بھارت کا حملہ، پاکستانی فنکار ہم آواز
اشاعت کی تاریخ: 7th, May 2025 GMT
پاکستان پر رات گئے بھارت کے بزدلانہ حملے کے ردعمل میں نامور پاکستانی فنکاروں نے ہم آواز ہوکر بھارت کو کھری کھری سُنادی۔
منگل اور بدھ کی درمیانی شب 12 بجے سے ایک بجے کے درمیان بھارت نے 6 مختلف مقامات بہاولپور، مریدکے، مظفرآباد، کوٹلی اور دیگر علاقوں پر 24 حملے کیے، بزدلانہ میزائل حملے میں 8 پاکستانی شہید اور 35 زخمی ہوئے، جوابی کارروائی میں پاکستان نے بھارت کے 5 طیارے مار گرائے اور بھارتی فوج کا بریگیڈ ہیڈ کوارٹر بھی تباہ کردیا۔
نامور پاکستانی اداکارہ ماہرہ خان نے بھارتی حملے کو ‘بزدلانہ’ قرار دیتے ہوئے لکھا کہ ‘اللہ ہمارے ملک کی حفاظت فرمائے اور عقل و شعور غالب آئے، آمین’۔
اداکارہ ماورہ حسین نے لکھا کہ ‘بھارتی حملوں کی سختی سے مذمت کرتی ہوں، معصوم شہری اپنی جان سے ہاتھ دھو بیٹھے، اللہ ہم سب کو حفظ و امان میں رکھے، عقل و شعور کو فروغ ملے، یا االلہُ، یا حافظ، پاکستان زندہ باد’۔
اداکارہ عروہ حسین نے لکھا کہ ‘ہم اس وقت کسی جنگی دشمن سے نہیں لڑ رہے، ہم ایک چھوٹی سی انا پر مبنی ذہنیت والے حقیر پڑوسی سے لڑ رہے ہیں جو محض سیاسی مفاد کے لیے جعلی پروپیگنڈہ پھیلانا چاہتا ہے، گھٹیا، بھاڑ میں جاؤ تم، پاکستان زندہ باد اور پاک فوج پائندہ باد’
اداکارہ مریم نفیس نے بھارتی حملے کی خبر شیئر کرتے ہوئے لکھا کہ ‘تعجب ہے کہ آپ کو لگتا ہے ہم آپ کا پروپگنڈہ نہیں سمجھتے، ہنسی آتی ہے اس بات پر کہ آپ ہمیں کمزور سمجھتے ہیں، خدا عقل و فہم دے، اللہ رحم، پاکستان زندہ باد’
اداکارہ منال خان نے بھارتی حملے میں شہید پاکستانی بچے کی تصویر شیئر کرتے ہوئے لکھا کہ ‘بہنے والا پہلا خون ایک بچے کا تھا، مبارک ہو بھارت، آپ آخرکار اسرائیل بننے کی راہ پر ہیں’۔
اداکارہ ایمن خان نے لکھا کہ ‘اپنے وطن کیلئے دعاگو ہوں، پاکستان زندہ باد، اللہ ہمارے ملک اور عوام کو محفوظ رکھے، آمین’
اداکارہ امر خان نے لکھا کہ ‘آج کی رات امن اور انسانیت کے لیے دعاگو ہیں، میرا دل ان علاقوں کے لوگوں کے ساتھ ہے جن پر آدھی رات کو بزدلانہ حملہ ہوا، جنگ چھیڑنے کا فیصلہ دونوں طرف سے سب سے ہولناک اور نقصان دہ آپشن ہے’
انہوں نے مزید لکھا کہ ‘ہم سب ایک قوم ہیں، پاکستان کی مسلح افواج کو بہادری اور ملک کی حفاظت کو یقینی بنانے پر سلام، پاکستان زندہ باد’۔
اداکارہ زارا نور عباس نے لکھا کہ بچے سو رہے تھے، خواتین اور بچے، اپنے گھروں میں سو رہے تھے، یہ (اچانک حملہ) سراسر ناانصافی ہے، یہ جرم ہے، میں جنگ کی مذمت کرتی ہوں، میں انتشار میں اضافے اور پاکستان کی فضائی حدود کی خلاف ورزی کی مذمت کرتی ہوں’۔
انہوں نے مزید لکھا کہ جنگ کا کوئی مقصد نہیں سوائے معصوم جانوں کے شہید ہونے کے، ان فوجیوں کی عورتوں اور بچوں کے بارے میں سوچیں جو اس وقت ہوائی جہاز میں میزائل داغ رہے ہیں، اس کوشش میں کہ پہلے کون کسے مار گرائے گا، اس میں کسی کی جیت نہیں ہوگی، لڑاکا طیاروں کی آوازوں میں کوئی بچہ نہیں سوسکتا، کسی ماں کو اس فکر میں مبتلا نہیں ہونا چاہیے کہ آنے والا کل اس کے گھر والوں کے لیے کیا لے کر آئے گا’۔
اُن کا کہنا تھا کہ دونوں فریقین کو کہوں گی کہ انسانی زندگی کوئی کھیل نہیں ہے، اس دھرتی کی بیٹی کے طور پر، میں اپنے ملک کے ساتھ کھڑی ہوں اور امن کیلئے دعاگو ہوں’۔
اداکارہ سبینہ فاروق نے لکھا کہ ‘یہ افسوسناک ہے، اذیت ناک ہے، میں کسی ملک کے بارے میں بات نہیں کرنا چاہتی لیکن کیا ہم واقعی ہم یہ سب دیکھنا چاہتے ہیں؟ معصوم لوگوں کو مرتے ہوئے دیکھیں اور اسے مودی کا جشن کہیں؟ اندھیرے میں لوگوں کو مارنا صریح ظلم ہے’۔
انہوں نے لکھا کہ ‘میں امید اور دعا کرتی ہوں کہ معصوم کی جان کو نقصان نہ پہنچے کیونکہ آپ ہم سے نفرت کر سکتے ہیں لیکن ہم کسی بھی عام اور معصوم انسان کو پہنچنے والے نقصان کی حمایت نہیں کرتے اور نہ ہی کریں گے’۔
اداکارہ حنا الطاف نے لکھا کہ ‘میں ہماری مسجد پر حملے کی شدید مذمت کرتی ہوں، ایک مقدس مقام جس سے ہم مسلمانوں کے جذبات کا گہرا تعلق ہوتا ہے، ایک بچہ جان کی بازی ہار گیا اور 12 افراد زخمی ہوئے، شہری علاقوں کو نشانہ بنایا گیا، یہ ایک تکلیف دہ یاد دہانی ہے جس کی قیمت معصوم جانوں کو برداشت کرنی پڑ رہی ہے’۔
انہوں نے مزید لکھا کہ ‘ٹھیک ہے مان لیا کہ شاید بائیکاٹ اور نفرت اس سب کا جواب نہیں ہے لیکن کیا ہم کم از کم کچھ وقت کیلئے تو رک سکتے ہیں؟ پاکستانیوں کو 48 گھنٹوں میں بھارت چھوڑنے کا کہا جا رہا ہے، ہمارے سوشل میڈیا اکاؤنٹس پر پابندی لگائی جا رہی ہے، ہماری آوازوں کو دبایا جا رہا ہے اور پھر بھی، ہم ابھی بھی میٹ گالا کی چکاچوند کے ساتھ اپنی ٹائم لائنز بھر رہے ہیں، یہ سیاست نہیں عزت نفس کا معاملہ ہے’۔
اُن کا کہنا تھا کہ میں اپنی پاکستان میڈیا انڈسٹری سے محبت کرتی ہوں لیکن ہماری آواز سنائی دینی چاہیے، میں یہ نہیں کہہ رہی کہ نفرت پھیلاؤ لیکن فی الوقت کیا ہم اپنی عزت و وقار کو ترجیح دے سکتے ہیں؟ مہربانی فرمائیں، اس بار؟ کیا ہم یہ کر سکتے ہیں؟ سرحد کے اس پار آپ کے کولیبریشنز کی تمام ویڈیوز حذف ہو جاتی ہیں، ان کے پروجیکٹس میں سے نمایاں پاکستانی فنکار آؤٹ ہوجاتے ہیں، ہمارے چینلز؟ اُن پر بھی پابندی لگا دی گئی، اور پھر یہ سب ہوگیا، واہ یار، میں حیران ہوں واقعی ہم اب بھی ایسے رہیں گے جیسے کچھ نہیں ہوا؟’
اداکارہ کبریٰ خان نے لکھا کہ ‘مجھے نہیں لگتا کہ آج رات کوئی سو سکا ہوگا، معصوم جانیں ضائع ہونے سے کوئی خوشی نہیں ہوتی، چاہے وہ کہیں بھی ہوں، افسوس کی بات ہے کہ میں ایک بچے کی موت پر لوگوں کو جشن مناتے دیکھ رہی ہوں، اس سے میرا دل ٹوٹ رہا ہے، میں ہم سب کے لیے سلامتی کی دعاگو ہوں’۔
انہوں نے مزید لکھا کہ ‘ہماری حفاظت کے لیے لڑنے والے اپنے فوجیوں کیلئے بھرپور حمایت، اللہ کے بعد ہم آپ پر اعتماد کرتے ہیں اور ہمیں آپ پر فخر ہے، شکریہ’۔
اداکار فہد مصطفیٰ نے بھارتی حملے کے بعد پاکستان کی کامیاب جوابی کارروائی پر نعرہ بنلد کرکے مسرت کا اظہار کیا۔
انہوں نے اپنی انسٹاگرام اسٹوری میں لکھا ‘اللہ اکبر، پاکستان زندہ باد’
اداکار منیب بٹ نے اپنے ویڈیو پیغام میں بھارت کو کھلے عام للکارا اور بزدلانہ حملے پر مذمت کا اظہار کیا۔
View this post on Instagram
A post shared by Muneeb Butt (@muneeb_butt)
اداکار بلال عباس نے لکھا کہ ‘بھارت نے آج جو کچھ کیا ہے وہ شرمناک اور بزدلانہ حرکت سے کم نہیں ہے، بے گناہ شہریوں پر حملہ، معصوم جانیں لینا، یہ انسانیت کے خلاف جرم ہے اور اسے جائز سمجھا یا نظر انداز نہیں کیا جا سکتا۔
انہوں نے مزید لکھا کہ میرا دل ہر پاکستانی کے لیے دکھتا ہے جس نے آج اپنے پیاروں کو کھو دیا ہے، ہم اس ظلم کو فراموش نہیں کریں گے اور ایسی ناانصافی پر خاموش نہیں رہیں گے۔
اُن کا کہنا تھا کہ ‘میں ان معصوموں کیلئے جن کو ہم نے کھو دیا ہے، اپنے لوگوں کی حفاظت کے لیے اور پاکستان کے مستقبل کے لیے دعا گو ہوں، ایک ایسا مستقبل جہاں اس طرح کے گھناؤنے تشدد کی کوئی جگہ نہ ہو، آج ہم پہلے سے کہیں زیادہ متحد، مضبوط اور فخر سے ایک ساتھ کھڑے ہیں’۔
Post Views: 4.
ذریعہ
ذریعہ: Daily Mumtaz
کلیدی لفظ: انہوں نے مزید لکھا کہ پاکستان زندہ باد نے بھارتی حملے مذمت کرتی ہوں نے لکھا کہ نے بھارت سکتے ہیں کیا ہم کے لیے
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی