مقدمات بنائیں یا ہمیں ماریں، ہم پھر بھی عمران خان کے ساتھ ہوں گے. جنید اکبر خان
اشاعت کی تاریخ: 5th, May 2025 GMT
ہنگو(اردوپوائنٹ اخبارتازہ ترین-انٹرنیشنل پریس ایجنسی۔ 05 مئی ۔2025 ) تحریک انصاف کے پی کے صدر اور قومی اسمبلی میں پبلک اکاﺅنٹس کمیٹی کے سربراہ جنید اکبر خان نے کہا ہے کہ مقدمات بنائیں یا ہمیں ماریں ہم پھر بھی عمران خان کے ساتھ ہوں گے آپ کے اور عوام کے درمیان فاصلے تب ہی کم ہوں گے جب عمران خان آئے گا اور آپ کے حق میں بات کرے گا.
(جاری ہے)
ہنگو میں پی ٹی آئی کی کارنر میٹنگ سے خطاب کرتے ہوئے انہوں نے کہا کہ یہ ملک میرا ہے، میں نے یہاں مرنا ہے، میرے بچوں نے یہاں مرنا ہے، آپ مامے‘ چاچے نہ بنیں، عقل کل نہ بنیں، یہ ملک آپ کی جاگیر نہیں ہے، آپ ان فیصلوں کے ساتھ جائیں جو قوم نے کیے، آپ کو ہم اس وقت تک معاف نہیں کریں گے جب تک آپ اپنی غلطیوں کی اصلاح نہ کرو، میرے قائد کا بہت بڑا سینہ ہے، آپ جائیں معافی مانگیں تو وہ معاف کر دے گا، آپ ایف آئی آر کاٹیں، ہمیں ماریں، ہم پھر بھی عمران خان کے ساتھ ہوں گے.
انہوں نے کہاکہ آپ ہمیں دہشت گرد سمجھیں یا غدار سمجھیں، عمران خان کی محبت ہماری دلوں میں ہے، جس ریاست کو ہم نے ماں کا درجہ دیا اسی نے احتجاجی مظاہرین پر گولیاں برسائیں، ریاست نے پارٹی کارکنان کے ساتھ ظلم اور جبر کیا ہے، اس بار پوری تیاری کے ساتھ نکلیں گے، اس بار جو گولی کھا سکتا ہو اور جو جیل کاٹ سکتا ہو وہی باہر نکلے گا. انہو ں نے کہا کہ اختلاف ہر پارٹی میں ہوتا ہے اور اختلاف زندہ لوگوں کی مثال ہے، خیبر پختونخواہ کے تمام اضلاع میں ورکرز کنونشن کریں گے، یہ لوگ سمجھ رہے تھے کہ عمران خان کے کارکن کو ظلم و ستم کا نشانہ بنا کر ان کو اپنی قیادت سے جدا کریں گے، ظلم و ستم اور گرفتاریوں سے سیاسی تحریکیں مزید مضبوط ہوتی ہے، آپ کو اس وقت تک ہم معاف نہیں کریں گے جب تک احتساب نہ کریں، میرے قائد کا بہت بڑا سینہ ہے، آپ جائیں اور معافی مانگیں تو وہ معاف کر دے گا. جنید اکبر خان کا کہنا ہے کہ ملک کے نوجوان نے عمران خان والی تاریخ پڑھی ہے، اسے پتا ہے تم کتنے بہادر ہو، ہمیں ڈرا رہے ہو کہ آپ کی فائلیں ہیں، ویڈیو ہے، آپ کے بچے ہیں، اگر ہماری جگہ نوجوان آ گیا جس کے بچے نہیں ہوں گے، بیوی نہیں ہوگی، فائلیں نہیں ہوں گی تو پھر آ کیا کریں گے؟ تمہارے لیے بہت مشکل ہو جائے گا وہ تو تمہیں مذمت کے قابل بھی نہیں چھوڑے گا، میں آپ کو سمجھانا چاہتا ہوں کہ آپ اور عوام کے درمیان فاصلے بڑھے ہیں، آپ ہمیں ننگا کریں، ایف آئی آریں کاٹیں یا فائلیں بنائیں آپ کے اور عوام کے درمیان فاصلے تب ہی کم ہوں گے جب عمران خان آئے گا اور آپ کے کے حق میں بات کرے گا.
ذریعہ
ذریعہ: UrduPoint
کلیدی لفظ: تلاش کیجئے عمران خان کے کے ساتھ کریں گے ہوں گے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان