رکشہ اُلٹنے سے5افراد زخمی
پاکستان کے سائبر ڈیفنس نظام کو جدید خطوط پر استوار کیا جا چکا ہے اور قومی ادارے پاکستان کی سائبر سیکیورٹی کے تحفظ کیلئے پوری طرح متحرک ہیں۔
ذریعہ
ذریعہ: City 42
کلیدی لفظ: ویب سائٹ
پڑھیں:
کے پی اسمبلی میں حکومتی ناراض ارکان کا مذاکرات سے انکار
پشاور:خیبرپختونخوا اسمبلی میں ناراض حکومتی ارکان کے ساتھ مفاہمت نہ ہوسکی ناراض ارکان نے کسی بھی قسم کے مذاکرات سے انکار کرتے ہوئے آئندہ کے لائحہ عمل کے لیے آج اجلاس طلب کرلیا۔
ایکسپریس نیوز کے مطابق خیبرپختونخوا اسمبلی میں حکومتی ارکان کا ناراض گروپ اپنے مطالبات پر ڈٹ گیا، ناراض ارکان سے سابق اسپیکر اسد قیصر اور سابق صوبائی وزیر شوکت یوسفزئی نے بھی رابطہ کیا ہے لیکن ناراض ارکان نے حکومت کے علاقہ کسی سے بھی مذاکرات سے انکار کردیا۔
ناراض ارکان کا کہنا ہے کہ ہمیں وزیراعلی سہیل آفریدی کی جانب سے یقین دہانی چاہیے، ایک ناراض رکن نے بتایا کہ ہمارا کوئی فارورڈ بلاک نہیں اگر فارورڈ بلاک بنتا ہے تو یہ عمران خان کے خلاف ہوگا ہم حکومت کے پالیسیوں سے ناراض ہیں مرکزی قیادت کو بتایا دیا گیا ہے اور انھیں خط بھی لکھا گیا ہے لیکن پارٹی چیئرمین کی جانب سے کوئی جواب نہیں ملا، ناراض ارکان نے آئندہ کے لائحہ عمل کے لیے اجلاس آج دوبارہ طلب کرلیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ