وطن عزیز کی حفاظت کیلئے پاک فوج کے شانہ بشانہ کھڑے ہیں، علمائے بلتستان کا اعلان
اشاعت کی تاریخ: 2nd, May 2025 GMT
علماء کے اجلاس میں یہ بھی واضح کیا گیا کہ قرآن و سنت کی رو سے معدنیات، جنگلات اور زمین کا حقیقی مالک عوام ہے۔ حکومت گلگت بلتستان کی معدنیات، جنگلات اور زمین کے حوالے سے ایسی قانون سازی کرے جس میں عوام کے مفادات کی مکمل حفاظت ہو اور کوئی بھی قانون قرآن و سنت سے متصادم نہ ہو۔ اسلام ٹائمز۔ صدر انجمن امامیہ علامہ سید باقر الحسینی کی صدرات میں بلتستان بھر کے محکمہ شرعیہ کے قضاة اور سینئر وکلاء کا ایک اہم اجلاس منعقد ہوا جس میں سکردو، شگر، کھرمنگ،خپلو اور روندو کے محکمہ شرعیہ کے علمائے کرام نے بھرپور شرکت کی اور متفقہ طور پر فیصلہ کیا گیا کہ بھارت نے ملک عزیز پاکستان کے خلاف کوئی بھی دراندازی کرنے کی کوشش کی تو دندان شکن جواب دینگے۔ ہم ملک عزیز پاکستان کے دفاع کے لیے تن من دھن کی قربانی دینے سے دریغ نہیں کرینگے اور ملک کے دفاع کے لیے ہم ہمیشہ پاک فوج کے شانہ بشانہ کھڑے ہیں۔ ہم انڈیا کے حکمران اور میڈیا کے جھوٹے پروپیگنڈے کی بھرپور مذمت کرتے ہیں۔ اجلاس میں مزید کہا گیا کہ قرآن و سنت کی رو سے معدنیات، جنگلات اور زمین کا حقیقی مالک عوام ہے۔ حکومت گلگت بلتستان کی معدنیات، جنگلات اور زمین کے حوالے سے ایسی قانون سازی کرے جس میں عوام کے مفادات کی مکمل حفاظت ہو اور کوئی بھی قانون قرآن و سنت سے متصادم نہ ہو۔
اجلاس میں مزید کہا گیا کہ سٹیک ہولڈرز کو اعتماد میں لیے بغیر کوئی بھی قانون قبول نہیں کرینگے۔ اجلاس میں واضح کیا گیا کہ تمام مکاتب فکر کے قاضی القضاة سے ملکر معدنیات، جنگلات اور زمینوں کے متعلق تحریری فتویٰ صادر کرینگے۔ گلگت بلتستان کی معدنیات پر شب خون مارنے اور ناجائز قبضہ کرنے کی اجازت کسی صورت نہیں دینگے۔ اگر قبضہ کرنے کی کوشش کی تو سخت رد عمل دینگے۔ اجلاس میں صدر انجمن امامیہ علامہ سید باقر الحسینی، علامہ شیخ فدا حسن عبادی محکمہ شرعیہ سکردو، علامہ سید علی موسوی محکمہ شرعیہ سکردو گہوری، علامہ شیخ علی محکمہ شرعیہ پاری کھرمنگ، علامہ سید عباس موسوی محکمہ شرعیہ چھوترن شگر، علامہ شیخ غلام حسین محکمہ شرعیہ خپلو اور علامہ سید علی موسوی محکمہ شرعیہ روندو شریک ہوئے۔
ذریعہ
ذریعہ: Islam Times
کلیدی لفظ: جنگلات اور زمین محکمہ شرعیہ اجلاس میں علامہ سید کوئی بھی گیا کہ
پڑھیں:
کراچی میں ہواؤں کی رفتار کم ہوگئی، درجہ حرارت بڑھنے کا امکان
کراچی:شہر قائد میں سمندری ہواؤں کی رفتار میں کمی کے سبب درجہ حرارت بڑھنے کا امکان ہے۔
محکمہ موسمیات کے مطابق شہر کا مطلع جزوی ابر آلود، گرم اور مرطوب رہنے کا امکان ہے جبکہ نمی کا تناسب بڑھنے سے گرمی زیادہ محسوس کی جائے گی۔
شہر میں جنوب مغرب سے 8 کلو میٹر فی گھنٹہ کی رفتار سے چل رہی ہے، آج زیادہ سے زیادہ درجہ حرارت 36 ڈگری تک بڑھ سکتا ہے۔ آج صبح کم سے کم درجہ حرارت 29 ڈگری سینٹی گریڈ رہا۔
محکمہ موسمیات کے مطابق آج تا اتوار کراچی میں صبح و رات کے اوقات میں کہیں کہیں بوندا باندی کا امکان ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع