منزلز بل کو عوامی خواہشات کے مطابق بنائیں گے، رحمت خالق
اشاعت کی تاریخ: 2nd, May 2025 GMT
گلگت بلتستان کے صوبائی وزیر کا کہنا تھا کہ جو لوگ منرلز بل پر شور مچا رہے ہیں وہی لوگ معدنیات پر قبضہ کرنا چاہتے ہیں۔ اسلام ٹائمز۔ گلگت بلتستان کے وزیر ایکسائز اینڈ ٹیکسیشن حاجی رحمت خالق نے کہا ہے کہ جو لوگ منرلز بل پر شور مچا رہے ہیں وہی لوگ معدنیات پر قبضہ کرنا چاہتے ہیں۔ ایک انٹرویو میں رحمت خالق کا کہنا تھا کہ مائننگ اینڈ منرلز ایکٹ کا مسودہ ابھی ہمیں موصول نہیں ہوا، مسودہ ملنے کے بعد اس کو تفصیل سے پڑھیں گے، مسودے کو عوام کی خواہشات کے مطابق بنائیں گے، ہم اپنے عوام سے وعدہ کرتے ہیں کہ کم از کم ہم عوام کے مفادات کا سودا نہیں کریں گے، وہ کام کریں گے جس سے عوام کو کوئی نہ کوئی فائدہ ہو۔ اس بات میں کوئی مضائقہ نہیں ہے کہ معدنیات کا بل کہیں اور سے بن کر آیا ہے، بل کا ڈرافٹ جب ہمیں ملے گا تو ہم اس کو پڑھ کر اس میں کوئی غلطی ہے تو اس کو درست کریں گے اور بل کو عوام دوست بنائیں گے۔ انہوں نے کہا کہ معدنیات کے بل پر شور وہ لوگ کر رہے ہیں جو پہاڑوں اور معدنیات پر قبضہ کرنا چاہتے ہیں، ہم ان کو قبضہ کرنے نہیں دیں گے، ہم پہاڑوں اور معدنیات کا تحفظ ہر صورت میں کریں گے اور ان پہاڑوں اور معدنیات کا فائدہ عوام کو پہنچائیں گے۔
.ذریعہ: Islam Times
کلیدی لفظ: کریں گے
پڑھیں:
اسرائیل کا ساتھ دیا تو خطے میں فوجی اڈوں کو نشانہ بنائیں گے، ایران کی امریکا، برطانیہ اور فرانس کو تنبیہ
ایران نے امریکا، برطانیہ اور فرانس کو سخت انتباہ دیا ہے کہ اگر انہوں نے اسرائیل پر ایرانی حملوں کو روکنے کی کوشش کی تو خطے میں ان کے فوجی اڈے اور بحری جہاز نشانہ بنیں گے۔
یہ بیان ہفتے کے روز ایرانی سرکاری میڈیا کے ذریعے سامنے آیا ہے۔
یہ بھی پڑھیں اسرائیل کے ایران پر حملے جاری، مزید 2 جنرلز اور 3 جوہری سائنسدان شہید، مزید کارروائیوں کا اعلان
ایران کے سرکاری ٹی وی کے مطابق اسرائیلی فضائی حملے میں تہران میں واقع ایک رہائشی کمپلیکس پر بمباری کی گئی، جس کے نتیجے میں 60 افراد شہید ہوئے، جن میں20 بچے بھی شامل ہیں۔ اس کے علاوہ مغربی ایران کے علاقے اسدآباد میں ایک میزائل تنصیب پر حملے میں 2 افراد شہید ہوئے۔
نیوکلیئر سائنسدان اور تنصیبات نشانے پرایرانی نیم سرکاری نیوز ایجنسی تسنیم کے مطابق اسرائیلی حملوں میں 3 ایرانی جوہری سائنسدان مارے گئے، جن کی شناخت علی بقائی کریمی، منصور عسگری اور سعید برجئی کے نام سے کی گئی ہے۔
اسی دوران فارس نیوز ایجنسی نے خبر دی ہے کہ ایرانی جوابی حملے جاری رہیں گے، اور مستقبل میں امریکی اڈوں کو بھی نشانہ بنایا جائے گا۔
ایرانی حکام نے کہا ہے کہ یہ تصادم گزشتہ رات کے محدود حملوں پر ختم نہیں ہوگا بلکہ آنے والے دنوں میں یہ اسرائیلی مقبوضہ علاقوں اور امریکی اڈوں تک پھیل جائے گا۔
اصفہان اور نطنز میں شدید نقصاناسرائیلی فوجی حکام کے مطابق اسرائیلی فضائی حملوں میں ایران کی دو اہم نیوکلیئر تنصیبات اصفہان اور نطنز کو شدید نقصان پہنچا ہے۔ ان حملوں میں9 سینیئر ایرانی جوہری سائنسدان بھی مارے گئے ہیں۔ اسرائیلی دعوے کے مطابق ان تنصیبات کی بحالی میں کئی ہفتے لگ سکتے ہیں۔
حکام کے مطابق اسرائیل نے150 سے زیادہ اہداف کو نشانہ بنایا اور سینکڑوں میزائل فائر کیے، جب کہ ایران کی جانب سے داغے گئے زیادہ تر ڈرون اور میزائل فضا میں ہی تباہ کردیے گئے۔
تہران کو جلا دیں گے، اسرائیلی وزیر دفاع کی دھمکیاسرائیلی وزیر دفاع یسرائیل کاٹز نے سخت دھمکی دیتے ہوئے کہا ہے کہ اگر ایران نے اسرائیل پر مزید میزائل داغے تو تہران جل کر راکھ ہو جائے گا۔
انہوں نے ایرانی رہبر اعلیٰ آیت اللہ خامنہ ای پر الزام لگایا کہ وہ ایرانی عوام کو یرغمال بنائے ہوئے ہیں اور ان کے ہاتھوں تہران کے شہری بھاری قیمت ادا کر رہے ہیں۔
ایرانی فضائی حدود بندایرانی شہری ہوا بازی کے ادارے نے ملک کی فضائی حدود کو تاحکمِ ثانی بند کرنے کا اعلان کیا ہے۔
ایرانی خبر رساں ایجنسی کے مطابق ملک بھر کے ہوائی اڈوں پر تمام پروازیں معطل کر دی گئی ہیں تاکہ مسافروں کی حفاظت کو یقینی بنایا جا سکے۔
یہ بھی پڑھیں اسرائیل نے ایران کو مرکزی جنگی محاذ قرار دے دیا، غزہ ثانوی ترجیح بن گیا
واضح رہے کہ اسرائیل کی جانب سے ایران میں کیے گئے ٹارگٹڈ آپریشن کے بعد دونوں ملک آمنے سامنے ہیں، ایران نے اسرائیل کی جانب جوابی میزائل بھی داغے ہیں اور مزید بڑی کارروائی کا اعلان کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل اسرائیل ایران جنگ امریکا ایران تنبیہ وی نیوز
راولپنڈی: کمسن گھریلو ملازمہ کے قاتل میاں بیوی کو رہائی مل گئی