وزیراعظم سے سعودی سفیر کی ملاقات، خطے میں امن کیلئے پاکستان کے ساتھ کام کرنے کی یقین دہانی
اشاعت کی تاریخ: 2nd, May 2025 GMT
وزیراعظم سے سعودی سفیر کی ملاقات، خطے میں امن کیلئے پاکستان کے ساتھ کام کرنے کی یقین دہانی WhatsAppFacebookTwitter 0 2 May, 2025 سب نیوز
اسلام آباد(آئی پی ایس) وزیراعظم شہباز شریف سے سعودی سفیر نواف بن سعید المالکی نے ملاقات کی اور کہا کہ سعودی عرب خطے میں امن و سلامتی کے لیے پاکستان کے ساتھ مل کر کام کرنا چاہتا ہے۔
تفصیلات کے مطابق ملاقات کے دوران وزیراعظم نے حرمین شریفین کے متولی شاہ سلمان بن عبدالعزیز آل سعود، ولی عہد اور وزیر اعظم شہزادہ محمد بن سلمان بن عبدالعزیز السعود کے لیے نیک تمناؤں کا اظہار کیا۔ انہوں نے سعودی قیادت اور عوام کا شکریہ ادا کیا کہ انہوں نے ہمیشہ پاکستان کے ساتھ یکجہتی کا اظہار کیا۔
پہلگام واقعے کے بعد جنوبی ایشیا میں امن و امان کی موجودہ صورتحال پر پاکستان کا مؤقف بیان کرتے ہوئے وزیر اعظم نے کہا کہ پاکستان نے دہشت گردی کی تمام شکلوں اور مظاہر کی مذمت کی ہے، پاکستان نے گزشتہ برسوں میں انسداد دہشت گردی کی کوششوں میں بڑی قربانیاں دی ہیں جو کہ نہ صرف پاکستان بلکہ پوری دنیا کے تحفظ کے لیے انتہائی اہم ثابت ہوئی ہیں۔
وزیراعظم نے بھارت نے بغیر کسی ثبوت کے پہلگام واقعے سے پاکستان کو جوڑنے کے بے بنیاد بھارتی الزامات کو یکسر مسترد کیا اور واقعے کی شفاف اور غیر جانب دار بین الاقوامی تحقیقات کے اپنے مطالبے کا اعادہ کیا۔
سعودی عرب سمیت دوست ممالک کے تعاون سے گزشتہ پندرہ ماہ کی محنت سے حاصل ہونے والے معاشی فوائد کو مستحکم کرنے پر حکومت کی مکمل توجہ کو اجاگر کرتے ہوئے وزیراعظم نے کہا کہ پاکستان کی کامیابیوں کو خطرے میں ڈالنے اور ملک کو اقتصادی ترقی کی راہ سے ہٹانے کی بھارتی کوششیں ناقابل فہم ہیں۔
انہوں نے سعودی عرب سمیت برادر ممالک پر زور دیا کہ وہ خطے میں کشیدگی میں کمی کے لیے ہندوستان پر دباؤ ڈالیں۔ انہوں نے جنوبی ایشیا میں امن و استحکام کے لیے پاکستان کی خواہش کا اعادہ کیا۔
سعودی سفیر نے اس اہم معاملے پر اپنے خیالات کا اظہار کرنے پر وزیراعظم کا شکریہ ادا کیا اور کہا کہ سعودی عرب خطے میں امن و سلامتی کے لیے پاکستان کے ساتھ مل کر کام کرنا چاہتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرقومی اتحاد و یکجہتی کے لیے پارلیمنٹ کا کردار قابل تحسین ہے، نواز شریف قومی اتحاد و یکجہتی کے لیے پارلیمنٹ کا کردار قابل تحسین ہے، نواز شریف ایک سو نوے ملین پائونڈ کیس:عمران خان اور بشریٰ بی بی کی سزا معطلی کی درخواست سماعت کےلئے مقرر پہلگام واقعہ: پاکستان نے تحقیقات کیلئے اقوام متحدہ کا کمیشن بنانےکی پیشکش کردی اسلام آباد ہائیکورٹ کا لاپتہ شہری کے اغوا کا مقدمہ درج کرنے کا حکم بھارت کی بوکھلاہٹ عروج پر؛ وزیراعظم شہباز شریف کا یوٹیوب چینل بھی بلاک کردیا اعجاز چوہدری کیخلاف کیس اتنا ہی مضبوط تھا تو فوجی عدالت میں لے جاتے، سپریم کورٹCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: پاکستان کے ساتھ سعودی سفیر
پڑھیں:
وزیراعظم شہباز شریف تین ملکوں کے دورے کے بعد دوشنبے پہنچ گئے
DUSHANBE:وزیراعظم شہباز شریف ترکیہ، ایران اور آذربائیجان کے کامیاب دورے کے بعد تاجکستان کے دارالحکومت دوشنبے پہنچ گئے ہیں جہاں وہ گلیشیئرز کے تحفظ سے متعلق اعلیٰ سطح کی بین الاقوامی کانفرنس میں شرکت کریں گے۔
وزیراعظم آفس سے جاری بیان کے مطابق وزیراعظم شہباز جب تاجکستان کے دارالحکومت دوشنبے پہنچے تو تاجک وزیراعظم قاہر رسول زادہ، تاجک نائب وزیر خارجہ شریف زادہ فرخ حمدین، تاجکستان میں پاکستان کے سفیر محمد سعید سرور اور دیگر اعلیٰ حکام نے پرتپاک استقبال کیا۔
وزیراعظم شہباز شریف نے اس کے بعد تاجکستان کے صدر امام علی رحمان سے ملاقات کی اور دونوں رہنماؤں نے دو طرفہ تعلقات، علاقائی صورت حال اور عالمی امور پر تفصیلی گفتگو کی۔
انہوں نے جولائی 2024 میں طے پانے والے اسٹریٹجک شراکت داری معاہدے کو یاد کیا اور تعاون کو مزید وسعت دینے پر اتفاق کیا۔
ملاقات میں دونوں رہنماؤں نے CASA-1000 منصوبے کی جلد تکمیل کے عزم کا اعادہ کیا، دہشت گردی، سرحد پار جرائم اور منشیات اسمگلنگ کے خلاف تعاون پر بھی بات چیت کی گئی۔
دوشنبہے میں بین الاقوامی کانفرنس میں وزیراعظم شہباز شریف گلیشیئرز کے تحفظ پر ہونے والی کانفرنس میں پاکستان کے مؤقف اور ماحولیاتی تبدیلیوں کے اثرات پر روشنی ڈالیں گے۔
تاجکستان کے صدر امام علی رحمان نے وزیراعظم کے اعزاز میں عشائیہ دیا، ملاقات میں وزیراعظم نے جنوبی ایشیا میں بھارتی جارحیت پر تشویش کا اظہار کیا اور عالمی برادری سے ذمہ داری کا مظاہرہ کرنے کا مطالبہ کیا۔
بیان میں کہا گیا کہ وزیراعظم شہباز شریف کا یہ دورہ نہ صرف پاکستان اور تاجکستان کے تعلقات کو مزید مستحکم کرے گا بلکہ خطے میں امن، تعاون اور ترقی کے نئے امکانات بھی پیدا کرے گا۔
قبل ازیں وزیراعظم شبہاز شریف نے آذربائیجان میں صدر الہام علییوف سے ملاقات کی اور سہ فریقی سربراہی کانفرنس میں شرکت کی اور آذربائیجان کے یوم آزادی کی تقریب میں بھی شریک ہوئے۔
آذربائیجان سے روانگی پر وزیراعظم کو الوداع کہنے کے لیے اعلیٰ حکام اور پاکستانی سفیر موجود تھے۔
بانی پی ٹی آئی سے ملاقات نہیں ہونے دی گئی تو آئی ایم ایف کی شرائط پر ہم ساتھ نہیں دیں گے، علی امین گنڈا پور