پنجاب میں 4 ہزار، سندھ میں صرف 250 فارماسسٹ تعینات؛ مہنگی ادویات عوام کی پہنچ سے باہر
اشاعت کی تاریخ: 5th, May 2025 GMT
کراچی:
سندھ کے سرکاری اسپتالوں میں فارمسٹ کی تعداد نہ ہونے کے برابر ہے جبکہ ادویات کی قیمتوں میں گزشتہ ایک سال میں 200 فیصد اضافہ ہوا ہے، وفاقی حکومت کی جانب سے ادویات کے حوالے سے کوئی پالیسی نہ ہونے پر پاکستان فارماسسٹ ایسوسی ایشن نے تشویش کا اظہار کیا ہے۔
پاکستان فارماسسٹ ایسوسی ایشن سندھ کے صدر عدنان رضوی نے فارماسسٹ اجلا س کے بعد ایکسپریس ٹربیون سے بات چیت میں بتایا کہ ملک میں وفاقی سطح پر ادویات کی قیمتوں کو کنٹرول کرنے والے خاموش ہیں جس کی وجہ سے ادویات کی قیمتوں میں 200 فیصد تک اضافہ ہوگیا ہے اور اب صورتحال یہ ہے مریضوں کی بڑی تعداد ادویات سے دور ہورہی ہے جو ایک خظرناک صورتحال بنتی جا رہی ہے مریضوں کی اکثریت ادویات خریدنے کی سکت نہیں رکھتی۔
دوسری جانب اینٹی بائیوٹک کے غیر ضروری استعمال سے انسانی جسم میں مختلف بیکٹیریا کے خلاف قوت مزاحمت ختم ہورہی ہے۔ پاکستان فارماسسٹ ایسوسی ایشن سندھ کے صدر جناب عدنان رضوی نے مزید بتایاکہ کراچی سمیت سندھ کے سرکاری استپال میں صرف 250 فارمسٹ موجود ہیں، بلوچستان کے اسپتالوں میں 1200 جبکہ پنجاب کے سرکاری اسپتالوں میں 4000 فارماسسٹ تعینات ہیں۔
کراچی کے سب سے بڑے سرکاری اسپتال جناح استپال جہاں 2500 بستروں کی تعداڈ ہیں اتنے بڑے اسپتال میں صرف 2 فارماسسٹ کام کررہے ہیں۔سندھ کے سرکاری اسپتالوں میں فارماسسٹ کی مجموعی تعداد کم ہونے پر تشویش کا اظہار کیا گیا جبکہ اجلاس میں ادویات کی قیمتوں میں اضافے پر بھی گہری تشویش کا اظہار کیا گیا۔
اجلاس میں حکومت اور ڈریپ (DRAP) سے فوری اقدامات کا مطالبہ کیا گیا کہ پالیسی فوری مرتب کی جائے تاکہ Non - essential ادویات کی قیمتوں کو کنٹرول کیا جا سکے کیونکہ یہ قیمتیں عام مریضوں کی پہنچ سے باہر ہوتی جا رہی ہیں۔
اس کے علاوہ اجلاس میں فارماکوویجیلنسPharmacovigilance)، اے ڈی آر(ائڈورس ڈرگ ری ایکشن Adverse drug reaction) اے ایم آر (اینٹی مائکروبئل رزسٹنسAnti microbial resistance) جیسے اہم نکتوں پر بھی گفتگو کی گئی۔
پاکستان فارماسسٹ ایسوسی ایشن (PPA) سندھ نے اس بات پر زور دیا ہے کہ فارماسسٹ عوامی صحت کے تحفظ میں اہم کردار ادا کرتے ہیں، فارماسسٹ سب سے زیادہ قابل رسائی صحت کے ماہرین ہیں جو یہ یقینی بناتے ہیں کہ ادویات محفوظ اور مؤثر طریقے سے استعمال ہوں۔ ان کا کردار ADR کی شناخت اور بروقت رپورٹنگ میں نہایت اہم ہے جس سے مریضوں کو شدید نقصان سے بچایا جا سکتا ہے۔ خاتون فارماسسٹ کے لئے الیکٹرک اسکوٹی کی فراہمی کے لیے انشاء اللہ جلد لائحہ عمل بنا کر حکومتی وفد سے ملاقات کی جائے گی۔
اجلاس موجود محمد بخش سومرو(جنرل سیکریٹری PPA سندھ) غیاث احمد اور فرحان انصاری کا کہنا تھا کہ ہم فارماسسٹ کمیونٹی کو بہتر بنانے میں ہم کردار ادا کریں گے اور ان کے جائز حقوق کے لیے ہر ممکن کوشش کریں گے۔
.ذریعہ: Express News
کلیدی لفظ: پاکستان فارماسسٹ ایسوسی ایشن ادویات کی قیمتوں اسپتالوں میں کے سرکاری سندھ کے
پڑھیں:
ڈسٹ سسپنشن سسٹم 15 جدید اینٹی اسموگ گنز کے ساتھ لاہور پہنچ گیا
فوٹو سوشل میڈیاوزیرِ اعلیٰ پنجاب مریم نواز شریف کا کہنا ہے کہ دنیا کا پہلا آزمودہ ڈسٹ سسپنشن سسٹم 15 جدید اینٹی اسموگ گنز کے ساتھ لاہور پہنچ چکا ہے۔
لاہور سے جاری کیے گئے بیان میں انہوں نے کہا ہے کہ اینٹی اسموگ گنز ماحولیات کے تحفظ کے لیے انقلابی قدم ہے۔
پنجاب کی وزیرِ اعلیٰ مریم نواز نے بتایا ہے کہ جدید فوگ کینن پانی کی دھند سے خطرناک فضائی ذرات کو زمین پر گرا کر ہوا کو صاف کرتی ہیں۔
انہوں نے بتایا کہ اینٹی اسموگ گنز لاہور میں نصب ایئر کوالٹی نیٹ ورک اور ماحولیات تحفظ فورس سے منسلک ہوں گی۔
وزیرِ اعلیٰ پنجاب کا کہنا ہے کہ آلودگی کی شدت بڑھنے پر اینٹی اسموگ گنز خودکار طور پر فعال ہو جائیں گی۔
ان کا مزید کہنا ہے کہ اینٹی اسموگ گنز سسٹم سیٹلائٹ ڈیٹا، ڈرونز، کیو آر کوڈڈ بھٹہ خشت اور اے آئی ٹریکنگ سسٹم سے منسلک ہو گا۔
وزیرِ اعلیٰ پنجاب مریم نواز شریف نے یہ بھی کہا ہے کہ ٹیکنالوجی، جدت اور شہریوں کی شمولیت سے اسموگ کے خلاف جنگ جیتیں گے۔
بیرون ملک مقیم پاکستانیوں کیلئے ترسیلات زر کی سہولت اسکیم جاری رکھنے کا فیصلہ