یوٹیوبر رجب بٹ کا لندن میں پاسپورٹ چوری، عارضی دستاویزات پر وطن واپسی
اشاعت کی تاریخ: 3rd, May 2025 GMT
لاہور(شوبز ڈیسک)معروف پاکستانی یوٹیوبر رجب بٹ کا لندن میں پاسپورٹ چوری ہوگیا جس کے بعد وہ عارضی سفری دستاویزات پر پاکستان واپسی کے لیے روانہ ہونے والے ہیں۔
ذرائع کے مطابق یہ واقعہ اس وقت پیش آیا جب رجب بٹ نے اپنی گاڑی ایک پارکنگ ایریا میں کھڑی کی اور بیگ گاڑی کی پچھلی سیٹ پر واضح طور پر رکھا ہوا تھا۔ چوروں نے مبینہ طور پر گاڑی کا شیشہ توڑ کر بیگ چوری کرلیا جس میں پاسپورٹ سمیت دیگر قیمتی اشیاء موجود تھیں۔
پاسپورٹ چوری ہونے کے بعد رجب بٹ نے پاکستان ہائی کمیشن لندن سے عارضی سفری دستاویز (Temporary Travel Document) کے لیے درخواست دی جو صرف ایک مرتبہ استعمال کی جا سکتی ہے۔ انہیں یہ دستاویز جاری کر دی گئی ہے اور وہ جلد پاکستان روانہ ہوں گے۔
رجب بٹ نے سوشل میڈیا پر دعویٰ کیا تھا کہ ان پر “حملہ” ہوا ہے تاہم قریبی ذرائع کے مطابق یہ واقعہ چوری کا ہے نہ کہ کوئی باقاعدہ حملہ۔ آزاد ذرائع سے کسی جسمانی حملے کی تصدیق نہیں ہو سکی۔
پاکستان واپسی پر رجب بٹ امیگریشن اینڈ پاسپورٹ ڈائریکٹوریٹ کے ذریعے نیا پاسپورٹ حاصل کرنے کے لیے درخواست دے سکیں گے۔
یاد رہے کہ رجب بٹ اپنے سفر اور لائف اسٹائل ویڈیوز کی بدولت سوشل میڈیا پر خاصی شہرت رکھتے ہیں تاہم اس واقعے پر انہوں نے تاحال کوئی باضابطہ بیان جاری نہیں کیا۔ لندن میٹروپولیٹن پولیس نے بھی اس معاملے پر کوئی تبصرہ نہیں کیا۔
20 مزیدپڑھیں:کلو آٹے کی قیمت میں اضافہ ہوگیا
ذریعہ: Daily Ausaf
پڑھیں:
لندن میں سکھ برادری کا مودی کی پالیسیوں کے خلاف احتجاج
لندن(مجتبیٰ علی شاہ) لندن میں سکھ مظاہرین نے بھارتی وزیراعظم نریندر مودی کی پالیسیوں کے خلاف شدید احتجاج کیا ۔ مظاہرین نے بھارتی وزیراعظم کی تصویر کو تار تار کر دیا۔یہ مظاہرہ پاکستانی ہائی کمیشن کے باہر ہونے والے بھارتی احتجاج کے جواب میں کیا گیا۔ سکھ کمیونٹی نے لندن کی سڑکوں پر نکل کر بھارت مخالف اپنے جذبات کا بھرپور اظہار کیا اور بھارتی مظاہرے کو غیر سنجیدہ قرار دیا۔مظاہرین نے مودی حکومت کی پالیسیوں کو سکھوں کے خلاف قرار دیتے ہوئے شدید نعرے بازی کی ۔لندن میں سکھوں کا یہ احتجاج بھارت میں اقلیتوں کے ساتھ روا رکھے جانے والے سلوک پر عالمی سطح پر بڑھتی ہوئی تشویش کا مظہر ہے۔ سکھ کمیونٹی نے واضح پیغام دیا ہے کہ وہ مودی حکومت کی پالیسیوں کے خلاف ہر فورم پر آواز بلند کرتے رہیں گے۔
سرگودھا یونیورسٹی میں سالانہ سی ای او فورم ، فرخ شہباز وڑائچ کا طلبہ کو میڈیا اور ای کامرس اپنانے پر زور
لندن میں ہونے والے مظاہرے میں سکھ برادری نے بھارتی پرچم اور مودی کی تصویر پر اپنے ردعمل کا اظہار کیا۔ احتجاج کے دوران بھارتی وزیراعظم نریندر مودی کی تصویر کو سڑکوں پر گھسیٹا گیا ۔سکھوں نے پاکستان ہائی کمیشن کے باہر بھارتی حکومت کی ایما پر ہونے والے احتجاج کا بہترین جواب دیتے ہوئے اپنے بھارت مخالف جذبات کا بھرپور مظاہرہ کیا۔ شرکا نے بھارتی مظاہرے کو غیر سنجیدہ قرار دیا۔
مزید :
بھارتی فالس فلیگ آپریشن کیخلاف پنجاب اسمبلی میں قرارداد جمع