قومی یکجہتی عمران خان کی رہائی سے مشروط کرنا حب الوطنی مشروط کرنے کے مترادف ہے، خواجہ آصف
اشاعت کی تاریخ: 4th, May 2025 GMT
اسلام آباد:
وزیردفاع خواجہ آصف نے پہلگام واقعے کے بعد پاک-بھارت کشیدگی پر قومی سیاسی رہنماؤں کی بریفنگ میں شرکت کے لیے پاکستان تحریک انصاف (پی ٹی آئی) کی جانب سے عمران خان کی رہائی کا شرط رکھنے کو حب الوطنی مشروط کرنے کے مترادف قرار دے دیا۔
وزیر دفاع خواجہ آصف نے سوشل میڈیا پر جاری بیان میں کہا کہ قومی اتحاد اور یک جہتی کے اظہار کو عمران خان کی شرکت یا رہائی سے مشروط کرنا پی ٹی آئی کی کوتاہ اندیشی ہے اور یہ حب الوطنی کو مشروط کرنے کے مترادف ہے۔
انہوں نے کہا کہ پلوامہ واقعے کے وقت ہماری قیادت کا بیشتر حصہ عمران خان کی فرمائش پر قید تھا لیکن جیلو ں سے باہر قیادت نے عمران خان کی بلائی گئی بریفنگ میں شرکت کی تھی۔
ان کا کہنا تھا کہ گو کہ عمران خان نے اس بریفنگ میں ہمارے ساتھ بیٹھنے سے انکار کر دیا تھا لیکن ہم نے قومی اتحاد میں رخنہ نہیں ڈالا کیونکہ وطن اور اس کی سلامتی شخصیات اور لیڈرشپ سے کہیں زیادہ اہم ہے۔
وزیر دفاع نے کہا کہ پاکستان کو تا قیامت دوام ہے، ان شا اللہ، بڑے محترم لیڈرز آئے اور دنیا سے رخصت ہوئے، اپنی یاد چھوڑ جاتے ہیں لیکن قومیں زندہ رہتی ہیں۔
.ذریعہ: Express News
کلیدی لفظ: عمران خان کی
پڑھیں:
قومی ائیرلائن کے پرسیشن انجینیئرنگ شعبے کو پاک فضائیہ کے ذیلی ادارے کے حوالے کرنے کی منظوری دیدی گئی
قومی ائیرلائن کی نجکاری کے عمل میں ایک اہم پیش رفت سامنے آگئی۔ پی آئی اے ہولڈنگ کمپنی کے غیر معمولی اجلاس عام میں قومی ائیرلائن کے شعبہ پرسیشن انجینیئرنگ کو پاک فضائیہ کے ذیلی ادارے پی ای سی پی ایل کے حوالے کرنے کی منظوری دے دی گئی۔25 اکتوبر کو اسلام آباد میں منعقد ہونے والے اجلاس میں پی آئی اے ہولڈنگ کمپنی کے شیئر ہولڈرز نے متفقہ طور پر پرسیشن انجینئرنگ شعبے کی منتقلی کی منظوری دی۔اسکیم آف ارینج منٹ کے تحت پی آئی اے کا پرسیشن انجینئرنگ شعبہ یکم مئی 2025 سے باقاعدہ طور پر پاک فضائیہ کی زیلی کمپنی پی ای سی پی ایل کے حوالے کیا گیا ہے۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر