اسلام آباد بلدیاتی الیکشن سے متعلق سیکریٹری الیکشن کمیشن کا اہم بیان
اشاعت کی تاریخ: 2nd, May 2025 GMT
سیکریٹری الیکشن کمیشن عمر حمید نے اسلام آباد بلدیاتی الیکشن سے متعلق اہم بیان دے دیا۔
اسلام آباد میں عمر حمید کی زیر صدارت اجلاس ہوا، جس میں اسپیشل سیکریٹری، ایڈیشنل سیکریٹری داخلہ اور چیف کمشنر اسلام آباد شریک ہوئے۔
سیکریٹری الیکشن کمیشن نے دوران اجلاس کہا کہ الیکشن کمیشن نے خیبر پختونخوا، سندھ، بلوچستان میں بلدیاتی انتخابات کامیابی سے کروائے۔
انہوں نے کہا کہ اسلام آباد لوکل گورنمنٹ کی میعاد 14فروری2021ء کو ختم ہوئی، الیکشن کمیشن 5 مرتبہ حلقہ بندی کراچکا ہے اور 3 دفعہ الیکشن شیڈول بھی دے چکا ہے۔
عمر حمید نے مزید کہا کہ جب بھی الیکشن کمیشن انتخابات کی تیاری مکمل کرتا ہے لوکل گورنمنٹ قوانین میں ترمیم کردی جاتی ہے۔
اُن کا کہنا تھا کہ اگست 2024ء میں اسلام آباد لوکل گورنمنٹ ایکٹ میں ترامیم منظور کی گئیں، الیکشن کمیشن نے ایکٹ میں چند غلطیوں کی نشاندہی کی اور ترمیم کے مطابق رولز اور فارم بنانے کا کہا۔
سیکریٹری الیکشن کمیشن نے یہ بھی کہا کہ وزارت داخلہ سے بھجوائے گئے مسودے پر فیڈ بیک اور منظوری بھی دے چکے، قانون سازی کا عمل تاحال مکمل نہیں کیا گیا۔
انہوں نے کہا کہ الیکشن کمیشن حلقہ بندی کا عمل مکمل کرچکا، وزرات داخلہ فوری قانون سازی کی تکمیل یقینی بنائے تاکہ اسلام آبادمیں الیکشن کا انعقاد ہوسکے۔
اس معاملے پر حکام وزارت داخلہ کا موقف ہے کہ اسلام آباد لوکل گورنمنٹ ایکٹ میں ترمیم 30 اپریل کو سی سی ایل سی میں پیش کیا گیا، قانون منظوری کے بعد اسے وفاقی کابینہ میں پیش کیا جائے گا۔
الیکشن کمیشن حکام کے مطابق چیف کمشنر نے یقین دہانی کرائی جیسے ہی قانون بنا تو وہ الیکشن کمیشن کے تعاون کےلیے تیار ہیں۔
.ذریعہ: Jang News
کلیدی لفظ: سیکریٹری الیکشن کمیشن الیکشن کمیشن نے لوکل گورنمنٹ اسلام ا باد
پڑھیں:
الیکشن کمیشن کا اسلام آباد میں مقامی حکومتوں کے انتخابات کرانے کا فیصلہ
دارالحکومت اسلام آباد میں بلدیاتی انتخابات کے معاملے پر الیکشن کمیشن آف پاکستان (ای سی پی) نے محفوظ فیصلہ جاری کردیا ہے۔
الیکشن کمیشن نے اسلام آباد میں مقامی حکومتوں کے انتخابات کرانے کا فیصلہ کیا ہے۔ فیصلے میں کہا گیا کہ اسلام آباد کی مقامی حکومتوں کے قانون کی سیکشن15 میں ترمیم آئین کے مطابق نہیں۔
فیصلے میں مزید کہا گیا کہ الیکشن کمیشن کو الیکشن ایکٹ کے مطابق اختیار حاصل ہے کہ وہ اپنے افسران کا تعین کرے۔
ای سی پی کے فیصلے میں یہ بھی کہا گیا کہ کمیشن سرکاری افسران، عدلیہ یا سرکاری ادارے سے ڈی آر اوز، آر اوز اور اے آر او تعینات کرسکتا ہے۔
اس میں کہا گیا کہ سیکرٹری یونین کونسل مقامی حکومتوں کے الیکشن کرانے کی ذمے داری نہیں نبھا سکتا، مخصوص نشستوں کے انتخابات الیکشن کمیشن کے نامزد کردہ افسران ہی کرائیں گے۔
یہ بھی پڑھیے اسلام آباد میں جلد بلدیاتی الیکشن کروانے کی درخواست پر فیصلہ محفوظ ای سی پی کا اسلام آباد بلدیاتی الیکشن کا کیس 13 نومبر کو سننے کا فیصلہ الیکشن کمیشن، نئی قانون سازی کی وجہ سے پنجاب میں بلدیاتی انتخابات ملتوی کرنے کا فیصلہای سی پی کا کہنا ہے کہ الیکشن کمیشن اسلام آباد میں لوکل باڈیز الیکشن کے لیے سیکریٹری یونین کونسل تعینات کرنے کا پابند نہیں۔
فیصلے میں کہا گیا کہ الیکشن کمیشن ایک آزاد آئینی ادارہ ہے، مقامی حکومتوں کے انتخابات اس کی ذمہ داری ہے، کمیشن مقامی حکومت کی معیاد مکمل ہونے کے 120 دن کے اندر الیکشن کرانے کا پابند ہے۔
الیکشن کمیشن کے مطابق اسلام آباد میں مقا می حکومت کی معیاد 14 فروری 2021ء کو مکمل ہوئی تھی۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن