جنوبی ایشیا جوہری تصادم کی دہلیز پر، امریکا کردار ادا کرے، رضوان سعید شیخ
اشاعت کی تاریخ: 3rd, May 2025 GMT
امریکا میں پاکستانی سفیر رضوان سعید شیخ نے فاکس نیوز کو دیے گئے ایک خصوصی انٹرویو میں بھارت کے ساتھ بڑھتی ہوئی کشیدگی پر شدید تشویش کا اظہار کیا ہے۔ انہوں نے خبردار کیا کہ اگر موجودہ حالات پر قابو نہ پایا گیا تو یہ خطہ جوہری تصادم کی طرف جا سکتا ہے، جس کے نتائج تباہ کن ہوں گے۔
سفیر شیخ نے امریکی صدر ڈونلڈ ٹرمپ سے اپیل کی ہے کہ وہ اس بحران کے حل میں اپنا کردار ادا کریں اور مسئلہ کشمیر کے بنیادی تنازعے کو حل کرنے میں مدد فراہم کریں۔ انہوں نے کہا کہ یہ ایک جوہری فلیش پوائنٹ ہے، اور صدر ٹرمپ کے لیے یہ ایک موقع ہے کہ وہ اس مسئلے کو صرف عارضی حل کے بجائے مستقل بنیادوں پر حل کریں۔
یہ بھی پڑھیں:پاک بھارت جوہری جنگ دنیا کے لیے کتنی مہلک ہوسکتی ہے؟
انہوں نے پہلگام میں ہونے والے حالیہ حملے کے بعد بھارت کی جانب سے پاکستان پر فوری الزامات عائد کرنے پر تنقید کی، اور کہا کہ حملے کے صرف 10 منٹ بعد بھارت نے پاکستان پرالزام لگا دیا، جو ایک غیر ذمہ دارانہ رویہ ہے۔
انہوں نے کہا کہ پاکستان نے اس واقعے کی غیر جانبدار اور شفاف تحقیقات کی پیشکش کی ہے، لیکن بھارت کی جانب سے ابھی تک کوئی مثبت جواب نہیں ملا ہے۔ عالمی برادری، خاص طور پر امریکا، کو اس مسئلے کے حل میں فعال کردار ادا کرنا چاہیے تاکہ جنوبی ایشیا میں امن و استحکام قائم رکھا جا سکے۔
یہ بھی پڑھیں:2019 میں پاک بھارت جوہری جنگ کا امکان بڑھ گیا تھا، سابق امریکی عہدیدارکا انکشاف
انہوں نے مزید کہا کہ پاکستان امن کا خواہاں ہے، لیکن اس کی امن پسندی کو کمزوری نہ سمجھا جائے۔ اگر ہماری سرزمین پر کوئی حملہ ہوا تو پاکستان پوری قوت سے جواب دے گا۔ مسئلہ کشمیر کا حل جنوبی ایشیا میں پائیدار امن کے لیے ناگزیر ہے، اور عالمی برادری کو اس دیرینہ تنازعے کے حل کے لیے سنجیدہ کوششیں کرنی چاہئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا انڈیا ایٹمی جنگ بھارت پاکستان پاکستانی سفیر رضوان سعید شیخ فاکس نیوز.
ذریعہ
ذریعہ: WE News
کلیدی لفظ: امریکا انڈیا ایٹمی جنگ بھارت پاکستان پاکستانی سفیر رضوان سعید شیخ فاکس نیوز انہوں نے کہا کہ کے لیے
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ