کام دلانے کا جھانسا دے کر جنسی زیادتی؛ اعجاز خان پر اداکارہ کا سنگین الزام
اشاعت کی تاریخ: 5th, May 2025 GMT
بگ باس فیم اداکار اعجاز خان اپنے شو ’’ہاؤس اریسٹ‘‘ میں نازیبا مناظر کے بعد ایک اور سنگین الزام کی زد میں آگئے ہیں۔ ممبئی کی ایک اداکارہ نے اعجاز پر شادی اور شو میں کردار دینے کا جھانسا دے کر زیادتی کا الزام عائد کیا ہے۔
اداکار کے خلاف جنسی زیادتی کے الزامات کے بعد ممبئی کے چرکوپ پولیس اسٹیشن میں ایف آئی آر درج کرلی گئی ہے اور تحقیقات کا عمل جاری ہے۔
یہ خبر بھی پڑھیے: بھارتی رئیلٹی شوز میں ’’نازیبا مواد‘‘؛ تمام حدیں پار ہوگئیں
ذرائع کے مطابق متاثرہ اداکارہ نے پولیس کو بتایا کہ اعجاز خان نے انہیں اپنے شو ’ہاوس اریسٹ‘ میں میزبان کا کردار دینے کی پیشکش کی تھی۔ دورانِ شوٹنگ، اعجاز نے پہلے انہیں شادی کی پیشکش کی اور بعد ازاں ان کے گھر جاکر مبینہ طور پر زیادتی کی۔
متاثرہ خاتون نے واقعے کے بعد چرکوپ پولیس اسٹیشن میں باضابطہ شکایت درج کرائی، جس پر پولیس نے فوری کارروائی کرتے ہوئے اعجاز خان کے خلاف بھارتیہ نیایہ سنہتا (BNS) کی دفعات 64، 64(2M)، 69، اور 74 کے تحت زیادتی کا مقدمہ درج کرلیا ہے۔
یہ الزامات اعجاز خان کےلیے حالیہ دنوں میں دوسرا بڑا جھٹکا ہیں، کیونکہ وہ پہلے ہی اپنے متنازع شو ’ہاوس اریسٹ‘ کے غیر مناسب مواد کے باعث ایک علیحدہ ایف آئی آر کا سامنا کررہے ہیں۔
یہ خبر بھی پڑھیے: رئیلٹی شو میں نازیبا مناظر: اعجاز خان کیخلاف ایف آئی آر درج
پولیس کے مطابق اعجاز خان کی گرفتاری کسی بھی وقت ممکن ہے اور اس معاملے کی گہرائی سے تفتیش جاری ہے۔
.ذریعہ: Express News
پڑھیں:
سابق نگراں وفاقی وزیر گوہر اعجاز نے معاشی بحالی کا روڈ میپ پیش کردیا
وقاص عظیم: چیئرمین ایکنامک پالیسی اینڈ بزنس ڈویلپمنٹ اور سابق نگراں وفاقی وزیر گوہر اعجاز نے معاشی بحالی کا روڈ میپ پیش کردیا۔
سابق نگراں وفاقی وزیر گوہر اعجاز نے اپنے بیان میں کہا ہے کہ معاشی ترقی نیا قرضہ لے کر یا پرانے قرضوں کی ری شیڈول سے ممکن نہیں۔
گوہر اعجاز نے کہا کہ قرضوں پر ملک کو چلانے سے ترقی و خوشحالی نہیں آ سکتی، قرضے عارضی معاشی ریلیف فراہم کرتے ہیں قرضہ آئی سی یو میں داخل معیشت کو محض سہارا دے سکتا ہے تاہم معاشی کامیابی کے لیے تجارت ، سرمایہ کاری اور صنعتوں کو چلانا اہم ہے۔
نادرا لاہور ریجن میں ’’میری شناخت، میرا تحفظ‘‘ کے موضوع پر خصوصی آگاہی ہفتہ شروع
سابق نگراں وفاقی وزیرنے کہا کہ پاکستان کو دنیا کی پانچویں معیشت بنایا جا سکتا ہے ،پاکستان آبادی کے لحاظ سے پانچواں بڑا ملک ہے ۔
گوہر اعجاز نے مزید کہا کہ معاشی کامیابی کیلئے ملک میں کاروبار دوست ماحول پیدا کیا جائے۔
گوہر اعجاز نے تجویز دی کہ پائیدار معاشی ترقی کیلئے صنعتوں کو علاقائی ممالک کی نسبت یکساں مواقع فراہم کیے جائیں، معاشی خوشحالی کیلئے تجارت ، صنعت اور سرمایہ کاری کو پھلنے پھولنے کا موقع دیا جائے۔
سانحہ 9 مئی ، ٹرائل کی کارروائی 20 ستمبر تک ملتوی
سعودی ولی عہد کا امیر قطر سے ٹیلی فون،مکمل تعاون کی یقین دہانی