بھارتی مداح وی پی این لگا کر اپنے پسندیدہ اداکار فرحان سعید کو دیکھنے لگ گئے
اشاعت کی تاریخ: 3rd, May 2025 GMT
پاکستانی ڈرامہ و میوزک انڈسٹری کے سپر اسٹار فرحان سعید نے سوشل میڈیا پر پاکستانی فنکاروں کی شہرت سے ڈرنے والی بھارتی حکومت کو کرارا جواب دیا ہے۔
اداکار و گلوکار نے سوشل میڈیا پر چند اسٹوریز شیئر کیں۔ ان اسٹوریز میں سے ایک میں فرحان سعید کا بھارتی مداح اپنی ہی حکومت پر طنز کرتے ہوئے وی پی این لگا کر اداکار کا انسٹاگرام اکاؤنٹ دیکھنے پر ڈانس کر رہا ہے۔
دوسری جانب اداکار نے ایک اسٹوری شیئر کرتے ہوئے بتایا کہ بھارت میں ان کے مداح ہر ممکن کوشش کر کے ان کے ڈرامے دیکھنے میں مصروف ہیں۔
ایسے میں فرحان سعید نے خود بھی اپنے انسٹاگرام پر بھارتی حکومت کو آڑے ہاتھوں لے لیا۔
فرحان سعید نے بھارت میں پاکستانی ڈراموں اور فنکاروں کے اکاؤنٹس پر پابندی کا ذکر کرتے ہوئے کہا کہ جنگ سے بات شروع ہو کر بلاک کرنے تک آ گئی ہے۔
انہوں نے ’آپ کا نقصان‘ (یوور لاس) کا ہیش ٹیگ استعمال کرتے ہوئے مزید لکھا، ’بھارتی مداحوں کےلیے محبت جو ان پابندیوں کا شکار ہیں، میں دعا کرتا ہوں کہ عقل غالب آ جائے اور آپ سب اپنے پسندیدہ فنکاروں کو ایک بار پھر سے دیکھ سکیں۔‘
یاد رہے کہ حال ہی میں بھارتی حکومت نے 22 اپریل کو مقبوضہ جموں و کشمیر کے سیاحتی مقام پہلگام میں سیاحوں پر ہونے والے حملے کو جواز بنا کر 16 پاکستانی یوٹیوب چینلز بند کردیے تھے جس میں جیو نیوز سمیت دیگر نجی نیوز چینلز بھی شامل تھے۔
بعدازاں جیو انٹرٹینمنٹ سمیت مختلف انٹرٹینمنٹ و یوٹیوب چینلز بھی بند کر دیے گئے۔
بھارت میں یوٹیوب پر پاکستانی انٹرٹینمنٹ چینلز کی بندش کے حوالے سے کوئی باضابطہ اعلانیہ جاری نہیں ہوا، اس کے ساتھ ہی بھارت نے مختلف پاکستانی فنکاروں کے انسٹاگرام اکاؤنٹس بھی بند کر کے مداحوں کی ان تک رسائی بھی روک دی ہے۔
ذریعہ
ذریعہ: Daily Mumtaz
کلیدی لفظ: کرتے ہوئے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا